தேசிய செய்திகள்

மகா கூட்டணி பணக்காரர்கள் மற்றும் ஊழல்வாதிகளின் கூட்டணியாகும் - பிரதமர் மோடி தாக்கு + "||" + Mahagathbandhan of rich corrupt PM Narendra Modi hits out at Opposition alliance

மகா கூட்டணி பணக்காரர்கள் மற்றும் ஊழல்வாதிகளின் கூட்டணியாகும் - பிரதமர் மோடி தாக்கு

மகா கூட்டணி பணக்காரர்கள் மற்றும் ஊழல்வாதிகளின் கூட்டணியாகும் - பிரதமர் மோடி தாக்கு
மகா கூட்டணி பணக்காரர்கள் மற்றும் ஊழல்வாதிகளின் கூட்டணியாகும் என பிரதமர் மோடி கடுமையாக தாக்கி பேசியுள்ளார்.
நாடாளுமன்றத்துக்கு விரைவில் பொதுத்தேர்தல் நடைபெற இருக்கிறது. இந்த தேர்தலை சந்திக்க அரசியல் கட்சிகள் தயாராகி வருகின்றன. ஆளும் பாரதீய ஜனதாவுக்கு எதிராக வலுவான கூட்டணியை அமைக்க எதிர்க்கட்சிகள் தீவிர முயற்சி செய்து வருகின்றன. கொல்கத்தாவில் நேற்று நடைபெற்ற பிரமாண்ட மாநாட்டில், பாரதீய ஜனதாவுக்கு எதிராக 14 எதிர்க்கட்சிகளை சேர்ந்த 22 தலைவர்கள் திரண்டனர். மாநாட்டில் பேசிய அவர்கள், பிரதமர் மோடியை கடுமையாக தாக்கினார்கள்.

பொதுக்கூட்டத்தில் மம்தா பானர்ஜி பேசுகையில், மோடி அரசின் காலாவதி தேதி முடிந்து விட்டது: பிரதமர் யார் என்று தேர்தலுக்கு பிறகு முடிவு செய்வோம் என்றார். 

பிரதமர் மோடி நேற்று பதிலடி கொடுக்கையில், பொது மக்களின் பணத்தை சிலர் (எதிர்க்கட்சிகள்) கொள்ளையடித்து வந்தனர். ஊழலுக்கு எதிரான எனது நடவடிக்கைகள், அவர்களிடமிருந்து மக்களைக் காப்பாற்றின. இதனால் அவர்கள் கோபமடைந்தனர். அவர்கள்தான் மகா கூட்டணி அமைத்துள்ளனர் என்று விமர்சனம் செய்தார். 

இந்நிலையில் பா.ஜனதா தொண்டர்களிடம் வீடியோ காலிங் மூலம் உரையாடிய பிரதமர் மோடி, “அவர்கள் தங்களுக்குள் கூட்டணியை வைக்கிறார்கள். நாம் 125 கோடி மக்களுடன் கூட்டணியை வைத்துள்ளோம். எந்த கூட்டணி பலம் வாய்ந்தது? கொல்கத்தா மாநாட்டில் கலந்து கொண்ட தலைவர்கள்  செல்வாக்கு கொண்டவர்களின் வாரிசு அல்லது அவர்களது சொந்த குழந்தைகளை அரசியலில் வளர்க்க முயற்சி செய்பவர்கள்.  அவர்கள் ஒன்றாக இணைகிறார்கள். பணக்காரர்களின் கூட்டணியாகும். மாமன், மச்சான் கூட்டணியாகும். ஊழல், எதிர்மறை, உறுதியற்றநிலை, சமத்துவமில்லாத கூட்டணியாகும்,” என விமர்சனம் செய்துள்ளார். 

தொடர்புடைய செய்திகள்

1. டெல்லி - வாரணாசி இடையே வந்தேபாரத் விரைவு ரெயில் சேவையை தொடங்கி வைத்தார் பிரதமர் மோடி
டெல்லி - வாரணாசி இடையே வந்தேபாரத் விரைவு ரெயில் சேவையை பிரதமர் மோடி தொடங்கி வைத்தார்.
2. மாபெரும் தவறை செய்து விட்டனர், மிகப்பெரும் விலையை கொடுப்பார்கள்; பிரதமர் மோடி கடும் எச்சரிக்கை
புல்வமா தாக்குதலுக்கு காரணமானவர்கள் மாபெரும் தவறை செய்து விட்டார்கள் என்று பிரதமர் மோடி தெரிவித்தார்.
3. பிப்.21 ல் அரசுமுறைப் பயணமாக தென்கொரியா செல்கிறார் பிரதமர் மோடி
பிரதமர் மோடி, அரசுமுறைப் பயணமாக வரும் 21ஆம் தேதி தென்கொரியாவுக்கு செல்கிறார்.
4. புல்வமா தாக்குதல்: ரஷ்யா கடும் கண்டனம்
புல்வமா தாக்குதலுக்கு ரஷ்யா கடும் கண்டனம் தெரிவித்துள்ளது.
5. தீவிரவாதிகள் தாக்குதல் : பிரதமர் மோடி தலைமையில் அவசர மத்திய அமைச்சரவை குழு கூட்டம்
பாதுகாப்புக்கான அவசர மத்திய அமைச்சரவை குழு கூட்டம், பிரதமர் மோடி தலைமையில் இன்று காலை தொடங்கியது.