தேசிய செய்திகள்

திருப்பதி ஏழுமலையான் கோவிலில் அர்ச்சகர் எடுத்து சென்ற உற்சவர் சிலை கீழே விழுந்ததால் பரபரப்பு + "||" + At Tirupathi Ezhumalayyan temple The excitement struck down the statue

திருப்பதி ஏழுமலையான் கோவிலில் அர்ச்சகர் எடுத்து சென்ற உற்சவர் சிலை கீழே விழுந்ததால் பரபரப்பு

திருப்பதி ஏழுமலையான் கோவிலில் அர்ச்சகர் எடுத்து சென்ற உற்சவர் சிலை கீழே விழுந்ததால் பரபரப்பு
திருப்பதி ஏழுமலையான் கோவிலில் தினமும் ஊஞ்சல் சேவை, கல்யாண உற்சவம், சகஸ்ர தீப அலங்கார சேவை உள்ளிட்ட ஆர்ஜித சேவைகள் நடந்து வருகின்றன.

திருமலை,

அதேபோல் நேற்று முன்தினம் மாலை சகஸ்ரதீப அலங்கார சேவை நடந்தது. இந்த சேவை முடிந்ததும், உற்சவர்களான ஸ்ரீதேவி, பூதேவி சமேத மலையப்பசாமியின் சிலைகளை கோவில் அர்ச்சகர்கள் கருவறைக்குள் கொண்டு சென்றனர்.

ஒரு அர்ச்சகர் உற்சவர் மலையப்பசாமியை கொண்டு சென்றார். எதிர்பாராத விதமாக அர்ச்சகர் கால் தடுமாறி திடீரென கீழே விழுந்து விட்டார். அதில் அவர் கையில் வைத்திருந்த உற்சவர் மலையப்பசாமியின் சிலையும் கீழே விழுந்தது. இதனால் அங்கு பரபரப்பு ஏற்பட்டது.

இதையடுத்து மற்ற அர்ச்சகர்கள் உடனடியாக வந்து மலையப்பசாமியின் சிலையை எடுத்தனர். அதைத் தொடர்ந்து சிலை கீழே விழுந்ததற்கு பரிகாரமாக சிறப்பு பூஜை நடத்தப்பட்டதாக அதிகாரிகள் தெரிவித்தனர். திருப்பதி ஏழுமலையான் கோவிலில் உற்சவர் மலையப்பசாமியின் சிலை கீழே விழுந்த சம்பவம் பக்தர்கள் மத்தியில் பெரும் அதிர்ச்சியை ஏற்படுத்தியது.



தொடர்புடைய செய்திகள்

1. திருவண்ணாமலை அருணாசலேஸ்வரர் கோவிலில் கார்த்திகை தீபத்திருவிழா கொடியேற்றம் 23–ந் தேதி மகாதீபம் ஏற்றப்படுகிறது
திருவண்ணாமலை அருணாசலேஸ்வரர் கோவிலில் கார்த்திகை தீபத் திருவிழா கொடியேற்றத்துடன் நேற்று தொடங்கியது. வருகிற 23–ந் தேதி 2 ஆயிரத்து 668 அடி மலை உச்சியில் மகாதீபம் ஏற்றப்படுகிறது.
2. மீனாட்சி அம்மன் கோவில் நிலங்களை மீட்கக்கோரி வழக்கு - அதிகாரிகளுக்கு ஐகோர்ட்டு நோட்டீஸ்
மீனாட்சி அம்மன் கோவில், திருப்பரங்குன்றம் முருகன் கோவில் நிலங்களை மீட்கக்கோரிய வழக்கில் அதிகாரிகள் பதில் அளிக்க ஐகோர்ட்டு உத்தரவிட்டுள்ளது.
3. கந்தசஷ்டி விழாவையொட்டி விராலிமலை முருகன் கோவிலில் சூரசம்ஹாரம்
கந்தசஷ்டி விழாவையொட்டி விராலிமலை முருகன் கோவிலில் சூரசம்ஹாரம் நடைபெற்றது. இதில் திரளான பக்தர்கள் கலந்து கொண்டனர்.
4. பவானி சங்கமேஸ்வரர் கோவிலில் ஐம்பொன் சிலைகள் மாயம்; போலீசார் விசாரணை
பவானி சங்கமேஸ்வரர் கோவிலில் ஐம்பொன் சிலைகள் மாயமாகிவிட்டதாக வந்த புகாரின் பேரில் சிலை கடத்தல் தடுப்பு பிரிவு போலீசார் விசாரணை நடத்தி வருகிறார்கள்.
5. தஞ்சை சுப்பிரமணியசுவாமி கோவிலில் கந்தசஷ்டி விழா கொடியேற்றத்துடன் தொடங்கியது
தஞ்சை பூக்காரத்தெரு சுப்பிரமணியசுவாமி கோவிலில் கந்தசஷ்டி விழா நேற்று கொடியேற்றத்துடன் தொடங்கியது. வருகிற 13–ந்தேதி சூரசம்ஹாரம் நடக்கிறது.