<
பழனிக்கு பாதயாத்திரை சென்ற பக்தர் லாரி மோதி பலி
பழனி முருகன் கோவிலுக்கு பாதயாத்திரை சென்ற பக்தர் மடத்துக்குளம் பகுதியில் லாரி மோதி பரிதாபமாக இறந்தார். இது தொடர்பாக லாரி டிரைவரை போலீசார் கைது செய்து விசாரணை நடத்தி வருகிறார்கள்.
மடத்துக்குளம்
பழனி முருகன் கோவிலுக்கு பாதயாத்திரை சென்ற பக்தர் மடத்துக்குளம் பகுதியில் லாரி மோதி பரிதாபமாக இறந்தார். இது தொடர்பாக லாரி டிரைவரை போலீசார் கைது செய்து விசாரணை நடத்தி வருகிறார்கள்.
இது பற்றி போலீஸ் தரப்பில் கூறப்படுவதாவது:-
பழனிக்கு பாதயாத்திரை
கோவை மாவட்டம் கிணத்துக்கடவு அருகே உள்ள கோப்பனூர்புதூர் பகுதியைச் சேர்ந்த நடராஜ் என்பவரின் மகன் வடிவேல் கார்த்திக் (வயது 38). தொழிலாளி. இவர் பழனி முருகன் கோவிலுக்கு பாதயாத்திரை செல்ல முடிவு செய்தார். இதற்காக அவர் தனது உறவினர்களுடன் பாதயாத்திரையாக பழனி மலை முருகன் கோவிலுக்கு சென்றார். இவர்கள் நேற்று காலை 5 மணி அளவில் திருப்பூர் மாவட்டம் மடத்துக்குளம் அமராவதி ஆற்றுப்பாலம் வழியாக நடந்து சென்று கொண்டிருந்தனர்.
லாரி மோதி பலி
அப்போது சாலையோரம் நடந்து சென்ற வடிவேல் கார்த்திக் மீது கேரளாவில் இருந்து பழனி நோக்கி வந்த ஒரு லாரி எதிர்பாராதவிதமாக மோதியது. இந்த விபத்தில் வடிவேல் கார்த்திக் பலத்த காயம் அடைந்தார். உடனடியாக அருகில் இருந்தவர்கள் ஆபத்தான நிலையில் இருந்த வடிவேல் கார்த்திக்கை மீட்டு மடத்துக்குளம் அரசு மருத்துவமனைக்கு கொண்டு சென்றனர்.
அங்கு அவருக்கு சிகிச்சை அளிக்கப்பட்டது. பின்னர் அவர் மேல் சிகிச்சைக்காக கோவை அரசு மருத்துவமனைக்கு கொண்டு செல்லப்பட்டார். ஆனால் ஆம்புலன்சில் கோவைக்கு செல்ல முயன்ற போது வடிவேல் கார்த்திக் இறந்துவிட்டதாக மருத்துவர்கள் தெரிவித்தனர்.
டிரைவர் கைது
இது தொடர்பான புகாரின் பேரில் மடத்துக்குளம் போலீசார் வழக்குப்பதிவு செய்து லாரியை பறிமுதல் செய்தனர். மேலும் விபத்துக்கு காரணமான லாரியை ஓட்டி வந்த டிரைவரான கேரளாவை சேர்ந்த சுனில் என்பவரை போலீசார் கைது செய்து விசாரித்து வருகிறார்கள்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
