தேசிய செய்திகள்

டெல்லி விமான நிலையத்தில் 24 கிலோ போதைப்பொருள் பறிமுதல் + "||" + 24 kg of drugs seized at Delhi airport

டெல்லி விமான நிலையத்தில் 24 கிலோ போதைப்பொருள் பறிமுதல்

டெல்லி விமான நிலையத்தில் 24 கிலோ போதைப்பொருள் பறிமுதல்
டெல்லி இந்திரா காந்தி சர்வதேச விமான நிலையத்தில் நேற்று முன்தினம் இரவு மத்திய தொழில் பாதுகாப்பு படையினர் பயணிகளை சோதனையிடும் பணியில் ஈடுபட்டு இருந்தனர்.

புதுடெல்லி,

வெளிநாட்டு பயணி ஒருவரின் பைகளை சோதித்தபோது, அவற்றில் கிரிக்கெட் வீரர்கள் தொடையில் அணியும் 46 பட்டைகள் இருந்தன.

அவற்றை எடுத்து பார்த்த போது அவை வழக்கத்துக்கு மாறாக அதிக எடையுடன் இருந்தன. இதனால் சந்தேகம் அடைந்த அதிகாரிகள், அந்த பட்டைகளை கிழித்து பார்த்தனர். அப்போது அவற்றில் சியுடோபெட்ரின் எனப்படும் போதைப்பொருள் சிறிய பிளாஸ்டிக் பைகளில் மடித்து வைக்கப்பட்டு இருந்தது கண்டுபிடிக்கப்பட்டது. இவ்வாறு மொத்தம் 24 கிலோ அளவுக்கு இந்த போதைப்பொருள் இருந்தது.

இதைத்தொடர்ந்து உயர் அதிகாரிகள் மற்றும் போதைப்பொருள் கடத்தல் தடுப்பு பிரிவு அதிகாரிகளுக்கு தகவல் கொடுக்கப்பட்டது. உடனே அவர்கள் அங்கு வந்து அந்த போதைப்பொருளை கைப்பற்றி, அதை கொண்டு வந்த நபரிடம் விசாரணை நடத்தினர்.

இதில் அவரது பெயர் ரோட்ஜர்ஸ் சிலாவ்வே என்பதும், அவர் ஜாம்பியா நாட்டை சேர்ந்தவர் என்பதும் தெரியவந்தது. அவர் மும்பை வழியாக எத்தியோப்பியாவுக்கு செல்ல திட்டமிட்டு இருந்ததும் கண்டுபிடிக்கப்பட்டது. அவரிடம் தொடர்ந்து விசாரணை நடந்து வருகிறது.



தொடர்புடைய செய்திகள்

1. வெளிநாட்டுக்கு போதைப்பொருள் கடத்த முயன்ற 3 பேருக்கு தலா 10 ஆண்டு ஜெயில் சிறப்பு கோர்ட்டு தீர்ப்பு
வெளிநாட்டுக்கு போதைப்பொருள் கடத்த முயன்ற 3 பேருக்கு தலா 10 ஆண்டு ஜெயில் தண்டனை விதித்து சிறப்பு கோர்ட்டு தீர்ப்பு கூறியது.
2. தஞ்சையில் போலி மது தயாரித்த 2 பேர் கைது 4 ஆயிரம் மதுபாட்டில்கள் பறிமுதல்
தஞ்சையில் தொடர் தேடுதல் வேட்டையாக நேற்று போலி மது தயாரித்த 2 பேரை போலீசார் கைது செய்தனர். அவர்களிடம் இருந்து 4 ஆயிரம் மதுபாட்டில்கள் பறிமுதல் செய்யப்பட்டுள்ளன.
3. அனுமதியின்றி ஜல்லிக்கட்டு; ஒருவர் படுகாயம் மாடுகளை ஏற்றிவந்த சரக்கு வாகனங்கள் பறிமுதல்
இலுப்பூர் அருகே அனுமதியின்றி நடைபெற்ற ஜல்லிக்கட்டு போட்டியில் ஒருவர் படுகாயமடைந்தார். மாடுகளை ஏற்றிவந்த சரக்கு வாகனங்களை போலீசார் பறிமுதல் செய்தனர்.
4. வெளிநாடுகளில் இருந்து பெங்களூருவுக்கு விமானங்களில் கடத்திய ரூ.51½ லட்சம் தங்கம் பறிமுதல்
வெளிநாடுகளில் இருந்து பெங்களூருவுக்கு விமானங்களில் கடத்திய ரூ.51½ லட்சம் தங்கம் பறிமுதல் செய்யப்பட்டது. 3 பேர் கைது செய்யப்பட்டனர்.
5. திருச்சி விமான நிலையத்தில் ரூ.16 லட்சம் கடத்தல் தங்கம் பறிமுதல் மலேசிய பெண் பயணி சிக்கினார்
திருச்சி விமான நிலையத்தில் ரூ.16 லட்சம் கடத்தல் தங்கம் பறிமுதல் செய்யப்பட்டது. சிக்கிய மலேசிய பெண் பயணியிடம் விசாரணை நடந்து வருகிறது.