தேர்தல் செய்திகள்

நாடாளுமன்ற தேர்தலில்அ.தி.மு.க., தி.மு.க. தலா 20 தொகுதிகளில் போட்டிநேரடி மோதலுக்கும் தயாராகிறது + "||" + AIADMK, DMK Competition in 20 volumes

நாடாளுமன்ற தேர்தலில்அ.தி.மு.க., தி.மு.க. தலா 20 தொகுதிகளில் போட்டிநேரடி மோதலுக்கும் தயாராகிறது

நாடாளுமன்ற தேர்தலில்அ.தி.மு.க., தி.மு.க. தலா 20 தொகுதிகளில் போட்டிநேரடி மோதலுக்கும் தயாராகிறது
நாடாளுமன்ற தேர்தலில் அ.தி.மு.க., தி.மு.க. தலா 20 தொகுதிகளில் போட்டியிடுகிறது. மேலும், நேரடி மோதலுக்கும் தயாராகிறது.
சென்னை,

தமிழகம் மற்றும் புதுச்சேரியில் உள்ள 40 நாடாளுமன்ற தொகுதிகளுக்கும் ஏப்ரல் 18-ந் தேதி தேர்தல் நடைபெறுகிறது. தமிழகத்தில் ஆளுங்கட்சியான அ.தி.மு.க. கூட்டணியை இறுதி செய்யும் தருவாயில் உள்ளது. ஜி.கே.வாசன் தலைமையிலான தமிழ் மாநில காங்கிரஸ் கட்சியுடன் மட்டும் பேச்சுவார்த்தை நடத்தி வருகிறது.

அதே நேரத்தில், எதிர்க்கட்சியான தி.மு.க. தங்களது கூட்டணியை இறுதி செய்துவிட்டு, தொகுதிகளை கண்டறியும் பணியில் ஈடுபட்டு வருகிறது. அ.தி.மு.க. கூட்டணியில் இடம்பெற்றுள்ள பா.ஜ.க.வுக்கு 5, பா.ம.க.வுக்கு 7, தே.மு.தி.க.வுக்கு 4, என்.ஆர். காங்கிரஸ், புதிய தமிழகம் மற்றும் புதிய நீதிக்கட்சிக்கு தலா ஒரு இடம் என்று தொகுதிகள் ஒதுக்கப்பட்டுள்ளன. தமிழ் மாநில காங்கிரஸ் கட்சிக்கும் ஒரு தொகுதி ஒதுக்கப்படும் என்று தெரிகிறது.

அ.தி.மு.க - தி.மு.க. சம பலம்

இதை வைத்து பார்க்கும்போது, அ.தி.மு.க. கூட்டணியில் உள்ள கட்சிகளுக்கு 20 தொகுதிகள் போக மீதமுள்ள 20 தொகுதிகளில் அ.தி.மு.க. வேட்பாளர்களை களம் இறக்க இருக்கிறது. அதேபோல், தி.மு.க. கூட்டணியில் காங்கிரஸ் கட்சிக்கு 10, மார்க்சிஸ்ட் கம்யூனிஸ்டு, இந்திய கம்யூனிஸ்டு, விடுதலை சிறுத்தைகள் ஆகிய கட்சிக்கு தலா 2, ம.தி.மு.க., இந்திய யூனியன் முஸ்லிம் லீக், இந்திய ஜனநாயக கட்சி, கொங்குநாடு மக்கள் தேசிய கட்சி ஆகியவைகளுக்கு தலா ஒரு இடம் என்று மொத்தம் 20 தொகுதிகள் கூட்டணி கட்சிகளுக்கு ஒதுக்கப்பட்டுள்ளன. மீதமுள்ள 20 தொகுதிகளில் தி.மு.க. போட்டியிட இருக்கிறது.

தி.மு.க.வை பொறுத்தவரை வடசென்னை, தென்சென்னை, மத்திய சென்னை, காஞ்சீபுரம், அரக்கோணம், வேலூர், கிருஷ்ணகிரி, தர்மபுரி, திருவண்ணாமலை, சேலம், நாமக்கல், நீலகிரி, கோவை, திண்டுக்கல், கரூர், பெரம்பலூர், கடலூர், தஞ்சாவூர், தூத்துக்குடி, திருநெல்வேலி ஆகிய 20 தொகுதிகளில் போட்டியிடும் என்று தெரிகிறது.

