மாநில செய்திகள்

பாராளுமன்ற தேர்தல்: அ.தி.மு.க.வில் விருப்ப மனு வினியோகம் தொடங்கியது + "||" + Parliament Election: Today in the AIADMK Optional Manu Distribution started

பாராளுமன்ற தேர்தல்: அ.தி.மு.க.வில் விருப்ப மனு வினியோகம் தொடங்கியது

பாராளுமன்ற தேர்தல்: அ.தி.மு.க.வில் விருப்ப மனு வினியோகம் தொடங்கியது
பாராளுமன்ற தேர்தலையொட்டி சென்னையில் விருப்ப மனு வினியோகத்தை அ.தி.மு.க. ஒருங்கிணைப்பாளர் ஓ.பன்னீர்செல்வம் - இணை ஒருங்கிணைப்பாளர் எடப்பாடி பழனிசாமி தொடங்கி வைத்தனர்.
சென்னை

கடந்த பாராளுமன்ற தேர்தலில் தமிழகத்தில் மறைந்த முதல்-அமைச்சர் ஜெயலலிதா தலைமையில், அ.தி.மு.க. தனித்து போட்டியிட்டு 40 தொகுதிகளில் 37 இடங்களை வென்றது. பா.ஜ.க., பா.ம.க. ஆகிய கட்சிகள் தலா ஒரு இடத்தில் வெற்றி பெற்றன. தி.மு.க. கூட்டணி ஒரு இடத்திலும் வெற்றி பெறவில்லை.

தற்போது ஜெயலலிதாவின் மறைவைத் தொடர்ந்து, அ.தி.மு.க. புதிய தலைமையுடன் பாராளுமன்ற தேர்தலை எதிர்கொள்ள இருக்கிறது. தி.மு.க.வும் கருணாநிதி மறைவுக்கு பிறகு, மு.க.ஸ்டாலின் தலைமையில் பாராளுமன்ற தேர்தலில் களம் காண உள்ளது. இரு கட்சிகளுமே தங்களின் பலத்தை காட்ட வேண்டிய முக்கிய தருணத்தில் இருக்கிறது. இதனால் தமிழக அரசியல் களம் எப்போதும் இல்லாத அளவுக்கு பரபரப்பு கட்டத்தை எட்டியிருக்கிறது.

கூட்டணி விஷயத்தில், தி.மு.க. தனது அணியை கிட்டத்தட்ட அமைத்து விட்டது. தி.மு.க. கூட்டணியில் காங்கிரஸ், ம.தி.மு.க., விடுதலை சிறுத்தைகள், மார்க்சிஸ்ட் கம்யூனிஸ்டு, இந்திய கம்யூனிஸ்டு, இந்திய யூனியன் முஸ்லிம் லீக், மனிதநேய மக்கள் கட்சி ஆகிய கட்சிகள் இடம் பெற்றுள்ளன. கூட்டணி கட்சிகளுடன் பேச்சுவார்த்தை நடத்த தி.மு.க. சார்பில் குழுவும் அமைக்கப்பட்டு விட்டது. தேர்தல் அறிக்கை தயாரிக்கவும் குழு அமைக்கப்பட்டுள்ளது.

பிரதான கட்சியான அ.தி.மு.க. கூட்டணி கட்சிகளுடன் பேச்சுவார்த்தை நடத்தவும், தேர்தல் அறிக்கை தயாரிக்கவும் ஏற்கனவே குழு அமைத்துள்ளது. ஆனால் இதுவரையில் அ.தி.மு.க. கூட்டணியில் அதிகாரப்பூர்வமாக எந்த கட்சியும் இணையவில்லை. பா.ம.க., தே.மு.தி.க., பா.ஜ.க., த.மா.கா. ஆகிய கட்சிகளுடன் கூட்டணிக்கான ரகசிய பேச்சுவார்த்தையை அ.தி.மு.க. நடத்தி வருகிறது.

அதே நேரத்தில், தமிழ்நாடு, புதுச்சேரி உள்ளிட்ட 40 பாராளுமன்ற தொகுதிகளில் அ.தி.மு.க. சார்பில் விருப்ப மனு வினியோகம் நடைபெற்றது.

சென்னையில் விருப்ப மனு வினியோகத்தை  அ.தி.மு.க.  ஒருங்கிணைப்பாளர் ஓ.பன்னீர்செல்வம்  - இணை ஒருங்கிணைப்பாளர் எடப்பாடி பழனிசாமி  தொடங்கி வைத்தனர். முன்னாள் அமைச்சர் கோகுல இந்திரா உள்ளிட்டோர் விருப்ப மனுக்களை பெற்று கொண்டனர்.

மக்களவை தேர்தலில் அதிமுக சார்பில் போட்டியிட இன்று முதல் விருப்பமனு பெறலாம் என்று அறிவிக்கப்பட்டு உள்ளது.

தொடர்புடைய செய்திகள்

1. வேலூர் மக்களவை தேர்தலுக்கான பொறுப்பாளர்களாக 209 பேரை நியமித்தது அதிமுக
வேலூர் மக்களவை தேர்தலுக்கு திமுக 70 பேர் கொண்ட பொறுப்பாளர்களை அறிவித்தது. அதிமுக அதைவிட 3 மடங்கு அதிக பொறுப்பாளர்களை அறிவித்து உள்ளது.
2. 2019 நாடாளுமன்ற தேர்தலில் ரூ.60 ஆயிரம் கோடி செலவு - சிஎம்எஸ் ஆய்வு
நடந்து முடிந்த 2019 நாடாளுமன்ற தேர்தலுக்காக மொத்தமாக 60 ஆயிரம் கோடி ரூபாய் செலவழிக்கப்பட்டுள்ளதாக சிஎம்எஸ் என்ற தனியார் ஆய்வு அமைப்பு தெரிவித்துள்ளது.
3. பிரியங்கா காந்தி சந்திப்பை தொடர்ந்து ராகுல்காந்தியை சமாதானப்படுத்த காங்கிரஸ் மூத்த தலைவர்கள் தீவிர முயற்சி
பிரியங்கா காந்தி சந்திப்பை தொடர்ந்து ராகுல்காந்தியை சமாதானப்படுத்த காங்கிரஸ் மூத்த தலைவர்கள் தீவிர முயற்சி செய்து வருகின்றனர்.
4. ராஜினாமா முடிவில் ராகுல் காந்தி பிடிவாதம் : மீண்டும் காரிய கமிட்டி கூடுமா?
ராஜினாமா முடிவில் ராகுல் காந்தி பிடிவாதமாக இருப்பதால் மூத்த தலைவர்கள் மீண்டும் கூடி ஆலோசனை நடத்த உள்ளனர்.
5. நாடாளுமன்ற தேர்தலில் வெற்றி பெற்ற எம்.பி.க்களில் 43 சதவீதம் பேர் மீது குற்ற வழக்குகள்
நாடாளுமன்ற தேர்தலில் வெற்றி பெற்ற எம்.பி.க்களில் 43 சதவீதம் பேர் மீது குற்ற வழக்குகள் இருப்பதாக ஜனநாயக சீர்திருத்த சங்கம் என்ற அமைப்பு தெரிவித்துள்ளது.
300x250.jpg