தேசிய செய்திகள்

“நாங்கள் குமாரசாமி அண்ணாவுடனே உள்ளோம்” தலைமறைவானார்கள் என கூறப்பட்ட மதசார்பற்ற ஜனதா தளம் எம்.எல்.ஏ.க்கள் + "||" + We are with Kumaranna Missing JD S MLAs

“நாங்கள் குமாரசாமி அண்ணாவுடனே உள்ளோம்” தலைமறைவானார்கள் என கூறப்பட்ட மதசார்பற்ற ஜனதா தளம் எம்.எல்.ஏ.க்கள்

“நாங்கள் குமாரசாமி அண்ணாவுடனே உள்ளோம்” தலைமறைவானார்கள் என கூறப்பட்ட மதசார்பற்ற ஜனதா தளம் எம்.எல்.ஏ.க்கள்
“நாங்கள் குமாரசாமி அண்ணாவுடனே உள்ளோம்” என தலைமறைவானார்கள் என கூறப்பட்ட மதசார்பற்ற ஜனதா தளம் எம்.எல்.ஏ.க்கள் கூறிஉள்ளனர். #KarnatakaElection
பெங்களூரு,

தொங்கு சட்டசபை அமைந்து உள்ள கர்நாடகாவில் முதலிடம் பிடித்த பா.ஜனதாவும், காங்கிரஸ் - மதசார்பற்ற ஜனதா தளம் கூட்டணியும் ஆட்சி அமைக்க போராடி வருவதால் அரசியலில் பெரும் பரபரப்பு தொற்றிக்கொண்டு உள்ளது. இந்நிலையில் காங்கிரஸ் மற்றும் மதசார்பற்ற ஜனதா தளம் கட்சியின் எம்.எல்.ஏ.க்களை காணவில்லை எனவும் தகவல்கள் வெளியாகியது. பா.ஜனதா எம்.எல்.ஏ.க்களுக்கு வலைவீசுகிறது என குமாரசாமி வெளிப்படையாகவே குற்றம் சாட்டிஉள்ளார். இந்நிலையில் தலைமறைவானார்கள் என கூறப்பட்ட மதசார்பற்ற ஜனதா தளம் எம்.எல்.ஏ.க்கள் மறுப்பு தெரிவித்து உள்ளார்கள். மதசார்பற்ற ஜனதா தளம் கட்சியின் சார்பில் நடைபெற்ற எம்.எல்.ஏ.க்கள் கூட்டத்தில் மொத்தம் 38 எம்.எல்.ஏ.க்களில் 36 எம்.எல்.ஏ.க்கள் மட்டுமே கலந்து கொண்டார்கள் என தகவல்கள் வெளியாகியது.

இரண்டு எம்.எல்.ஏ.க்களை காணவில்லை எனவும் கூறப்பட்டது. இந்நிலையில் தலைமறைவானர்கள் என கூறப்பட்ட மதசார்பற்ற ஜனதா தளம் கட்சியின் எம்.எல்.ஏ.க்கள் “நாங்கள் குமாரசாமி அண்ணாவுடனே உள்ளோம்” என கூறிஉள்ளனர்.

இதுதொடர்பாக எம்.எல்.ஏ. வெங்கடராவ் நாதகவுடா, தி நியூஸ் மினிட் செய்தி இணையதளத்திற்கு பேட்டியளித்து பேசுகையில், நாங்கள் எம்.எல்.ஏ.க்கள் கூட்டத்திற்குதான் செல்கிறோம் என கூறிஉள்ளார். என்னுடைய காருக்கு பின்னாலே எம்.எல்.ஏ. வெங்கடப்பா நாயக் கார் பெங்களூரு நோக்கி வருகிறது என கூறிஉள்ளார். பேட்டியளித்த போது, நாங்கள் இப்போது ஷிகாபாலாபூரில் உள்ளதாக குறிப்பிட்டு உள்ளார். “பிற தலைவர்களை சந்தித்து பேசுவதற்காக நாங்கள் பெங்களூரு சென்று கொண்டு இருக்கிறோம், நாங்கள் 450 கிலோ மீட்டர் தொலை பயணம் மேற்கொள்ள வேண்டும் அதனால் காலதாமதம். நாங்கள் குமாரசாமி அண்ணாவுடன் உளோம். அவர் சொல்லும்படி நாங்கள் நடப்போம். 

