தேசிய செய்திகள்

ராஜஸ்தானைத் தொடர்ந்து ஆந்திராவில் பெட்ரோல், டீசல் மீதான வரி ரூ.2 குறைப்பு + "||" + Followed by Rajasthan In Andhra Pradesh, Tax on diesel Rs. 2 reduction

ராஜஸ்தானைத் தொடர்ந்து ஆந்திராவில் பெட்ரோல், டீசல் மீதான வரி ரூ.2 குறைப்பு

ராஜஸ்தானைத் தொடர்ந்து ஆந்திராவில் பெட்ரோல், டீசல் மீதான வரி ரூ.2 குறைப்பு
ராஜஸ்தானைத் தொடர்ந்து, ஆந்திர மாநில அரசும் பெட்ரோல், டீசல் மீதான வரியை லிட்டருக்கு ரூ.2 வீதம் குறைத்தது.
அமராவதி,

பெட்ரோல், டீசல் விலை நாள்தோறும் உயர்ந்த வண்ணம் இருக்கிறது. இந்த விலை உயர்வுக்கு எதிராக, எதிர்க்கட்சிகள் சார்பில் நேற்று நாடு தழுவிய முழுஅடைப்பு போராட்டம் நடைபெற்றது.

இதற்கிடையே, இந்த ஆண்டு சட்டசபை தேர்தலை சந்திக்க உள்ள ராஜஸ்தான் மாநிலத்தில் பெட்ரோல், டீசல் மீதான மதிப்பு கூட்டு வரி (வாட்) வரி குறைக்கப்பட்டது. 4 சதவீதம் வரி குறைக்கப்படுவதாக அம்மாநில முதல்-மந்திரி வசுந்தரா ராஜே அறிவித்தார்.


இதனால், அங்கு பெட்ரோல், டீசல் விலை லிட்டருக்கு ரூ.2.50 குறையும். விலை குறைப்பால், மாநில அரசுக்கு ரூ.2 ஆயிரம் கோடி வருவாய் இழப்பு ஏற்படும் என்று எதிர்பார்க்கப்படுகிறது. இந்நிலையில், ராஜஸ்தானைத் தொடர்ந்து, ஆந்திர மாநில அரசும் பெட்ரோல், டீசல் மீதான வரியை குறைத்துள்ளது.

இதுகுறித்து ஆந்திர மாநில சட்டசபையில், முதல்-மந்திரி சந்திரபாபு நாயுடு கூறியதாவது:-

மத்திய அரசுக்கு ஏராளமான வருவாய் வந்தபோதிலும், பெட்ரோல், டீசல் விலையை கடுமையாக உயர்த்தி, மக்களுக்கு கூடுதல் சுமையை ஏற்றி உள்ளது. ஆந்திர மாநிலத்தில், பெட்ரோல், டீசல் மீது 31 சதவீத ‘வாட்’ வரியும், கூடுதல் வரியாக லிட்டருக்கு 4 ரூபாயும் வசூலிக்கப்பட்டு வருகிறது.

இந்த கூடுதல் வரியை 2 ரூபாய் குறைக்க மாநில அரசு முடிவு செய்துள்ளது. இது, செவ்வாய்க்கிழமை (இன்று) முதல் அமலுக்கு வரும். மாநில அரசு பற்றாக்குறை பட்ஜெட்டை சந்தித்து வருகிறது. இருப்பினும், மக்களின் சுமையை குறைக்கும்வகையில், இந்த முடிவை எடுத்துள்ளோம். இதனால், மாநில அரசுக்கு ஆயிரத்து 120 கோடி ரூபாய் வருவாய் இழப்பு ஏற்படும். இவ்வாறு சந்திரபாபு நாயுடு கூறினார்.


தொடர்புடைய செய்திகள்

1. சட்டசபை தேர்தல்: 3 மணி நிலவரப்படி ராஜஸ்தான் 59.43% தெலுங்கானா 56.17% வாக்குகள் பதிவு
சட்டசபை தேர்தலில் 3 மணி நிலவரப்படி ராஜஸ்தான் 59.43 சதவீதமும் , தெலுங்கானாவில் 56.17 சதவீத வாக்குகளும் பதிவாகி உள்ளது.
2. ராஜஸ்தான், தெலுங்கானாவில் தேர்தல் பிரசாரம் ஓய்ந்தது: 7-ந்தேதி வாக்குப் பதிவு
ராஜஸ்தான் (200 தொகுதிகள்) மற்றும் தெலுங்கானா(119 தொகுதிகள்) ஆகிய 2 மாநிலங்களில் தேர்தல் பிரசாரம் இன்று மாலை 5 மணியுடன் ஓய்ந்தது.
3. ராஜஸ்தான், தெலுங்கானா சட்டசபை தேர்தல்: இன்றுடன் பிரசாரம் ஓய்கிறது - தலைவர்கள் தீவிர முற்றுகை
ராஜஸ்தான், தெலுங் கானா மாநில சட்டசபைகளுக்கு இன்றுடன்(புதன்கிழமை) தேர்தல் பிரசாரம் ஓய்கிறது. இதையொட்டி அரசியல் கட்சி தலைவர்கள் அனல் பறக்கும் இறுதி கட்ட பிரசாரத்தில் ஈடுபட்டு உள்ளனர்.
4. நாடாளுமன்ற தேர்தலுடன் ஆந்திரா, ஒடிசா உள்பட 4 மாநில சட்டசபைகளுக்கு தேர்தல் - புதிய தகவல்கள்
நாடாளுமன்ற தேர்தலுடன் ஆந்திரா, ஒடிசா, சிக்கிம், அருணாசலபிரதேசம் ஆகிய மாநில சட்டசபைகளுக்கும் தேர்தல் நடத்த தேர்தல் கமிஷன் திட்டமிட்டு உள்ளது.
5. ராஜஸ்தானில் ஆட்சிக்கு வந்தால் விவசாயக்கடன்கள் தள்ளுபடி: ராகுல் காந்தி வாக்குறுதி
ராஜஸ்தானில் ஆட்சிக்கு வந்தால் விவசாயக்கடன்கள் தள்ளுபடி செய்வோம் என்று ராகுல் காந்தி தெரிவித்துள்ளார்.