20 கிலோ கஞ்சா பறிமுதல்; இருவர் கைது

உப்பள்ளி: தார்வார் மாவட்டம் உப்பள்ளியில் கதக் ரோட்டில் கஞ்சா விற்பனை நடப்பதாக கேஷ்வாப்பூர் போலீசாருக்கு ரகசிய தகவல் கிடைத்தது. அதன்பேரில் போலீசார் சம்பவ இடத்திற்கு விரைந்து சென்று சோதனை நடத்தினர். அப்போது அப்பகுதியில் 2 பேர் கஞ்சா விற்றது தெரியவந்தது. இதையடுத்து அவர்கள் 2 பேரையும் போலீசார் மடக்கி பிடித்து கைது செய்தனர். விசாரணையில் அவர்கள் ரமேஷ்(வயது 28), ராஜேஷ்(32) ஆகியோர் என்பதும், ஆந்திராவில் இருந்து கஞ்சா வாங்கி வந்து இங்கு கல்லூரி மாணவர்களை குறிவைத்து விற்பனை செய்து வந்தது தெரியவந்தது.

அவர்களிடமிருந்து ரூ.4 லட்சம் மதிப்புள்ள 20 கிலோ கஞ்சா மற்றும் 2 மோட்டார் சைக்கிள் பறிமுதல் செய்யப்பட்டது. கைதான 2 பேர் மீதும் போலீசார் வழக்குப்பதிவு செய்துகொண்டனர்.