டெல்லியில் நாடாளுமன்ற தேர்தல் முன்னேற்பாடுகள் குறித்து தேர்தல் கமிஷன் ஆலோசனை - தமிழக தலைமை தேர்தல் அதிகாரி பங்கேற்பு


டெல்லியில் நாடாளுமன்ற தேர்தல் முன்னேற்பாடுகள் குறித்து தேர்தல் கமிஷன் ஆலோசனை - தமிழக தலைமை தேர்தல் அதிகாரி பங்கேற்பு
x
தினத்தந்தி 11 Jan 2019 10:45 PM GMT (Updated: 11 Jan 2019 9:11 PM GMT)

டெல்லியில் நாடாளுமன்ற தேர்தல் முன்னேற்பாடுகள் குறித்து தேர்தல் கமிஷன் நடத்திய ஆலோசனை கூட்டத்தில், தமிழக தலைமை தேர்தல் அதிகாரி பங்கேற்றார்.

புதுடெல்லி,

நாடாளுமன்ற தேர்தல் முன்னேற்பாடுகள் பற்றிய தேர்தல் கமிஷனின் 2 நாள் ஆலோசனை கூட்டம் டெல்லியில் நேற்று தலைமை தேர்தல் கமிஷனர் சுனில் அரோரா தலைமையில் தொடங்கியது. இந்த கூட்டத்தில், தமிழக தலைமை தேர்தல் அதிகாரி சத்யபிரதா சாகு உள்ளிட்ட மாநில தலைமை தேர்தல் அதிகாரிகள் கலந்துகொண்டனர்.

இதில், நாடாளுமன்ற தேர்தலுக்கான வாக்குச்சாவடி ஏற்பாடுகள், மின்னணு வாக்குப்பதிவு எந்திரங்கள், யாருக்கு வாக்களித்தோம் என்பதை அறிய உதவும் எந்திரங்கள், வாக்குச்சாவடிகளில் மாற்றுத்திறனாளிகளுக்கு செய்யப்படும் வசதிகள் மற்றும் தேர்தல் பணியில் ஈடுபட உள்ள பணியாளர்கள் ஆகியவை குறித்து ஆலோசனை நடைபெற்றது.

இந்த கூட்டத்தில், மாநில தேர்தல் அதிகாரிகள் தங்களது ஆலோசனைகளை தெரிவித்தனர்.

Next Story