தேசிய செய்திகள்

கர்நாடக கவர்னரின் முடிவை எதிர்த்து ராம் ஜெத்மலானி வழக்கு + "||" + Resist the Karnataka Governor decision Ram Jethmalani case

கர்நாடக கவர்னரின் முடிவை எதிர்த்து ராம் ஜெத்மலானி வழக்கு

கர்நாடக கவர்னரின் முடிவை எதிர்த்து ராம் ஜெத்மலானி வழக்கு
கர்நாடகத்தில் ஆட்சி அமைக்க பா.ஜ.க.வுக்கு அழைப்பு விடுத்த கவர்னரின் முடிவை எதிர்த்து ராம் ஜெத்மலானி சுப்ரீம் கோர்ட்டில் வழக்கு தொடர்ந்தார்.

புதுடெல்லி,

கர்நாடக முதல்–மந்திரியாக பதவி ஏற்க பா.ஜ.க.வை சேர்ந்த எடியூரப்பாவுக்கு கவர்னர் வஜூபாய் வாலா நேற்று முன்தினம் இரவு அழைப்பு விடுத்தார்.

இதற்கு எதிர்ப்பு தெரிவித்து, காங்கிரஸ் கட்சி இரவோடு இரவாக சுப்ரீம் கோர்ட்டில் மனுத்தாக்கல் செய்தது. அதனை அவசர வழக்காக ஏற்று விசாரித்த நீதிபதிகள், எடியூரப்பாவின் பதவி ஏற்புக்கு தடைவிதிக்க முடியாது என அறிவித்தனர்.

இதையடுத்து, நேற்று எடியூரப்பா கர்நாடகத்தின் முதல்–மந்திரியாக பொறுப்பேற்றார்.

இந்நிலையில், கர்நாடக கவர்னர் வஜூபாய் வாலா பா.ஜ.க.வை ஆட்சி அமைக்க அழைத்ததற்கு எதிர்ப்பு தெரிவித்து மூத்த வக்கீல் ராம் ஜெத்மலானி நேற்று சுப்ரீம் கோர்ட்டில் வழக்கு தொடர்ந்தார்.

அவர் தன்னுடைய மனுவில் ‘‘கர்நாடக கவர்னர் வஜூபாய் வாலா, பா.ஜ.க.வை ஆட்சி அமைக்க அழைத்தது, அரசியலமைப்பு சட்டம் அவருக்கு வழங்கி உள்ள ஒட்டுமொத்த அதிகாரத்தையும், தவறாகப் பயன்படுத்தி இருப்பதை காட்டுகிறது. அவர் தன்னுடைய பதவிக்கும், தான் சார்ந்திருக்கும் அலுவலகத்துக்கும் களங்கத்தை ஏற்படுத்தி உள்ளார்’’ என தெரிவித்து உள்ளார்.

இந்த மனுவை தலைமை நீதிபதி தீபக் மிஸ்ரா, ஏ.எம். கான்வில்கர், டி.ஒய். சந்திரசூட் ஆகியோர் அடங்கிய அமர்வு விசாரித்தது. அப்போது நீதிபதிகள், ‘‘கர்நாடக கவர்னர் முடிவுக்கு எதிராக காங்கிரஸ் மற்றும் ஜே.டி.எஸ். கட்சிகள் தாக்கல் செய்த மனு 18–ந் தேதி (அதாவது இன்று) விசாரணைக்கு வர உள்ளது. அதோடு சேர்த்து இந்த வழக்கைத் தாக்கல் செய்யுங்கள்’’ என அறிவுறுத்தினர்.



தொடர்புடைய செய்திகள்

1. இலங்கைக்கு மாத்திரைகள் கடத்த முயன்ற வழக்கு தலைமறைவாக இருந்த மீனவர் கைது
ராமநாதபுரம் மாவட்டம் கீழக்கரை வழியாக இலங்கைக்கு மாத்திரைகள் கடத்த முயன்ற வழக்கில் தலைமறைவாக இருந்த மீனவர்கைது செய்யப்பட்டார்.
2. விடுதலை சிறுத்தைகள் கட்சி பிரமுகருக்கு கத்திக்குத்து நகர செயலாளர் உள்பட 3 பேர் மீது வழக்கு
திருத்துறைப்பூண்டியில் நடந்த தகராறில் விடுதலை சிறுத்தைகள் கட்சி பிரமுகருக்கு கத்திக்குத்து விழுந்தது. இதுதொடர்பாக அக்கட்சியின் நகர செயலாளர் உள்பட 3 பேர் மீது போலீசார் வழக்குப்பதிவு செய்துள்ளனர்.
3. கோவையில் இளம்பெண் கொலை வழக்கு: துப்பு துலக்க முடியாமல் போலீசார் திணறல் - மாயமான 7 ஆயிரம் பேரின் புகைப்படத்தை வைத்து தேடியும் பயனில்லை
கோவையில் நடந்த இளம்பெண் கொலை வழக்கில் துப்பு துலக்க முடியாமல் போலீசார் திணறி வருகிறார்கள். மாயமான 7 ஆயிரம் பெண்களின் புகைப்படத்தை வைத்து தேடியும் பயனில்லை.
4. ஆதாரங்கள் எதையும் தாக்கல் செய்ய வில்லை: ஜெயலலிதாவின் மகள் என்று உரிமைகோரி அம்ருதா தொடர்ந்த வழக்கு தள்ளுபடி
ஜெயலலிதாவின் மகள் என்று உரிமை கோரி பெங்களூருவைச் சேர்ந்த பெண் அம்ருதா தொடர்ந்த வழக்கை தள்ளுபடி செய்து மதுரை ஐகோர்ட்டு கிளை உத்தரவிட்டுள்ளது.
5. வனப்பகுதியில் இருந்து பிரிக்கக்கூடாது என வழக்கு: “யானைகள் நாட்டில் வாழ்பவை அல்ல” மதுரை ஐகோர்ட்டு நீதிபதிகள் கருத்து
வனப்பகுதியில் இருந்து யானைகளை பிரிக்கக்கூடாது என்று தொடரப்பட்ட வழக்கில், “யானைகள் காட்டில் வாழ்பவை, நாட்டில் வாழ்பவை அல்ல” என்று மதுரை ஐகோர்ட்டு நீதிபதிகள் கருத்து தெரிவித்தனர்.