எத்தனை தொகுதிகளில் நேரடி மோதல்

ஆனால், அ.தி.மு.க. கூட்டணியில், அக்கட்சி போட்டியிடும் 20 தொகுதிகள் எவை என்பது இன்னும் முடிவாகவில்லை. கூட்டணி கட்சிகளுக்கு எந்தெந்த தொகுதிகள் என்பது கண்டறியும் பணி இன்னும் தொடர்ந்து கொண்டிருப்பதால், அ.தி.மு.க. போட்டியிடும் 20 தொகுதிகள் முடிவாகவில்லை.

என்றாலும், நடைபெறவுள்ள நாடாளுமன்ற தேர்தலில் அ.தி.மு.க.வும், தி.மு.க.வும் சம அளவு பலத்துடன் 20 தொகுதிகளில் போட்டியிட இருப்பது உறுதியாகியுள்ளது. அதனால், தேர்தல் களத்தில் டி20 கிரிக்கெட் போல் பரபரப்புக்கும், விறுவிறுப்புக்கும் பஞ்சமிருக்காது. ஆனால், எத்தனை தொகுதிகளில் இரு கட்சிகளும் நேரடியாக மோதும் என்பது அக்கூட்டணிகளில் இருந்து தொகுதிகள் பட்டியல் வெளியான பிறகே தெரியவரும். என்றாலும், அதிக இடங்களில் நேரடி மோதலுக்கும் இரு கட்சிகளும் தயாராகி வருகின்றன.

நாடாளுமன்ற தேர்தலுடன் காலியாக உள்ள 18 சட்டமன்ற தொகுதிகளுக்கான இடைத்தேர்தலும் நடைபெற இருப்பதால், மேலும் பரபரப்பை எகிறச் செய்துள்ளது.

தொடர்புடைய செய்திகள்

1. நிலக்கோட்டை சட்டமன்ற தொகுதியில் அ.தி.மு.க., தி.மு.க. வேட்பாளர்கள் வாக்களித்தனர்
நிலக்கோட்டை சட்டமன்ற தொகுதி இடைத்தேர்தலில் போட்டியிடும் அ.தி.மு.க., தி.மு.க. வேட்பாளர்கள் நிலக்கோட்டையில் வாக்களித்தனர்.
2. ஓசூரில் அ.தி.மு.க. வேட்பாளர் கிராமம், கிராமமாக சென்று தீவிர வாக்கு சேகரிப்பு
ஓசூர் தொகுதிக்கு உட்பட்ட பகுதிகளில் அ.தி.மு.க. வேட்பாளர் ஜோதிபாலகிருஷ்ணரெட்டி கிராமம், கிராமமாக சென்று தீவிர வாக்கு சேகரிப்பில் ஈடுபட்டார்.
3. அ.தி.மு.க. கரை வேட்டியை தினகரன் அணியினர் பயன்படுத்த கூடாது; அமைச்சர் கே.டி.ராஜேந்திரபாலாஜி பேட்டி
அ.தி.மு.க. கரை வேட்டியை தினகரன் அணியினர் பயன்படுத்த கூடாது என அமைச்சர் கே.டி.ராஜேந்திரபாலாஜி கூறினார்.
4. அ.தி.மு.க. கூட்டணியில் பிளவு வராது - அமைச்சர் கே.டி.ராஜேந்திரபாலாஜி பேட்டி
சிவகாசியில் அ.தி.மு.க. நிர்வாகிகள் ஆலோசனை கூட்டம் தேர்தல் அலுவலகத்தில் நடைபெற்றது. இதில் கலந்து கொண்ட அமைச்சர் கே.டி.ராஜேந்திரபாலாஜி கட்சி நிர்வாகிகளுக்கு தேர்தல் பணி குறித்து ஆலோசனை கூறினார்.
5. தமிழ்நாட்டுக்கு வருகின்ற ஆபத்தான திட்டங்களை தடுப்பதற்கு ஏன் அ.தி.மு.க. அரசு முன்வரவில்லை - வைகோ கேள்வி
தமிழ்நாட்டுக்கு வருகிற ஆபத்தான திட்டங்களை தடுப்பதற்கு ஏன் அ.தி.மு.க. அரசு முன்வரவில்லை என்று வெள்ளகோவிலில் நடந்த தேர்தல் பிரசாரத்தில் வைகோ கேள்வி எழுப்பினார்.