தேசிய செய்திகள்

உ.பி.யில் தனியாக போட்டியிட தயார் - காங்கிரஸ் + "||" + Cong ready to go it alone in UP, says state leader

உ.பி.யில் தனியாக போட்டியிட தயார் - காங்கிரஸ்

உ.பி.யில் தனியாக போட்டியிட தயார் - காங்கிரஸ்
உ.பி.யில் தனியாக போட்டியிட தயாராக இருப்பதாக அம்மாநில காங்கிரஸ் தலைவர் கூறியுள்ளார்.
உத்தரபிரதேச மாநிலத்தில் 80 நாடாளுமன்ற தொகுதிகள் உள்ளன. இதனால் மத்தியில் யார் ஆட்சி அமைப்பது என்பதில் இந்த மாநிலம் முக்கிய பங்கு வகிக்கிறது. 

2014-ம் ஆண்டு நடைபெற்ற நாடாளுமன்ற பொதுத்தேர்தலில் பா.ஜனதா 71 இடங்களிலும், அதன் கூட்டணி கட்சியான அப்ணா தளம் 2 இடங்களிலும் வெற்றி பெற்றன. ஆனால் கடந்த ஆண்டு அங்கு நடைபெற்ற 3 தொகுதிகளுக்கான இடைத்தேர்தலில் பா.ஜனதா எதிர்க்கட்சிகளிடம் தோல்வி அடைந்தது. இந்நிலையில் விரைவில் நடைபெற உள்ள நாடாளுமன்ற தேர்தலில் அந்த மாநிலத்தின் முக்கிய கட்சிகளான சமாஜ்வாடியும், பகுஜன் சமாஜ் கட்சியும் கூட்டணி அமைக்கிறது.  மெகா கூட்டணியிலிருந்து காங்கிரஸ் கழற்றிவிடப்பட்டுள்ளது. 

சமாஜ்வாடி கட்சியின் தேசிய துணைத் தலைவர் கிராண்மொய் நந்தா பேசுகையில், உத்தரபிரதேசத்தில் பா.ஜனதாவை தோற்கடிக்க எங்களது கூட்டணியே போதும். காங்கிரஸ் தேவையில்லை. உத்தரபிரதேச மாநிலத்தை பொறுத்தவரையில் காங்கிரஸ் ஒரு முக்கியமற்ற கட்சியாகும். எனவே அதனை இணைப்பது தொடர்பாகவும், நீக்குவது தொடர்பாகவும் எதனையும் நாங்கள் யோசிக்கவில்லை. கூட்டணியில் காங்கிரஸ் சேர்ந்தால் இரண்டு தொகுதிகள் வழங்கப்படும், இதுதொடர்பக காங்கிரஸ்தான் முடிவு எடுக்க வேண்டும் என்று கூறினார். 

காங்கிரஸ் தலைவர் ராகுல் காந்தியின் அமேதி தொகுதியும், சோனியா காந்தியின் ரேபரேலி தொகுதியும் உ.பி.யில்தான் உள்ளது. இந்த இரு தொகுதிகளில் வேண்டுமென்றால் காங்கிரஸ் போட்டியிட்டுக்கொள்ளலாம் என்று மறைமுகமாக கூறினார். இப்போது காங்கிரஸ் இல்லாமல் சமாஜ்வாடி மற்றும் பகுஜன் சமாஜ் கட்சியின் கூட்டணி உறுதியாகியுள்ளது. இந்நிலையில், உ.பி.யில் தனியாக போட்டியிட தயாராக இருப்பதாக அம்மாநில காங்கிரஸ் தலைவர் ராஜீவ் பாக்‌ஷி கூறியுள்ளார்.  

ஆசிரியரின் தேர்வுகள்...

அதிகம் வாசிக்கப்பட்டவை