தேசிய செய்திகள்

ஐ.நா. அறிக்கை மோடியின் சர்வதேச சுற்றுப்பயணம் தோல்வி என்பதை காட்டுகிறது சிவசேனா விமர்சனம் + "||" + UN report shows PM Modi's foreign tours a failure Shiv Sena

ஐ.நா. அறிக்கை மோடியின் சர்வதேச சுற்றுப்பயணம் தோல்வி என்பதை காட்டுகிறது சிவசேனா விமர்சனம்

ஐ.நா. அறிக்கை மோடியின் சர்வதேச சுற்றுப்பயணம் தோல்வி என்பதை காட்டுகிறது சிவசேனா விமர்சனம்
ஐ.நா. அறிக்கை மோடியின் சர்வதேச சுற்றுப்பயணம் தோல்வியில் முடிந்தது என்பதை காட்டுகிறது என சிவசேனா விமர்சனம் செய்துள்ளது. #PMModi #ShivSena

மும்பை, 

 பாகிஸ்தான் ஆக்கிரமிப்பு காஷ்மீர் மற்றும் ஜம்மு காஷ்மீர் மாநிலத்தில் மனித உரிமைகள் மீறப்படுகிறது, இதுதொடர்பாக சர்வதேச விசாரணையை மேற்கொள்ள வேண்டும் என ஐ.நா. அறிக்கையை வெளியிட்டது. இதற்கு இந்தியா தரப்பில் கடும் எதிர்ப்பு தெரிவிக்கப்பட்டது. "வெளிப்படையான பாரபட்சம்" மற்றும் "தவறான கதை" உருவாக்கும் முயற்சியாகும்.”  “ஐ.நா.வின் அறிக்கையை இந்தியா நிராகரிக்கிறது. ஐ.நா.வின் அறிக்கை ஏமாற்றும் செயல், முரண்பாடானது மற்றும் நோக்கம் கொண்டது. இதுபோன்ற அறிக்கைக்கான நோக்கம் என்னவென்று கேள்வியை எழுப்புகிறோம். ஐ.நா.வின் அறிக்கை இந்தியாவின் இறையாண்மை மற்றும் பிராந்திய ஒருமைப்பாட்டை மீறுவது. 

ஒட்டுமொத்த ஜம்மு காஷ்மீரும் இந்தியாவின் ஒருங்கிணைந்த பகுதியாகும். பாகிஸ்தான் இந்தியப்பகுதியை சட்டவிரோதமாகவும், வலுக்கட்டாயமாகவும் ஆக்கிரமித்து உள்ளது,” என இந்திய வெளியுறவுத்துறை கூறியது. பெரும்பாலும் சரிபார்க்கப்படாத தகவல்கள் தொகுப்பை கொண்டு திட்டமிடப்பட்ட பிரசாரம் மேற்கொள்ளப்படுகிறது எனவும் குற்றம் சாட்டியது. இவ்விவகாரத்தை கையில் எடுத்து உள்ள சிவசேனா, மோடியின் தலைமையிலான பா.ஜனதா அரசை மீண்டும் விமர்சனம் செய்துள்ளது. 

சிவசேனாவின் அதிகாரபூர்வ பத்திரிகையான ‘சாம்னா’வில், இந்தியாவின் உள்நாட்டு பாதுகாப்பு நகைப்புக்குள்ளாகி இருக்கிறது. ரம்ஜான் காலத்தில் காஷ்மீரில் நடைபெற்று வரும் வன்முறை சம்பவங்களுக்கு மத்திய அரசை தான் குற்றம்சாட்ட வேண்டும். கடந்த 4 மாதங்களில் மட்டும் காஷ்மீரில் 400–க்கும் மேற்பட்டோர் கொல்லப்பட்டு உள்ளனர். அதில் பெரும்பாலானோர் நமது ராணுவ வீரர்கள். நாட்டின் ராணுவ மந்திரி உட்கட்சி விவகாரங்களில் பரபரப்பாக இருக்கும் நிலையில் பிரதமர் மோடியோ வெளிநாடுகளில் சுற்றுப்பயணம் மேற்கொண்டு வருகிறார். 

பிரதமரின் கடந்த 4 ஆண்டுகால வெளிநாட்டு பயணங்களால் சர்வதேச அளவில் இந்தியாவின் மதிப்பு அதிகரித்து இருப்பதாக கூறப்படும் கருத்து காஷ்மீர் குறித்த தற்போதைய ஐ.நா. அறிக்கையை தொடர்ந்து தவிடுபொடியாகி விட்டது. பிரதமர் மோடி எண்ணற்ற வெளிநாட்டு பயணங்களை மேற்கொண்ட போதிலும், காஷ்மீர் விவகாரத்தில் யாரும் இந்தியாவின் பக்கம் நிற்க தயாராக இல்லை. இவை பிரதமர் மோடியின் சர்வதேச சுற்றுப்பயணம் தோல்வி அடைந்து இருப்பதையே காட்டுகிறது என்று குறிப்பிடப்பட்டு உள்ளது.


தொடர்புடைய செய்திகள்

1. ராமர் கோவில் விவகாரம் நீங்கள் மோடி அரசை கவிழ்க்காதது ஏன்? ஆர்.எஸ்.எஸ். அமைப்பிற்கு சிவசேனா கேள்வி
அயோத்தியில் ராமர் கோவில் கட்டும் விவகாரத்தில் நீங்கள் மோடி அரசை கவிழ்க்காதது ஏன்? ஆர்.எஸ்.எஸ். அமைப்பிற்கு சிவசேனா கேள்வியை எழுப்பியுள்ளது.
2. ராமர் கோவில் வாக்குறுதி பொய்யானால் 2 இடங்கள்தான் கிடைக்கும் பா.ஜனதாவுக்கு சிவசேனா எச்சரிக்கை
ராமர் கோவில் வாக்குறுதி பொய்யானால் நாடாளுமன்ற தேர்தலில் பா.ஜனதாவுக்கு 2 இடங்கள் தான் கிடைக்கும் பா.ஜனதாவுக்கு சிவசேனா எச்சரிக்கை விடுத்துள்ளது.
3. 2019 ம் தேர்தல் வெற்றிக்கு பாரதீய ஜனதாவுக்கு கடவுள் ராமர் உதவி செய்யப்போவது இல்லை பரூக் அப்துல்லா தாக்கு
தேசிய மாநாட்டு கட்சி தலைவர் பரூக் அப்துல்லா பாரதீய ஜனதா கட்சியை தாக்கி பேசி உள்ளார். அயோத்தியில் நடைபெற்று வரும் ராமர் கோவில் பிரச்சினைக்காக கடவுள் அரசியல் கட்சிகளுக்கு வாக்களிக்க போவதில்லை என கூறி உள்ளார்.
4. சிபிஐ பா.ஜனதா போலீஸ் ஏஜென்சியாக மாறிவிட்டது : மம்தா பானர்ஜி தாக்கு
சிபிஐ பா.ஜனதா போலீஸ் ஏஜென்சியாக மாறிவிட்டது என மேற்கு வங்காள முதல்வர் மம்தா பானர்ஜி விமர்சனம் செய்துள்ளார்.
5. கவர்னர் கிரண்பெடி மீது புகார்: இயலாமையை மறைக்க நாடகம் போடுகிறார் - நாராயணசாமி மீது பா.ஜனதா தாக்கு
இயலாமையை மறைக்க முதல்–அமைச்சர் நாராயணசாமி நாடகம் போடுவதாக சாமிநாதன் எம்.எல்.ஏ. கூறினார்.