நாங்கள் இப்போது ஷிகாபாலாபூரில் உள்ளோம். நாங்கள் இருவரும் பெங்களூரு நோக்கி வந்து கொண்டு இருக்கிறோம். நாங்கள் மாயமானோம் என்ற கேள்விக்கே இடம் கிடையாது. நாங்கள் சில மணிநேரங்களில் அங்கு வருவோம். பெங்களூரு டிராபிக் குறித்தும் நாங்கள் எதுவும் சொல்ல முடியாது என வெங்கடராவ் நாதகவுடா கூறிஉள்ளார் என செய்தியில் தெரிவிக்கப்பட்டு உள்ளது. கடந்த 12 மணி நேரங்களில் பாரதீய ஜனதா, மதசார்பற்ற ஜனதா தளம் கட்சியின் 5 எம்.எல்.ஏ.க்களை அணுகி உள்ளது எனவும் அக்கட்சியின் தகவல்கள் கூறிஉள்ளன. 


தொடர்புடைய செய்திகள்

1. தெலுங்கானா ராஷ்டிர சமிதி கட்சி பா.ஜ.க.வின் மற்றொரு பிரிவு : ராகுல்காந்தி கடும் தாக்கு
தெலுங்கானா மாநில சட்டசபை தேர்தல் அடுத்த மாதம் 7–ந்தேதி நடக்கிறது. இதையொட்டி அங்கு தேர்தல் பிரசாரம் விறுவிறுப்பாக நடந்து வருகிறது.
2. விவசாய கடன் தள்ளுபடி திட்ட பணிகளை வருகிற 5-ந் தேதி தொடங்க வேண்டும் ; கலெக்டர்களுக்கு முதல்-மந்திரி உத்தரவு
20 லட்சம் விவசாயிகளின் விவரங்கள் சேகரிப்பு. விவசாய கடன் தள்ளுபடி திட்ட பணிகளை வருகிற 5-ந் தேதி முதல் தொடங்க வேண்டும் என்று கலெக்டர்களுக்கு குமாரசாமி உத்தரவிட்டார்.
3. பா.ஜ.க. முழு அடைப்பு போராட்டம்: 11 பஸ்களின் கண்ணாடிகள் உடைப்பு; 82 பேர் கைது
பா.ஜ.க. சார்பில் நடந்த முழு அடைப்பு போராட்டத்தையொட்டி 11 அரசு மற்றும் தனியார் பஸ்களின் கண்ணாடிகள் உடைக்கப்பட்டன. மறியலில் ஈடுபட்ட சாமிநாதன் எம்.எல்.ஏ. உள்பட 82 பேரை போலீசார் கைது செய்தனர்.
4. விராட் கோலி அணியின் வெற்றி போன்றது, கர்நாடக தேர்தல் வெற்றி - ப.சிதம்பரம் டுவிட்டரில் கருத்து
கர்நாடக தேர்தலில் கிடைத்த வெற்றி, விராட் கோலி அணியின் வெற்றி போன்றது என்றும், கூட்டணிக்கு கிடைத்த பலன் என்றும் ப.சிதம்பரம் டுவிட்டரில் பதிவிட்டுள்ளார்.
5. 2019 ம் தேர்தல் வெற்றிக்கு பாரதீய ஜனதாவுக்கு கடவுள் ராமர் உதவி செய்யப்போவது இல்லை பரூக் அப்துல்லா தாக்கு
தேசிய மாநாட்டு கட்சி தலைவர் பரூக் அப்துல்லா பாரதீய ஜனதா கட்சியை தாக்கி பேசி உள்ளார். அயோத்தியில் நடைபெற்று வரும் ராமர் கோவில் பிரச்சினைக்காக கடவுள் அரசியல் கட்சிகளுக்கு வாக்களிக்க போவதில்லை என கூறி உள்ளார்.