அரசியல் கட்சிகளுக்கு கிடைத்த நிதி எவ்வளவு?


அரசியல் கட்சிகளுக்கு கிடைத்த நிதி எவ்வளவு?
x
தினத்தந்தி 30 May 2018 11:15 PM GMT (Updated: 2018-05-31T01:53:17+05:30)

அரசியல் கட்சிகளுக்கு கிடைத்த நிதியில் பெயர் குறிப்பிட விரும்பாதவர்கள் ரூ.711 கோடி வழங்கினர்.

புதுடெல்லி,

அரசியல் கட்சிகளுக்கு நிதியை அள்ளித்தருவதில் ஒரு பக்கம் பல்துறை பிரபலங்களும், தொழில் நிறுவனங்களும் போட்டி போடுகின்றனர். மற்றொரு பக்கம் அநாமதேயமாக (பெயர் முகவரி குறிப்பிட விரும்பாதவர்களின்) நிதியும் குவிந்து வருகிறது.

2016-17 நிதி ஆண்டில் நமது நாட்டில் அரசியல் கட்சிகளுக்கு வந்து குவிந்த நிதி பற்றி ஜனநாயக சீர்திருத்தங்களுக்கான சங்கம் புள்ளிவிவரங்களுடன் ஒரு அறிக்கை வெளியிட்டு உள்ளது. அதில் இடம் பெற்று உள்ள தகவல்கள் வருமாறு:-

* 7 தேசிய அரசியல் கட்சிகளுக்கு அநாமதேயமாக (பெயர் முகவரி குறிப்பிட விரும்பாதவர்களின்) வந்து குவிந்த நிதி ரூ.710 கோடியே 80 லட்சம் ஆகும். (மொத்தம் வந்த நிதியில் இது 45.59 சதவீதம் ஆகும்).

* மத்தியில் ஆளும் பாரதீய ஜனதா கட்சிக்கு மட்டும் அநாமதேய வரவு ரூ.464 கோடியே 94 லட்சம் ஆகும். காங்கிரஸ் கட்சிக்கு இந்த வகையில் கிடைத்த நிதி ரூ.126 கோடியே 12 லட்சம் ஆகும்.

* ரூ.20 ஆயிரமும், அதற்கு மேலும் நன்கொடையாக 7 தேசிய அரசியல் கட்சிகளுக்கு வந்து உள்ள நிதி ரூ.589 கோடியே 38 லட்சம்.

* பாரதீய ஜனதா கட்சிக்கு கிடைத்த மொத்த நிதியின் அளவு ரூ.532 கோடியே 27 லட்சம் ஆகும்.

* பாரதீய ஜனதா கட்சிக்கு வந்து உள்ள நிதியின் அளவானது காங்கிரஸ், தேசியவாத காங்கிரஸ், இந்திய கம்யூனிஸ்டு, மார்க்சிஸ்ட் கம்யூனிஸ்டு, திரிணாமுல் காங்கிரஸ், பகுஜன் சமாஜ் கட்சிகளுக்கு கிடைத்து உள்ளதைவிட 9 மடங்கு அதிகம்.

* பகுஜன் சமாஜ் கட்சி, தனக்கு ரூ.20 ஆயிரத்துக்கு அதிகமாக எந்த நிதியும் வரவில்லை என அறிவித்து உள்ளது.

* 7 தேசிய கட்சிகளுக்கு கிடைத்து உள்ள மொத்த நிதியின் அளவு ரூ.1,559 கோடியே 17 லட்சம் ஆகும்.

* 7 தேசிய கட்சிகளுக்கு சொத்து விற்பனை, உறுப்பினர் கட்டணம், வங்கி வட்டி உள்ளிட்ட பிறவகை வருமானத்தின் அளவு ரூ.258 கோடியே 99 லட்சம்.

* சத்யா தேர்தல் அறக்கட்டளை பாரதீய ஜனதா கட்சிக்கு அதிகபட்சமாக ரூ.251 கோடியே 22 லட்சமும், காங்கிரஸ் கட்சிக்கு ரூ.13 கோடியே 90 லட்சமும் நிதி வழங்கி உள்ளது.

Next Story