தேசிய செய்திகள்

மேகதாது பிரச்சினையை பேசி தீர்க்கலாம் தமிழ்நாடும், கர்நாடகாவும் இந்தியா-பாகிஸ்தான் அல்ல பிரதமரை சந்தித்த பிறகு குமாரசாமி பேட்டி + "||" + Tamil Nadu and Karnataka are not India-Pakistan Kumaraswamy Interview

மேகதாது பிரச்சினையை பேசி தீர்க்கலாம் தமிழ்நாடும், கர்நாடகாவும் இந்தியா-பாகிஸ்தான் அல்ல பிரதமரை சந்தித்த பிறகு குமாரசாமி பேட்டி

மேகதாது பிரச்சினையை பேசி தீர்க்கலாம் தமிழ்நாடும், கர்நாடகாவும் இந்தியா-பாகிஸ்தான் அல்ல பிரதமரை சந்தித்த பிறகு குமாரசாமி பேட்டி
தமிழ்நாடும், கர்நாடகாவும் இந்தியா–பாகிஸ்தான் அல்ல, மேகதாது பிரச்சினையை பேசி தீர்க்கலாம் என்று பிரதமரை சந்தித்த குமாரசாமி தெரிவித்தார்.

புதுடெல்லி,

கர்நாடக முதல்–மந்திரி குமாரசாமி 2 நாள் பயணமாக டெல்லிக்கு சென்றார். நேற்று அவர் பிரதமர் நரேந்திர மோடியை சந்தித்தார்.

அப்போது, மேகதாது அணை தொடர்பாக விரிவான திட்ட அறிக்கை தயாரிக்க அனுமதி அளித்ததற்காக பிரதமருக்கு நன்றி தெரிவித்துக் கொண்டார். வறட்சி நிவாரண நிதி குறித்தும் விவாதித்தார்.

பின்னர், குமாரசாமி நிருபர்களுக்கு அளித்த பேட்டியில் கூறியதாவது:–

மத்திய நீர்வளத்துறை மந்திரி நிதின் கட்கரியை சந்தித்தபோது, மேகதாது பிரச்சினை பற்றி பேச தமிழக–கர்நாடக முதல்–மந்திரிகள் கூட்டத்தை கூட்டுமாறு நான் வலியுறுத்தினேன். அதை நிதின் கட்கரி ஏற்றுக்கொண்டார். இன்னும் 10 முதல் 15 நாட்களில் அவர் கூட்டத்தை கூட்டுவார் என்று எதிர்பார்க்கிறேன்.

தமிழ்நாடும், கர்நாடகாவும் இந்தியா–பாகிஸ்தான் அல்ல. நாம் சகோதரர்கள். இந்த பிரச்சினையை கோர்ட்டுக்கு போய் சண்டையிடாமல், பேச்சுவார்த்தை மூலம் தீர்வு காணலாம்.

இது, சட்டரீதியாக தீர்வு காணும் பிரச்சினை அல்ல, பேச்சு மூலம் சுமுகமாக தீர்க்க வேண்டிய பிரச்சினை. எனவே, தி.மு.க.வும், அ.தி.மு.க.வும் இதை அரசியல் ஆக்க வேண்டாம். உட்கார்ந்து பேசி தீர்வு காணலாம். இது, பெரிய பிரச்சினையே அல்ல.

காவிரி உபரி நீர், தேவையின்றி கடலில் கலப்பதை தடுக்கவே மேகதாது அணை கட்டப்படுகிறது. பருவமழை காலத்தில் 390 டி.எம்.சி. நீரை திறந்து விட்டோம். அவ்வளவு நீரும் மேட்டூர் அணையிலா இருக்கிறது?

எனவே, மேகதாது அணை கட்டுவது, கர்நாடகத்தை விட தமிழ்நாட்டுக்கே நல்லது.

இவ்வாறு குமாரசாமி கூறினார்.

மத்திய மந்திரிகள் அருண் ஜெட்லி, பியுஷ் கோயல் ஆகியோரையும் குமாரசாமி சந்தித்தார்.


தொடர்புடைய செய்திகள்

1. சபாநாயகருக்கு அவமானத்தை ஏற்படுத்தியது குமாரசாமி தான் - எடியூரப்பா சொல்கிறார்
சட்டசபை சபாநாயகருக்கு அவமானத்தை ஏற்படுத்தியது குமாரசாமி தான் என்று எடியூரப்பா கூறினார். கர்நாடக சட்டசபை எதிர்க்கட்சி தலைவரும், பா.ஜனதா மாநில தலைவருமான எடியூரப்பா பெங்களூருவில் நேற்று நிருபர்களுக்கு பேட்டி அளித்தார். அப்போது அவர் கூறியதாவது:-
2. விவசாயிகளுக்கு ஆண்டுக்கு தலா ரூ.6 ஆயிரம் வழங்கும் திட்டத்தில் கர்நாடகத்திற்கு ரூ.2,098 கோடி மட்டுமே கிடைக்கும் - குமாரசாமி பேச்சு
மத்திய அரசின், விவசாயிகளுக்கு ஆண்டுக்கு தலா ரூ.6 ஆயிரம் வழங்கும் திட்டத்தில் கர்நாடகத்திற்கு ரூ.2,098 கோடி மட்டுமே கிடைக்கும் என முதல்-மந்திரி குமாரசாமி கூறினார்.
3. கவர்னருக்கு 2 சுயேச்சை எம்.எல்.ஏ.க்கள் கடிதம் : கர்நாடக அரசுக்கு ஆதரவு வாபஸ் ‘ஆட்சிக்கு ஆபத்து இல்லை’ - குமாரசாமி
கர்நாடக அரசுக்கு அளித்து வந்த ஆதரவை 2 சுயேச்சை எம்.எல்.ஏ.க்கள் வாபஸ் பெற்றனர். இதுதொடர்பாக அவர்கள் கவர்னர் வஜூபாய் வாலாவுக்கு கடிதம் எழுதி உள்ளனர். இந்த நிலையில் ஆட்சிக்கு ஆபத்து எதுவும் இல்லை என்று முதல்-மந்திரி குமாரசாமி தெரிவித்து உள்ளார்.
4. மேகதாது அணை விவகாரத்தில் தலையிட கோரிக்கை : பிரதமர் மோடியுடன் குமாரசாமி சந்திப்பு
டெல்லியில் பிரதமர் மோடியை முதல்-மந்திரி குமாரசாமி நேற்று நேரில் சந்தித்து பேசினார். அப்போது அவர், மேகதாது திட்ட பிரச்சினையில் தலையிடுமாறும், மகதாயி நடுவர்மன்ற தீர்ப்பை அரசிதழில் வெளியிடவும் கோரிக்கை விடுத்தார்.
5. கொலையாளிகளை சுட்டுத்தள்ள உத்தரவு: மாநில மக்களிடம் குமாரசாமி மன்னிப்பு கேட்க வேண்டும் எடியூரப்பா வலியுறுத்தல்
கொலையாளிகளை சுட்டுத்தள்ளுங்கள் என்று உத்தரவிட்ட குமாரசாமி, மாநில மக்களிடம் மன்னிப்பு கேட்க வேண்டும் என்று எடியூரப்பா வலியுறுத்தியுள்ளார்.

ஆசிரியரின் தேர்வுகள்...