தேசிய செய்திகள்

சபரிமலை விவகாரம்: ஆர்.எஸ்.எஸ். தொண்டர் தீக்குளித்து சாவு - கேரளாவில் இன்று முழு அடைப்புக்கு பா.ஜனதா அழைப்பு + "||" + Sabarimala affair: RSS Volunteer fire and death

சபரிமலை விவகாரம்: ஆர்.எஸ்.எஸ். தொண்டர் தீக்குளித்து சாவு - கேரளாவில் இன்று முழு அடைப்புக்கு பா.ஜனதா அழைப்பு

சபரிமலை விவகாரம்: ஆர்.எஸ்.எஸ். தொண்டர் தீக்குளித்து சாவு - கேரளாவில் இன்று முழு அடைப்புக்கு பா.ஜனதா அழைப்பு
சபரிமலையில் 144 தடை உத்தரவை வாபஸ் பெற வலியுறுத்தி திருவனந்தபுரத்தில் ஆர்.எஸ்.எஸ். தொண்டர் தீக்குளித்து இறந்தார். இதனால் கேரளாவில் இன்று முழு அடைப்பு போராட்டத்துக்கு பா.ஜனதா அழைப்பு விடுத்துள்ளது.

திருவனந்தபுரம், 

சபரிமலையில் 144 தடை உத்தரவை வாபஸ் பெற வேண்டும். அய்யப்ப பக்தர்களுக்கான கட்டுப்பாடுகளை தளர்த்த வேண்டும் உள்ளிட்ட பல்வேறு கோரிக்கைகளை வலியுறுத்தி திருவனந்தபுரம் தலைமைச்செயலகம் முன்பு பந்தல் அமைத்து பா.ஜனதா கட்சியினர் தொடர் உண்ணாவிரதம் இருந்து வருகின்றனர்.

போராட்டத்தில் கலந்து கொண்ட மாநில பொதுச்செயலாளர் ஏ.என்.ராதாகிருஷ்ணன் உடல்நிலை மோசமானது. அவர் கைது செய்யப்பட்டு ஆஸ்பத்திரியில் அனுமதிக்கப்பட்டு சிகிச்சை அளிக்கப்பட்டு வருகிறது.

இதைதொடர்ந்து கடந்த 4 நாட்களாக பா.ஜனதா முன்னாள் மாநில தலைவர் சி.கே.பத்மநாபன் தொடர் உண்ணாவிரதத்தை தொடங்கினார். அவருக்கு ஆதரவாக உண்ணாவிரத பந்தலில் ஏராளமான தொண்டர்கள் கலந்து கொண்டுள்ளனர். நேற்று அதிகாலை 1 மணி அளவில் திருவனந்தபுரம் முட்டடை பகுதியை சேர்ந்த வேணுகோபாலன் என்ற ஆர்.எஸ்.எஸ். தொண்டர் போராட்ட பந்தலின் முன்பு ‘சாமியே சரணம் அய்யப்பா’ என்று கோ‌ஷம் எழுப்பியபடி தனது உடல் மீது பெட்ரோலை ஊற்றி தீ வைத்துக் கொண்டார்.

கண் இமைக்கும் நேரத்தில் அவரது உடல் முழுவதும் தீப்பற்றி எரிந்தது. இதைக்கண்டு அதிர்ச்சி அடைந்த பா.ஜனதா தொண்டர்களும், போலீசாரும் அவர் மீது தண்ணீரை ஊற்றி தீயை அணைத்தனர். அவரை ஆம்புலன்ஸ் மூலம் திருவனந்தபுரம் அரசு மருத்துவ கல்லூரி ஆஸ்பத்திரிக்கு கொண்டு சென்றனர். அங்கு தீவிர சிகிச்சை அளிக்கப்பட்டது. அப்படி இருந்தும் நேற்று மாலை அவர் பரிதாபமாக இறந்தார்.

