தேசிய செய்திகள்

பென்சன் தராத அதிகாரி அலுவலகத்திற்கு பாம்புடன் சென்று மிரட்டிய ஓய்வு பெற்ற தொழிலாளி + "||" + Karnataka: Man seeking pension brings snake to office

பென்சன் தராத அதிகாரி அலுவலகத்திற்கு பாம்புடன் சென்று மிரட்டிய ஓய்வு பெற்ற தொழிலாளி

பென்சன் தராத அதிகாரி அலுவலகத்திற்கு பாம்புடன் சென்று மிரட்டிய ஓய்வு பெற்ற தொழிலாளி
பென்சன் தராத காரணத்தால், பாம்புடன் அலுவலகத்திற்கு சென்று ஓய்வு பெற்ற தொழிலாளி பரபரப்பை ஏற்படுத்தினார்.

ரோனா

கர்நாடக மாநிலம் கடக் மாவட்டம் ரோனாவைச் சேர்ந்தவர் மாபு சாபா ரஜேகான்(68). இவர் பணியில் இருந்து ஓய்வு பெற்று, பென்சன் வாங்கி வாழ்ந்து வருகிறார். இதற்கிடையில் ரஜேகானிற்கு தொழு நோய் பாதிப்பு ஏற்பட்டுள்ளது. 

எனவே தனக்கு வரும் பென்சனைக் கொண்டே, சிகிச்சை பெற்றும், அடிப்படைத் தேவைகளை பூர்த்தி செய்தும் வாழ்ந்து வருகிறார். இந்த சூழலில் கடந்த 8 மாதங்களாக பென்சன் கிடைக்கவில்லை. 

இதுதொடர்பாக சம்பந்தப்பட்ட அரசு அலுவலகம், வங்கி, தபால் நிலையத்திற்கு பலமுறை சென்று, புகார் தெரிவித்துள்ளார். ஆனால் எந்தவித நடவடிக்கையும் எடுத்தபாடில்லை.

இந்நிலையில் தனது கோரிக்கையை வலியுறுத்தும் வகையில், வித்தியாசமான முடிவு ஒன்றை எடுத்துள்ளார். அதாவது நல்ல பாம்பு ஒன்றை பிடித்து வந்து, பென்சன் வழங்கும் அலுவலகத்தில் சம்பந்தப்பட்ட அதிகாரி யை மிரட்டி உள்ளார்

இதனால் அதிர்ச்சியடைந்த அதிகாரி, அறையில் இருந்து ஓட்டம் பிடித்தார். பின்னர் அதிகாரிகளிடம் பேசிய ரஜேகான், நான் எதை வைத்து சாப்பிடுவேன். என்னால் ஒருவேலையும் செய்ய முடியவில்லை. 

பென்சன் கிடைப்பதை உறுதி செய்ய வேண்டும் என்று வலியுறுத்தியுள்ளார். இதையடுத்து 3 - 4 நாட்களில் பென்சன் கிடைக்க வழிவகை செய்யப்படும் என்று சம்பந்தப்பட்ட அரசு அதிகாரி உறுதி அளித்துள்ளார். 


தொடர்புடைய செய்திகள்

1. எடியூரப்பாவுக்கு வயதிற்கு தகுந்த பக்குவம் வேண்டும் முதல்வர் குமாரசாமி தாக்கு
பி.எச்.எடியூரப்பா, "வார்த்தைகளை கவனமாக பேசவும் " மற்றும் "வயதிற்கு தகுந்த பக்குவம் வேண்டும் "அது தோல்வியடைந்தால் விளைவுகளை சந்திக்க நேரிடும் என கர்நாடக முதல்வர் எச்சரித்துள்ளார்.
2. தேவேகவுடா குடும்பத்துடன் தொடர்புடைய ஊழல் ஆவணங்களை பாரதீய ஜனதா வெளியிடுகிறது
4 மணிக்கு நிருபர்கள் கூட்டத்தில் தேவேகவுடா குடும்பத்துடன் தொடர்புடைய ஊழல் ஆவணங்கள் வெளியிடப்படும் என எடியூரப்பா கூறி உள்ளார். #DeveGowda #Yeddyurappa
3. துணை முதல்வரின் ஆடை மற்றும் ஷூவை சுத்தம் செய்த பாதுகாவலர்
கர்நாடக துணை முதல்வரின் ஆடை மற்றும் ஷூவை பாதுகாவலர் சுத்தம் செய்த வீடியோ ஒன்று வெளியாகி சர்ச்சையை ஏற்படுத்தி உள்ளது.
4. விபத்தில் பெற்றோர் பைக்கில் இருந்து விழுந்துவிட குழந்தையுடன் யாருமின்றி 300 மீட்டர் தானாக ஓடிய பைக்
பெற்றோர் பைக்கில் இருந்து கீழே தவறி விழுந்துவிட, அமர்ந்திருந்த குழந்தையுடன் யாருமின்றி பைக் 300 மீட்டர் தானாக ஓடிச் சென்று கீழே விழுந்த சம்பவம் நடந்துள்ளது.
5. வெள்ளத்தில் பசியால் வாடிய மக்கள்; பிஸ்கெட் பாக்கெட்டுகளை தூக்கி எறிந்த அமைச்சர்
வெள்ளத்தில் பசியால் வாடிய மக்களுக்கு பிஸ்கெட் பாக்கெட்டுகளை தூக்கி எறிந்த அமைச்சருக்கு சமூக வலைதளத்தில் கண்டனம் தெரிவித்து வருகின்றனர்.