தேசிய செய்திகள்

ரபேல் விவகாரத்தில் உச்சநீதிமன்ற தீர்ப்புக்கு அனில் அம்பானி வரவேற்பு + "||" + Anil Ambani welcomes SC order on Rafale

ரபேல் விவகாரத்தில் உச்சநீதிமன்ற தீர்ப்புக்கு அனில் அம்பானி வரவேற்பு

ரபேல் விவகாரத்தில் உச்சநீதிமன்ற தீர்ப்புக்கு அனில் அம்பானி வரவேற்பு
ரபேல் விவகாரத்தில் உச்சநீதிமன்றம் அளித்த தீர்ப்புக்கு ரிலையன்ஸ் நிறுவனத் தலைவர் அனில் அம்பானி வரவேற்பு தெரிவித்துள்ளார்.
புதுடெல்லி,

ரபேல் ஒப்பந்தத்தில் முறைகேடு நடைபெற்றதாக மத்திய அரசு மீது காங்கிரஸ் உள்ளிட்ட எதிர்க்கட்சிகள் குற்றம் சாட்டி வந்தன.  இதற்கு மத்தியில், ரபேல் பேரம் குறித்து சுப்ரீம் கோர்ட்டு கண்காணிப்புடன் கூடிய விசாரணைக்கு உத்தரவிடக்கோரி, வக்கீல் எம்.எல்.சர்மா என்பவர் சுப்ரீம் கோர்ட்டில் மனு தாக்கல் செய்தார். பிறகு, வக்கீல் வினீத் தண்டா என்பவரும் அதே கோரிக்கையுடன் மனு தாக்கல் செய்தார். ஆம் ஆத்மி பிரமுகர் சஞ்சய் சிங்கும் வழக்கு தொடர்ந்தார். பின்னர், முன்னாள் மத்திய மந்திரிகள் யஷ்வந்த் சின்கா, அருண் ஷோரி மற்றும் வக்கீல் பிரசாந்த் பூஷண் ஆகியோர் இந்த விவகாரம் தொடர்பாக வழக்கு பதிவு செய்யுமாறு சி.பி.ஐ.க்கு உத்தரவிடக்கோரி மனு தாக்கல் செய்தனர்.

இந்த மனுக்கள் மீது தலைமை நீதிபதி ரஞ்சன் கோகாய் தலைமையிலான அமர்வு விசாரணை நடத்தியது. விசாரணை முடிந்த நிலையில், கடந்த மாதம் 14-ந்தேதி, தேதி குறிப்பிடாமல் தீர்ப்பை ஒத்திவைத்தது.

இந்நிலையில், உச்சநீதிமன்ற தலைமை நீதிபதி அமர்வு, இம்மனுக்கள் மீது இன்று தீர்ப்பு அளித்தது. அதில் “ ரபேல் போர் விமானங்களை மத்திய அரசு கொள்முதல் செய்யும் ஒப்பந்தத்தில் எந்தவிதமான சந்தேகமும் நீதிமன்றத்துக்கு இல்லை. ரபேல் போர்விமான கொள்முதல் விவகாரத்தில் நீதிமன்றம் தலையிட்டு விசாரணை நடத்த எந்த முகாந்திரமும் இல்லை.  போர் விமானங்களின் விலையை ஒப்பிட்டுப் பார்த்து விசாரிப்பது நீதிமன்றத்தின் பணி அல்ல.

ரபேல் போர் விமானக் கொள்முதல் விவகாரத்தில் விசாரணை நடத்துவதற்கும், நீதிமன்றம் தலையிடுவதற்கும் எந்தவிதமான முறைகேடும் இருப்பதாகத் தெரியவில்லை. எனவே, ரபேல் போர்விமானங்கள் கொள்முதலில் விசாரணை நடத்த வேண்டிய அவசியமில்லை, விசாரணை கோரிய மனுக்களைத் தள்ளுபடி செய்கிறோம்” என உத்தரவிட்டது. 

அனில் அம்பானி வரவேற்பு

உச்சநீதிமன்ற தீர்ப்புக்கு வரவேற்பு தெரிவித்துள்ள ரிலையன்ஸ் தலைவர் அனில் அம்பானி, தன் நிறுவனம் மீது கூறப்பட்ட குற்றச்சாட்டு அரசியல் நோக்கத்துடன், தவறாக கூறப்பட்டது என்பதை தீர்ப்பு வெளிப்படுத்தியுள்ளது. பாதுகாப்பு உள்ளிட்ட முக்கியத்துறையில், மேக் இன் இந்தியா மற்றும் திறன் இந்தியா ஆகிய அரசின் கொள்கைகளில் எங்களின் எளிய பங்களிப்பை செய்வதில் நாங்கள் அர்ப்பணிப்புடன் உள்ளோம்” என்று தெரிவித்துள்ளர்.

தொடர்புடைய செய்திகள்

1. திரிணாமுல் காங்கிரசுக்கு பிரசாரம் செய்த வங்காளதேச நடிகர் இந்தியாவை விட்டு வெளியேற உத்தரவு
திரிணாமுல் காங்கிரசுக்கு பிரசாரம் செய்த வங்காளதேச நடிகர் இந்தியாவை விட்டு வெளியேற உத்தரவிடப்பட்டது.
2. மதத்தின் அடிப்படையில் காங்கிரசை சேர்ந்த சித்து பிரசாரம்
பிரதமர் மோடியை தோற்கடிக்க இஸ்லாமியர்கள் காங்கிரசுக்கு வாக்களிக்க வேண்டும் என்று காங்கிரசை சேர்ந்த சித்து பேசியுள்ளார்.
3. திரிணாமுல் காங்கிரசுக்கு வங்காளதேச நடிகர் பிரசாரம் : அறிக்கையை கோரியது மத்திய அரசு
திரிணாமுல் காங்கிரசுக்கு வங்காளதேச நடிகர் பிரசாரம் செய்ததாக குற்றச்சாட்டு எழுந்துள்ளது தொடர்பாக மத்திய அரசு அறிக்கையை கோரியுள்ளது.
4. கூகுள், ஆப்பிள் ‘டிக்-டாக்’ செயலியை நீக்குமாறு மத்திய அரசு கேட்டுக் கொண்டது என தகவல்
‘டிக்-டாக்’ செயலியை நீக்குமாறு கூகுள், ஆப்பிள் நிறுவனங்களை மத்திய அரசு கேட்டுக் கொண்டது.
5. பிரதமர் மோடி மீண்டும் ஆட்சிக்குவந்தால் சில அதிகாரிகள் வேலையைவிட்டு செல்லலாம் என தகவல்
பிரதமர் மோடி மீண்டும் ஆட்சிக்குவந்தால் பிரதமர் அலுவலகத்தில் இருந்து சில அதிகாரிகள் வேலையைவிட்டு செல்லலாம் என தகவல் வெளியாகியுள்ளது.