மும்பையில் ரூ.140 கோடியில் தேசிய சினிமா அருங்காட்சியகம் பிரதமர் மோடி நாளை திறந்துவைக்கிறார்

புதுடெல்லி, 

மும்பை பிலிம் டிவி‌ஷன் வளாகத்தில் ரூ.140.61 கோடியில் இந்திய தேசிய சினிமா அருங்காட்சியகம் கட்டப்பட்டுள்ளது. 19–ம் நூற்றாண்டு வரலாற்று அரண்மனையான குல்‌ஷன் மஹால் மற்றும் ஒரு புதிய கட்டிடம் என 2 கட்டிடங்களில் இந்த அருங்காட்சியகம் அமைக்கப்பட்டுள்ளது.

நூறாண்டுகளுக்கு மேலான இந்திய சினிமாவின் வரலாற்றை புகைப்படங்கள், வீடியோ, கிராபிக்ஸ், கலைவடிவம் போன்ற பல்வேறு வழிகளில் ஒரு கதைபோல் விளக்கும் வகையில் இந்த அருங்காட்சியகம் அமைக்கப்பட்டுள்ளது. தயாரிப்பாளர் ஷியாம் பெனகல் தலைமையிலான அருங்காட்சியக ஆலோசனை குழு இதனை வடிவமைத்துள்ளது. இந்த அருங்காட்சியகத்தை பிரதமர் நரேந்திர மோடி நாளை (சனிக்கிழமை) தொடங்கிவைக்கிறார்.