தேசிய செய்திகள்

5 பியூன் வேலைக்கு 23 ஆயிரம் விண்ணப்பம்; சி.ஏ., சட்டம் படித்தவர்களும் போட்டி + "||" + 23K vying for 5 peon posts ignites debate in Rajasthan

5 பியூன் வேலைக்கு 23 ஆயிரம் விண்ணப்பம்; சி.ஏ., சட்டம் படித்தவர்களும் போட்டி

5 பியூன் வேலைக்கு 23 ஆயிரம் விண்ணப்பம்; சி.ஏ., சட்டம் படித்தவர்களும் போட்டி
5 பியூன் வேலைக்கு சி.ஏ., சட்டம் படித்தவர்கள் உள்பட 23 ஆயிரம் பேர் விண்ணப்பம் செய்துள்ளது தெரியவந்துள்ளது.


ஜெய்பூர்,

ராஜஸ்தானில் வசுந்தரா ராஜே சிந்தியா தலைமையில் பா.ஜனதா ஆட்சி நடைபெற்று வருகிறது. 2013-ல் பா.ஜனதா 163 தொகுதிகளில் வெற்றியை தனதாக்கி ஆட்சியை பெற்றது. அப்போது மாநிலத்தில் 15 லட்சம் வேலை வாய்ப்பு உருவாக்கப்படும் என தெரிவித்தார். 

விரைவில் மீண்டும் சட்டப்பேரவைத் தேர்தல் நடைபெற உள்ளநிலையில் அதற்கான பிரசாரத்தையும் தொடங்கியுள்ளார். 5 நாட்களுக்கு முன்னதாக பேசுகையில் மாநில திறன் வளர்ப்பு பயிற்சி மையத்தின் மூலம் 16 லட்சம் பேருக்கு வேலை வாய்ப்பு ஏற்படுத்தப்பட்டுள்ளதாக தெரிவித்தார். 3.23 அரசு வேலைகள் உருவாக்கப்பட்டுள்ளது, 1.35 லட்சம் வேலைவாய்ப்பை ஏற்படுத்த பணிகள் நடக்கிறது. 20 லட்சம் சுயவேலைவாய்ப்பை உருவாக்கியுள்ளது என்று கூறினார். இந்நிலையில் அங்கிருந்து அதிர்ச்சிகரமான தகவல் ஒன்று வெளியாகியுள்ளது.

மாநில தலைமைச் செயலகத்தில் உள்ள 5 பியூன் வேலைக்கு சி.ஏ., சட்டம் படித்தவர்கள் உள்பட 23 ஆயிரம் பேர் விண்ணப்பம் செய்துள்ளது தெரியவந்துள்ளது. போட்டியில் 393 முதுநிலை பட்டத்தாரிகள், 23 வழக்கறிஞர்கள், ஒரு சிஏ, 129 என்ஜினியர்களும் இந்த போட்டியில் உள்ளனர். சிஏஜி அறிக்கையின்படி மாநில திறன் வளர்ப்பு பயிற்சி மையம் மூலம் வேலைவாய்ப்பு பெற்றவர்களின் எண்ணிக்கை குறைவுதான் என தெரிகிறது. ஆனால் வசுந்தரா ராஜே சிந்தியாவின் கூற்று மாறுப்பட்டதாக இது அங்கு விவாதப்பொருளாகியுள்ளது.

இதற்கிடையே முதுநிலை பட்டம் முடித்துவிட்டு காய்கறி விற்பனை செய்யும் மீனா பேசுகையில், “என்னுடைய பட்டப்படிப்போ, அரசோ வேலை வழங்கப்போவது கிடையாது. இப்போது என்னுடைய தேவைக்காக காய்கறிகளை விற்பனை செய்கிறேன். எங்களுடைய முயற்சியால் நாங்கள் செய்யும் வேலைக்கும் அரசு பாராட்டு வாங்குகிறது. கேட்டால் சுயவேலை வாய்ப்பை உருவாக்கியுள்ளோம் என்கிறார்கள்,” என கூறியுள்ளார். 

தொடர்புடைய செய்திகள்

1. விவசாயக் கடன் தள்ளுபடி வாக்குறுதியை காங்கிரஸ் நிறைவேற்றவில்லை என பா.ஜனதா போராட்டம்
ராஜஸ்தானில் விவசாயக் கடனை தள்ளுபடி செய்வதாக கூறி ஆட்சிக்கு வந்த காங்கிரஸ், வாக்குறுதியை நிறைவேற்றவில்லை என பா.ஜனதா போராட்டம் நடத்தியது.
2. வழக்கை வாபஸ் பெறவில்லை என்றால் ராஜஸ்தான், ம.பி.யில் ஆதரவை மறுஆய்வு செய்வோம் - மாயாவதி
ராஜஸ்தான், மத்திய பிரதேசத்தில் அப்பாவி மக்களுக்கு எதிராக பதிவு செய்யப்பட்ட வழக்கை வாபஸ் பெறவில்லை என்றால் ஆதரவை மறு ஆய்வு செய்வோம் என மாயாவதி கூறியுள்ளார்.
3. ‘ஜிகா’ வைரஸ் பாதிப்பு எதிரொலி: ராஜஸ்தானுக்கு கர்ப்பிணிகள் செல்ல வேண்டாம் - அமெரிக்கா எச்சரிக்கை
ஜிகா வைரஸ் பாதிப்பு காரணமாக, ராஜஸ்தானுக்கு கர்ப்பிணிகள் செல்ல வேண்டாம் என அமெரிக்கா எச்சரிக்கை விடுத்துள்ளது.
4. ராஜஸ்தான் மாநில முதல் மந்திரி அசோக் கெலாட்டிற்கு பிரதமர் மோடி வாழ்த்து
ராஜஸ்தான் மாநில முதல் மந்திரி அசோக் கெலாட்டிற்கு பிரதமர் மோடி வாழ்த்துக்களை தெரிவித்து உள்ளார்.
5. “எம்.எல்.ஏ.க்கள், தொண்டர்களிடம் கருத்துக்களை கேட்டு வருகிறேன்,” விரைவில் 3 மாநிலத்திற்கு முதல்வர்கள் அறிவிக்கப்படுவார்கள் -ராகுல் காந்தி
“எம்.எல்.ஏ.க்கள், தொண்டர்களிடம் கருத்துக்களை கேட்டு வருகிறேன்,” விரைவில் 3 மாநிலத்திற்கு முதல்வர்கள் அறிவிக்கப்படுவார்கள் என ராகுல் காந்தி கூறியுள்ளார்.

ஆசிரியரின் தேர்வுகள்...