தேசிய செய்திகள்

ராஜஸ்தான், சத்தீஷ்கர் முதல் மந்திரிகள் யார்? ராகுல் காந்தி இன்று முடிவு + "||" + Madhya Pradesh Done, Rahul Gandhi's Call On Rajasthan, Chhattisgarh Today

ராஜஸ்தான், சத்தீஷ்கர் முதல் மந்திரிகள் யார்? ராகுல் காந்தி இன்று முடிவு

ராஜஸ்தான், சத்தீஷ்கர் முதல் மந்திரிகள் யார்? ராகுல் காந்தி இன்று  முடிவு
ராஜஸ்தானில் முதல் மந்திரி பதவியை கைப்பற்ற சச்சின் பைலட்டுக்கும் அசோக் கெலாட்டுக்கும் இடையே கடும் போட்டி நிலவுகிறது.
புதுடெல்லி,

பாரதீய ஜனதா கட்சி ஆட்சி செய்து வந்த ராஜஸ்தான் (வசுந்தரா ராஜே சிந்தியா), மத்திய பிரதேசம் (சிவராஜ் சவுகான்), சத்தீஷ்கார் (ராமன் சிங்) ஆகிய 3 மாநிலங்களிலும், ஆட்சியை தக்க வைக்க தவறியது. அங்கு காங்கிரஸ் கட்சி வெற்றி பெற்றிருக்கிறது. ஆட்சி அமைப்பதில் அந்தக் கட்சி தீவிரம் காட்டி வருகிறது. முதல்வர் யார்? என்பதில் காங்கிரஸ் தலைமைக்கு பெரும் சவால் ஏற்பட்டுள்ளது. ம.பி.முதல்வர் யார் ? என்பதில் ஏற்பட்ட இழுபறிக்கு பின்னர் கமல் நாத் முதல்வராக அறிவிக்கப்பட்டார். இன்று கமல்நாத் முதல்வராக பதவியேற்கிறார்.

ராஜஸ்தானில் முதல்வர் பதவிக்கு முன்னாள் முதல்வர் அசோக் கெலாட், மாநில காங்கிரஸ் தலைவர் சச்சின் பைலட் ஆகிய இருவரிடையே கடும் போட்டி ஏற்பட்டுள்ளது. சச்சின் பைலட்டை முதல் மந்திரியாக அறிவிக்க வேண்டும் என்று ராஜஸ்தானில் பல்வேறு இடங்களில் அவரது ஆதரவாளர்கள் போராட்டத்தில் ஈடுபட்டுள்ளனர். இருவரில் யார்? முதல்வர் என்பதை முடிவு செய்வதற்காக நேற்று இரவு முதல் காலை வரை நடந்த ஆலோசனையில் முடிவு எடுக்கப்படவில்லை இந்நிலையில் இன்றும் ஆலோசனை கூட்டம் நடைபெறுகிறது. ராஜஸ்தானில் யார் முதல் மந்திரி என்பதற்கான அறிவிப்பு இன்று வெளியிடப்படும் என தெரிவிக்கப்பட்டுள்ளது.

மற்றொரு மாநிலமான சத்தீஸ்கரில், லோக்சபா, எம்.பி.,யான, தம்ராத்வாஜ் சாஹூ, மாநிலத் தலைவர் புபேஷ் பெஹல், மூத்த தலைவர், டி.எஸ். சிங்தியோ ஆகியோரின் பெயர்கள், பரிசீலனையில் உள்ளதாகக் கூறப்படுகிறது. இருப்பினும், புபேஷ் பெஹல் தான் முதல் மந்திரியாக அறிவிக்கப்படுவார் என்று தகவல்கள் கூறுகின்றன.  எனவே இரு மாநிலங்களிலும் முதல் மந்திரி யார் என்பது இன்று ராகுல் காந்தி முடிவு செய்கிறார்.  பின்னர் முதல் மந்திரியின்  பெயர் அதிகாரப்பூர்வமாக அறிவிக்கப்பட உள்ளது.

தொடர்புடைய செய்திகள்

1. கருத்துக்கணிப்பு தகவலால் பா.ஜனதாவினர் மகிழ்ச்சி, மே 23-க்கு காத்திருக்கும் காங்கிரஸ்
கருத்துக்கணிப்பு முடிவுகள் பா.ஜனதாவினரை மகிழ்ச்சியடைய செய்துள்ளது. தேர்தல் முடிவு வெளியாகும் வரையில் காத்திருக்கலாம் என காங்கிரஸ் கூறுகிறது.
2. ராஜஸ்தானில் பாலியல் பலாத்காரம்: பாதிக்கப்பட்ட பெண்ணுக்கு ராகுல்காந்தி நேரில் ஆறுதல்
ராஜஸ்தானில் கணவர் கண்முன்னே பாலியல் பலாத்காரம் செய்யப்பட்ட பெண்ணை காங்கிரஸ் தலைவர் ராகுல் காந்தி நேரில் சந்தித்து ஆறுதல் கூறினார்.
3. 11 மணி நிலவரம்: அசாம்-26.39, சத்தீஷ்கர்- 26.2 சதவீத வாக்குகள் பதிவு
11 மணி நிலவரப்படி அசாமில் 26.39 சதவீத வாக்குகளும், சத்தீஷ்கரில் 26.2 சதவீத வாக்குகளும் பதிவாகியுள்ளது.
4. வடமாநிலங்களில் புழுதிப் புயலுடன் பெய்த மழைக்கு 35 பேர் உயிரிழப்பு
வடமாநிலங்களில் புழுதிப் புயலுடன் பெய்த மழைக்கு 35 பேர் உயிரிழந்துள்ளனர்.
5. 1952-ல் இருந்து ஒரே ஒரு இஸ்லாமிய எம்.பி.யை மட்டும் டெல்லிக்கு அனுப்பிய மாநிலம்
ராஜஸ்தான் மாநிலம் 1952-ல் இருந்து ஒரே ஒரு இஸ்லாமிய எம்.பி.யை மட்டும் டெல்லிக்கு அனுப்பியுள்ளது.