பா.ஜ.க. பிரதமர் வேட்பாளராகும் விருப்பம் இல்லை - நிதின் கட்காரி

தினத்தந்தி 21 Dec 2018 6:50 AM GMT (Updated: 21 Dec 2018 6:50 AM GMT)

2019 நாடாளுமன்ற தேர்தலில் பா.ஜ.க.வின் பிரதமர் வேட்பாளராகும் ஆசை இல்லை என்று மத்திய அமைச்சர் நிதின் கட்காரி கூறியுள்ளார்.

புதுடெல்லி,

அடுத்த ஆண்டு நடைபெற உள்ள நாடாளுமன்ற தேர்தலில் பா.ஜ.க. வெற்றி பெற வேண்டும் என்றால் நிதின் கட்காரியை பிரதமர் வேட்பாளராக முன்னிறுத்த வேண்டும் என்று ஆர்.எஸ்.எஸ். அமைப்பில் ஒரு சிலர் வலியுறுத்தி வருவதாக தகவல் வெளியானது. இது குறித்து மத்திய அமைச்சர் நிதின் கட்காரியிடம் செய்தியாளர்கள் கேள்வி எழுப்பினர்.

இதற்கு பதில் அளித்த நிதின் கட்காரி, 2019 நாடாளுமன்ற தேர்தலில் தான் பிரதமர் வேட்பாளராவதற்கு வாய்ப்பு இல்லை. நான் சந்தோஷமாக இருக்கிறேன். 13-14 நாடுகளில் எக்ஸ்பிரஸ் நெடுஞ்சாலை இணைக்க கட்டுப்பாட்டு கட்டிடம் மற்றும் சாலைகள் அமைக்க வேண்டும். நான் இந்த வேலைகளை செய்து மகிழ்ச்சியாக இருக்கிறேன். அதை முடிக்க விரும்புகிறேன் என கூறினார்.