சபரிமலை விவகாரத்தில் திருவனந்தபுரம் மட்டும் அல்லாமல் கேரளா முழுவதும் தொடர் போராட்டங்கள் நடந்து வந்தது. ஆனாலும் முதல் முறையாக ஆர்.எஸ்.எஸ். தொண்டர் ஒருவர் தீக்குளித்து உயிரை மாய்த்துக் கொண்ட சம்பவம் திருவனந்தபுரத்தில் பெரும் பரபரப்பை ஏற்படுத்தி உள்ளது.

இதற்கிடையே பா.ஜனதா மாநில செயலாளர் ரமேஷ் என்பவர் நேற்று திருவனந்தபுரத்தில் நிருபர்களுக்கு பேட்டி அளித்தார். அப்போது அவர் கூறுகையில், சபரிமலை விவகாரம் தொடர்பாக பா.ஜனதா தொடர் போராட்டம் நடத்தி வருகிறது. உண்ணாவிரத போராட்டத்தில் ஈடுபட்டவர்களிடம் முதல்-மந்திரி பினராயி விஜயன் பேச்சுவார்த்தை நடத்த முன்வரவில்லை. எனவேதான் ஆர்.எஸ்.எஸ். தொண்டர் ஒருவர் உயிரை இழந்துள்ளார். எனவே இந்த சம்பவத்தை கண்டித்து கேரளா முழுவதும் இன்று (வெள்ளிக்கிழமை) ஒருநாள் முழு அடைப்பு போராட்டம் நடத்தப்படுகிறது. இதற்கு அனைத்து தரப்பினரும் ஒத்துழைப்பு தர வேண்டும் என்று அழைப்பு விடுக்கிறோம். இந்த போராட்டம் காலை 6 மணிக்கு தொடங்கி மாலை 6 மணி வரை நடைபெறும் என்றார்.


தொடர்புடைய செய்திகள்

1. கடன் தொல்லை காரணமாக பெட்ரோல் விற்பனை நிலைய உரிமையாளர் தீக்குளித்து தற்கொலை
பல்லடத்தில் கடன் தொல்லை காரணமாக பெட்ரோல் விற்பனை நிலைய உரிமையாளர் தீக்குளித்து தற்கொலை செய்து கொண்டார்.
2. பல்லடத்தில் மொபட் மீது பஸ் மோதல்; கட்டிட தொழிலாளி பரிதாப சாவு பொதுமக்கள் போராட்டம்
பல்லடத்தில் மொபட் மீது தனியார் பஸ் மோதிய விபத்தில் கட்டிடதொழிலாளி பரிதாபமாக இறந்தார். இதன் காரணமாக ஆத்திரம் அடைந்த பொதுமக்கள் பஸ்சை தாக்கி போராட்டத்தில் ஈடுபட்டனர்.
3. திருப்பரங்குன்றம் அருகே உயர் மின் கோபுரத்தில் ஏறி பெயிண்டர் தற்கொலை மிரட்டல்
திருப்பரங்குன்றம் அருகே தன்னை தாக்கியவர்கள் மீது நடவடிக்கை எடுக்கக்கோரி உயர் மின் கோபுரத்தில் ஏறி நின்று வாலிபர் தற்கொலை மிரட்டல் விடுத்த சம்பவம் பரபரப்பை ஏற்படுத்தியது.
4. தனித்தனி சம்பவத்தில் நெசவு தொழிலாளி உள்பட 2 பேர் தற்கொலை
தனித்தனி சம்பவத்தில் நெசவு தொழிலாளி உள்பட 2 பேர் தூக்குப்போடு தற்கொலை செய்துகொண்டனர்.
5. திருச்சி அருகே முத்தையம்பாளையத்தில் கோவில் விழாவில் கூட்ட நெரிசலில் சிக்கி பெண்கள் உள்பட 7 பேர் பலி
திருச்சி அருகே முத்தையம்பாளையத்தில் கோவில் விழாவில் ஏற்பட்ட நெரிசலில் சிக்கி பெண்கள் உள்பட 7 பேர் இறந்தனர். பூசாரியிடம் பிடிக்காசு வாங்க முயன்றபோது இந்த பரிதாப சம்பவம் நடந்து உள்ளது.