தேசிய செய்திகள்

சக ஊழியர்கள் தொல்லையால் தற்கொலை முயற்சி: விஷம் குடிப்பதை முகநூலில் நேரலையாக பதிவேற்றிய பெண் - நண்பர்கள் துரிதமாக செயல்பட்டு மீட்டனர் + "||" + If the suicide attempt harass colleagues: The woman who uploaded the poisoning live on the facebook - Friends reacted quickly and recovered

சக ஊழியர்கள் தொல்லையால் தற்கொலை முயற்சி: விஷம் குடிப்பதை முகநூலில் நேரலையாக பதிவேற்றிய பெண் - நண்பர்கள் துரிதமாக செயல்பட்டு மீட்டனர்

சக ஊழியர்கள் தொல்லையால் தற்கொலை முயற்சி: விஷம் குடிப்பதை முகநூலில் நேரலையாக பதிவேற்றிய பெண் - நண்பர்கள் துரிதமாக செயல்பட்டு மீட்டனர்
விஷம் குடிப்பதை முகநூலில் நேரலையாக பதிவேற்றிய பெண் சமூக ஆர்வலரை, நண்பர்கள் துரிதமாக செயல்பட்டு போலீசார் உதவியுடன் மீட்டனர்.
மும்பை,

மராட்டிய மாநிலம் லாத்தூர் பகுதியை சேர்ந்த விருசாலி காம்லே (வயது 30) என்ற பெண், ‘பதான் சேனா’ என்ற அமைப்பில் இணைந்து சமூக ஆர்வலராக பணியாற்றி வந்தார். இந்த அமைப்பில் அவருடன் பணியாற்றி வந்த சிலர், விருசாலிக்கு தொல்லை கொடுத்து வந்ததாக தெரிகிறது.


இதனால் விரக்தி அடைந்த அவர் சமீபத்தில் அந்த அமைப்பில் இருந்து விலகினார். ஆனாலும் மன உளைச்சலுக்கு ஆளாகி இருந்த அவர் தற்கொலை செய்துகொள்ளும் விபரீத முடிவை எடுத்தார். மேலும் அதை முகநூலில் நேரலையாக பதிவிடவும் எண்ணினார்.

அதன்படி நேற்று முன்தினம் தனது முகநூல் மூலமாக நேரலையில் பேசினார். அதில், தான் வாழ்க்கையில் விரக்தி அடைந்ததால் கொசு மருந்தை குடித்து தற்கொலை செய்துகொள்ள போவதாக தெரிவித்தார். பின்னர் திடீரென நேரலையிலேயே அதை குடிக்கவும் செய்தார்.

அப்போது அவரது முகநூல் கணக்கில் இருந்த நண்பர்கள் பலர் இதைப் பார்த்து கடும் அதிர்ச்சியடைந்தனர். பின்னர் அதில் சிலர் துரிதமாக செயல்பட்டு அருகில் உள்ள போலீஸ் நிலையத்துக்கு தகவல் கொடுத்து, விருசாலியை மீட்குமாறு வேண்டிக்கொண்டனர்.

அதன்பேரில் உடனடியாக களத்தில் இறங்கிய போலீசார் விருசாலியின் வீட்டை கண்டறிந்து அங்கு சென்று பார்த்தனர். அப்போது அவர் வீட்டில் உயிருக்கு போராடிக்கொண்டிருந்தார். உடனே அவரை மீட்டு அருகில் உள்ள மருத்துவமனையில் போலீசார் சேர்ந்தனர். அங்கு அவருக்கு தீவிர சிகிச்சை அளிக்கப்பட்டு வருகிறது.

தற்கொலைக்கு முயன்ற பெண் சமூக ஆர்வலர் முகநூல் நேரலை பதிவு காரணமாக காப்பாற்றப்பட்ட சம்பவம் அப்பகுதியில் பரபரப்பை ஏற்படுத்தியது.


தொடர்புடைய செய்திகள்

1. மனநிலை பாதித்த தொழிலாளி தற்கொலைக்கு முயற்சி , ஆரணி போலீஸ் நிலையம் முன் பரபரப்பு
பணம் திருட்டுப்போனதாக கூறி போலீஸ் நிலையம் முன் மனநிலை பாதித்த தொழிலாளி ஒருவர் தற்கொலைக்கு முயன்ற சம்பவம் ஆரணியில் பரபரப்பை ஏற்படுத்தியது.
2. நெய்வேலியில், பெண் சப்-இன்ஸ்பெக்டர் விஷம் குடித்து தற்கொலை முயற்சி - மருத்துவமனையில் தீவிர சிகிச்சை
நெய்வேலியில் பெண் சப்-இன்ஸ்பெக்டர் விஷம் குடித்து தற்கொலைக்கு முயன்றார். அவருக்கு மருத்துவமனையில் தீவிர சிகிச்சை அளிக்கப்பட்டு வருகிறது.
3. குடும்ப தகராறில் 3 வயது குழந்தையுடன் தந்தை ரெயில் முன் பாய்ந்து தற்கொலை முயற்சி - அதிர்ஷ்டவசமாக உயிர் தப்பினர்
சிவகங்கை அருகே குடும்பத் தகராறில் 3 வயது குழந்தையுடன் ரெயில் முன் பாய்ந்து தந்தை தற்கொலைக்கு முயன்றார்.
4. பழனியில், ரெயில் முன் பாய்ந்து தற்கொலைக்கு முயன்ற கேரள வியாபாரி
பழனியில், ரெயில் முன் பாய்ந்து தற்கொலைக்கு முயன்ற கேரள வியாபாரியை போலீசார் பிடித்து விசாரித்து வருகின்றனர்.
5. திருமணத்துக்கு மறுத்ததால் காதலன் வீட்டு முன்பு இளம்பெண் தற்கொலை முயற்சி
திருமணத்துக்கு மறுத்ததால் காதலன் வீட்டு முன்பு இளம்பெண் தற்கொலை முயற்சியில் ஈடுபட்டார்.