மனைவி, சின்ன மாமியாருக்கு கொலை மிரட்டல் விடுத்தவர் கைது

கரூர் மாவட்டம், கிருஷ்ணராயபுரம் தாலுகாவிற்கு உட்பட்ட போத்துராவுத்தன்பட்டி பகுதியை சேர்ந்தவர் பாலசுப்பிரமணி(வயது 40). இவர் சவுதி அரேபியாவில் வேலை செய்து வருகிறார். இந்தநிலையில் கடந்த வாரம் தனது ஊருக்கு வந்துள்ளார். அப்போது தனது மனைவியான ஜெயலட்சுமி மற்றும் ஜெயலட்சுமியின் சித்தியான முனியம்மாள் ஆகியோரிடையே தகராறு செய்து அவர்களை திட்டி கொலை மிரட்டல் விடுத்துள்ளார். இதுகுறித்து முனியம்மாள் குளித்தலை அனைத்து மகளிர் போலீஸ் நிலையத்தில் புகார் அளித்துள்ளார். அதன்பேரில் பாலசுப்பிரமணியம் மீது பெண் வன்கொடுமை தடுப்பு சட்டத்தின் கீழ் போலீசார் வழக்குப்பதிவு செய்து அவரை கைது செய்தனர்.