தேசிய செய்திகள்

வேன் மீது லாரி மோதியது: தாய்-மகள் உள்பட 5 பேர் நசுங்கி பலி + "||" + Larry collapses on van: Five people, including mother-daughter, crush

வேன் மீது லாரி மோதியது: தாய்-மகள் உள்பட 5 பேர் நசுங்கி பலி

வேன் மீது லாரி மோதியது: தாய்-மகள் உள்பட 5 பேர் நசுங்கி பலி
உத்தர கன்னடா அருகே, வேன் மீது லாரி மோதிய விபத்தில் தாய்-மகள் உள்பட 5 பேர் உடல்நசுங்கி உயிரிழந்தனர்.
மங்களூரு,

உத்தர கன்னடா மாவட்டம்(கார்வார்) ஒன்னாவர் தாலுகா கர்கிமடம் வழியாக எடப்பள்ளி-பன்வேல் தேசிய நெடுஞ்சாலை 66 செல்கிறது. இப்பகுதியில் நேற்று மாலை பயணிகளை ஏற்றிக் கொண்டு குமட்டாவில் இருந்து ஒன்னாவர் நோக்கி ஒரு வேன் சென்று கொண்டு இருந்தது. அப்போது எதிரே ஒரு லாரி வந்தது. இந்த சந்தர்ப்பத்தில் அந்த லாரி, வேன் மீது பயங்கர வேகத்தில் மோதியது. இதில் வேனின் முன்பகுதி அப்பளம் போல் நொறுங்கியது. கண்ணிமைக்கும் நேரத்தில் நடந்த இந்த விபத்தை பார்த்து அப்பகுதி மக்கள் அதிர்ச்சி அடைந்தனர்.


மேலும் அப்பகுதி பொதுமக்கள் உடனடியாக வந்து வேனில் இருந்தவர்களை மீட்கும் முயற்சியில் ஈடுபட்டனர். அப்போது வேனின் இடிபாடுகளில் சிக்கி ஒரு சிறுமி, 2 பெண்கள் உள்பட 5 பேர் உடல்நசுங்கி இறந்தது தெரிந்தது. மேலும் 4 பேர் படுகாயத்துடன் உயிருக்கு போராடினார்கள். அவர்களை பொதுமக்கள் மீட்டு சிகிச்சைக்காக ஆஸ்பத்திரிக்கு அனுப்பி வைத்தனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது.

இதற்கிடையே விபத்து குறித்து அறிந்த ஒன்னாவர் போலீசார் சம்பவ இடத்திற்கு சென்று விபத்தில் பலியான 5 பேரின் உடல்களையும் கைப்பற்றி விசாரித்தனர்.

விசாரணையில் அவர்களின் பெயர்கள் ஒன்னாவரை சேர்ந்த விக்னேஷ்வர்(வயது 45), வேன் டிரைவர் பாபு(35), சுமதி(32), சுமதியின் மகள் சிஞ்சனா(6), கமலாகர் பண்டாரி(50) என்பது தெரிந்தது. படுகாயம் அடைந்த 4 பேரின் பெயர், விவரங்கள் உடனடியாக தெரியவில்லை. இதனை தொடர்ந்து பலியான 5 பேரின் உடல்களையும் பிரேத பரிசோதனைக்காக ஆஸ்பத்திரிக்கு போலீசார் அனுப்பி வைத்தனர். இதுகுறித்து ஒன்னாவர் போலீசார் வழக்குப்பதிவு செய்து விசாரணை நடத்தி வருகின்றனர். விபத்தில் தாய்-மகள் உள்பட 5 பேர் உயிரிழந்த சம்பவம் கர்கிமடம் பகுதியில் பெரும் சோகத்தை ஏற்படுத்தியுள்ளது.


தொடர்புடைய செய்திகள்

1. சபரிமலை விவகாரம்: ஆர்.எஸ்.எஸ். தொண்டர் தீக்குளித்து சாவு - கேரளாவில் இன்று முழு அடைப்புக்கு பா.ஜனதா அழைப்பு
சபரிமலையில் 144 தடை உத்தரவை வாபஸ் பெற வலியுறுத்தி திருவனந்தபுரத்தில் ஆர்.எஸ்.எஸ். தொண்டர் தீக்குளித்து இறந்தார். இதனால் கேரளாவில் இன்று முழு அடைப்பு போராட்டத்துக்கு பா.ஜனதா அழைப்பு விடுத்துள்ளது.
2. பெங்களூருவில் குடோனில் இருந்த இரும்பு சட்டங்கள் சரிந்து விழுந்து 3 தொழிலாளர்கள் சாவு
பெங்களூருவில் குடோனில் இருந்த இரும்பு சட்டங்கள் சரிந்து விழுந்து 3 தொழிலாளர்கள் பரிதாபமாக உயிர் இழந்தார்கள். மேலும் 5 பேர் படுகாயம் அடைந்தனர். இதுதொடர்பாக 2 அதிகாரிகள் கைது செய்யப்பட்டுள்ளனர்.
3. துருக்கியில் மற்றொரு ரெயில் என்ஜின்மீது அதிவேக ரெயில் மோதி விபத்து; 9 பேர் பலி
துருக்கியின் தலைநகரான அங்காராவில் இருந்து, நாட்டின் மத்திய பகுதியில் உள்ள கொன்யா நகருக்கு ஒரு அதிவேக ரெயில் புறப்பட்டு சென்று கொண்டிருந்தது.
4. விழுப்புரம் அருகே: ஏரியில் மூழ்கி பள்ளி மாணவன் பலி - உடலை மீட்பதில் தாமதமானதால் உறவினர்கள் மறியல்
விழுப்புரம் அருகே ஏரியில் மூழ்கி பள்ளி மாணவன் பரிதாபமாக உயிரிழந்தான். அவனது உடலை மீட்பதில் தாமதமானதால் உறவினர்கள் சாலை மறியலில் ஈடுபட்டனர்.
5. மரத்தில் கார் மோதி 3 வாலிபர்கள் பலி துக்க வீட்டிற்கு சென்று விட்டு திரும்பிய போது பரிதாபம்
திருவரங்குளம் அருகே துக்க வீட்டிற்கு சென்று விட்டு திரும்பிய போது மரத்தில் கார் மோதியதில் 3 வாலிபர்கள் பரிதாபமாக இறந்தனர்.