தேசிய செய்திகள்

நாடாளுமன்ற தேர்தல்: மத்திய மந்திரி பஸ்வானை எதிர்த்து மகள் போட்டியா? + "||" + Parliamentary polls: Will the daughter contest against the federal minister Paswan?

நாடாளுமன்ற தேர்தல்: மத்திய மந்திரி பஸ்வானை எதிர்த்து மகள் போட்டியா?

நாடாளுமன்ற தேர்தல்: மத்திய மந்திரி பஸ்வானை எதிர்த்து மகள் போட்டியா?
நாடாளுமன்ற தேர்தலில் மத்திய மந்திரி பஸ்வானை எதிர்த்து மகள் போட்டியிட போவது குறித்து, அவரது கணவர் கூறிய தகவலால் பரபரப்பு ஏற்பட்டுள்ளது.
பாட்னா,

பாரதீய ஜனதா கட்சியின் கூட்டணி கட்சி, லோக்ஜனசக்தி. பீகாரை சேர்ந்த இந்த கட்சியின் தலைவர் ராம்விலாஸ் பஸ்வான் மத்திய மந்திரியாக உள்ளார். இவர் அங்கு உள்ள ஹாஜிப்பூர் தொகுதியில் இருந்து நாடாளுமன்ற மக்களவைக்கு தேர்ந்தெடுக்கப்பட்டவர் ஆவார்.

பஸ்வானுக்கு முதல் மனைவி மூலம் பிறந்த மகள் ஆஷா. இவரது கணவர் அனில் சாது.

பாட்னாவில் அனில் சாது, நேற்று நிருபர்களுக்கு பேட்டி அளித்தார். அப்போது அவர் லோக்ஜனசக்தி கட்சி தாழ்த்தப்பட்ட மக்களை கொத்தடிமைகள் போல நடத்துவதாக சாடினார். ராம்விலாஸ் பஸ்வான் மீது அவர் சார்ந்து உள்ள சமூகத்திலேயே கோபம் உள்ளது என்றும் கூறினார்.

அப்போது அவரிடம், “வரும் நாடாளுமன்ற தேர்தலில் பஸ்வானை எதிர்த்து நீங்களோ அல்லது உங்களது மனைவியோ போட்டியிடுவீர்களா?” என கேள்வி எழுப்பினர்.

அதற்கு அவர், “நாங்கள் இருவருமே தயாராகத்தான் இருக்கிறோம். ராஷ்ட்ரீய ஜனதாதள கட்சி தலைவர் லாலு பிரசாத்தும், தேஜஸ்வி யாதவும் எங்களுக்கு போட்டியிடும் வாய்ப்பு அளித்தால் போட்டியிட தயார்” என பதில் அளித்தார்.

இது தொடர்பாக அவர் லாலு பிரசாத்திடமும், தேஜஸ்வியிடமும் பேசி உள்ளதாகவும் தெரிவித்தார். இது பீகார் அரசியலில் பரபரப்பை ஏற்படுத்தி உள்ளது.

தொடர்புடைய செய்திகள்

1. நாடாளுமன்ற தேர்தலுக்கு பிறகு அ.ம.மு.க. காணாமல் போய்விடும் - குமரகுரு எம்.எல்.ஏ. பேச்சு
நாடாளுமன்ற தேர்தலுக்கு பிறகு அ.ம.மு.க. காணாமல் போய்விடும் என்று குமரகுரு எம்.எல்.ஏ. பேசினார்.
2. வருகிற நாடாளுமன்ற தேர்தலில் காங்கிரஸ் கூட்டணியின் வெற்றிக்கு தொண்டர்கள் பாடுபடவேண்டும் அகில இந்திய செயலாளர் பேச்சு
வருகிற நாடாளுமன்ற தேர்தலில் காங்கிரஸ் கூட்டணியின் வெற்றிக்கு தொண்டர்கள் பாடுபடவேண்டும் என்று கட்சியின் அகில இந்திய செயலாளர் ஸ்ரீவல்ல பிரசாத் கூறினார்.
3. நாடாளுமன்ற தேர்தலில் ‘மீண்டும் பா.ஜனதாவை தேர்ந்தெடுத்தால் வளர்ச்சிப்பணிகள் தொடரும்’ - பிரதமர் மோடி உறுதி
நாடாளுமன்ற தேர்தலில் மீண்டும் பாரதீய ஜனதாவை தேர்ந்தெடுத்தால் வளர்ச்சிப்பணிகள் தொடரும் என பிரதமர் நரேந்திர மோடி உறுதி அளித்தார்.
4. நாடாளுமன்ற தேர்தல் நெருங்கும் நிலையில் விற்பனைக்கு வந்த மோடி, ராகுல் உருவம் பொறித்த சேலைகள்
நாடாளுமன்ற தேர்தல் நெருங்கும் நிலையில் மும்பையில் பிரதமர் மோடி, ராகுல் காந்தி உருவம் பொறித்த சேலைகள் விற்பனைக்கு வந்து உள்ளன.
5. நாடாளுமன்ற தேர்தல்: பழைய குற்றவாளிகள் தீவிர கண்காணிப்பு தென்மண்டல ஐ.ஜி. சண்முகராஜேஸ்வரன் தகவல்
நாடாளுமன்ற தேர்தலையொட்டி பழைய குற்றவாளிகளின் பட்டியலை தயாரித்து அவர்களின் நடவடிக்கைகள் கண்காணிக்கப்படுவதாக தென்மண்டல ஐ.ஜி. சண்முகராஜேஸ்வரன் கூறினார்.

ஆசிரியரின் தேர்வுகள்...