தேசிய செய்திகள்

ராஜஸ்தான், ஆந்திராவை தொடர்ந்து மேற்கு வங்காளத்தில் பெட்ரோல், டீசல் வரி குறைப்பு + "||" + Petrol and Diesel tax reduction in West Bengal following Rajasthan and Andhra

ராஜஸ்தான், ஆந்திராவை தொடர்ந்து மேற்கு வங்காளத்தில் பெட்ரோல், டீசல் வரி குறைப்பு

ராஜஸ்தான், ஆந்திராவை தொடர்ந்து மேற்கு வங்காளத்தில் பெட்ரோல், டீசல் வரி குறைப்பு
ராஜஸ்தான், ஆந்திராவை தொடர்ந்து மேற்கு வங்காளத்தில் பெட்ரோல், டீசல் வரி குறைக்கப்பட்டது.
கொல்கத்தா,

பெட்ரோல், டீசல் விலை தினமும் உயர்ந்து வருகிறது. ஆனாலும் அவற்றின் மீதான உற்பத்தி வரியை குறைப்பதற்கு வாய்ப்பு இல்லை என்று மத்திய அரசு கைவிரித்து விட்டது.

மக்களுக்கு சற்று ஆறுதல் அளிக்கிற வகையில் ராஜஸ்தான் மாநிலத்தில் அவற்றின் மீதான மதிப்பு கூட்டு வரி 4 சதவீதம் குறைக்கப்பட்டது. இதனால் அவற்றின் விலை லிட்டருக்கு தலா ரூ.2.50 குறைந்து உள்ளது.


ஆந்திராவிலும் பெட்ரோல், டீசல் மீதான வரியில் தலா ரூ.2 குறைக்கப்படுவதாக அந்த மாநில முதல்-மந்திரி சந்திரபாபு நாயுடு அறிவித்தார்.

இந்த நிலையில் மேற்கு வங்காளத்திலும் அவற்றின் மீதான வரியில் தலா ரூ.1 குறைப்பதாக அந்த மாநில முதல்-மந்திரி மம்தா பானர்ஜி நேற்று அறிவித்தார். இது தொடர்பான அறிவிப்பை அவர் கொல்கத்தாவில் வெளியிட்டபோது, “இப்போதைக்கு பெட்ரோல், டீசல் மீதான வரியை லிட்டருக்கு தலா ரூ.1 குறைக்க முடிவு செய்து உள்ளோம். மத்திய அரசும் அவற்றின் மீதான வரியைக் குறைக்க வேண்டும்” என கேட்டுக்கொண்டார்.

மேலும் அவர் கூறும்போது, “மத்தியில் அமைந்து உள்ள பாரதீய ஜனதா கூட்டணி அரசு 9 முறை பெட்ரோல், டீசல் மீதான உற்பத்தி வரியைக் கூட்டி உள்ளது. ஆனால் நாங்கள் ஒருபோதும் அவற்றின் மீதான வரியை உயர்த்தியது இல்லை” என்று குறிப்பிட்டார்.

தொடர்புடைய செய்திகள்

1. ராஜஸ்தானில் ஏழைகளுக்கு வழங்க 3 லட்சம் உடைகள் சேகரிப்பு - அரச பரம்பரையை சேர்ந்தவரின் கின்னஸ் சாதனை
ராஜஸ்தானில் அரச பரம்பரையை சேர்ந்த ஒருவர், ஏழைகளுக்கு வழங்க 3 லட்சம் உடைகள் சேகரித்து கின்னஸ் சாதனை படைத்தார்.
2. தனது தொலைபேசி உரையாடல்கள் ஒட்டுக் கேட்கப்படுவதாக மம்தா பானர்ஜி மத்திய அரசு மீது குற்றச்சாட்டு
தனது தொலைபேசி உரையாடல்கள் ஒட்டுக் கேட்கப்படுவதாக மத்திய அரசு மீது திரிணாமுல் காங்கிரஸ் தலைவர் மம்தா பானர்ஜி குற்றஞ்சாட்டி உள்ளார்.
3. ராஜஸ்தானில் திருமண கோஷ்டியினர் மீது டிரக் மோதி விபத்து: 13 பேர் பலி, 18 பேர் காயம்
ராஜஸ்தானில் ஊர்வலமாக திருமண கோஷ்டியினர் மீது டிரக் மோதி விபத்துக்குள்ளானது. இதில் 13 பேர் பலியாகினர்.
4. ராஜஸ்தான்: போர் விமானம் விழுந்து நொறுங்கியது - விமானி உயிர் பிழைத்தார்
ராஜஸ்தானில் போர் விமானம் விழுந்து நொறுங்கியதில், அதிர்ஷ்டவசமாக விமானி உயிர் பிழைத்தார்.
5. ஆந்திராவுக்கு சிறப்பு அந்தஸ்து வழங்கக் கோரி நடத்திய உண்ணாவிரத போராட்டத்தை சந்திரபாபு நாயுடு முடித்தார்
ஆந்திராவுக்கு சிறப்பு அந்தஸ்து வழங்கக் கோரி நடத்திய உண்ணாவிரத போராட்டத்தை சந்திரபாபு நாயுடு முடித்துக்கொண்டார்.