மருத்துவ பரிசோதனைக்காக அருண் ஜெட்லி அமெரிக்கா சென்றார்
பா.ஜனதா கட்சியின் மூத்த தலைவரும், மத்திய நிதி மந்திரியுமாக இருப்பவர் அருண் ஜெட்லி (வயது 66).
புதுடெல்லி,
அருண் ஜெட்லிக்கு கடந்த ஆண்டு சிறுநீரக மாற்று அறுவை சிகிச்சை செய்யப்பட்டது. இதனால் இவரிடம் இருந்த நிதித்துறை, ரெயில்வே மந்திரி பியூஸ் கோயலிடம் ஒப்படைக்கப்பட்டது. பின்னர் உடல்நிலை சரியானதும் மீண்டும் நிதித்துறை பொறுப்பை அவர் ஏற்றுக்கொண்டார்.
இந்த நிலையில், கடந்த 13–ந் தேதி இரவு மருத்துவ பரிசோதனைக்காக அருண் ஜெட்லி திடீரென அமெரிக்கா சென்றார். பரிசோதனைகள் முடிந்து அவர் எப்போது இந்தியா திரும்புவார் என்ற விவரங்கள் வெளியிடப்படவில்லை. வருகிற (பிப்ரவரி) 1–ந் தேதி நாடாளுமன்றத்தில் இடைக்கால பட்ஜெட் தாக்கல் செய்ய வேண்டும். இந்த நிலையில் அவர் அமெரிக்கா சென்றுள்ளது குறிப்பிடத்தக்கது.
Related Tags :
Next Story