தேசிய செய்திகள்

என்.டி. ராமாராவின் முதுகில் குத்தியவர் சந்திரபாபு நாயுடு -பிரதமர் மோடி கடும் தாக்கு + "||" + Chandrababu Naidu Senior In Backstabbing NTR Switching Sides PM Modi

என்.டி. ராமாராவின் முதுகில் குத்தியவர் சந்திரபாபு நாயுடு -பிரதமர் மோடி கடும் தாக்கு

என்.டி. ராமாராவின் முதுகில் குத்தியவர் சந்திரபாபு நாயுடு -பிரதமர் மோடி கடும் தாக்கு
என்.டி.ராமாராவின் முதுகில் குத்தியவர் சந்திரபாபு நாயுடு என பிரதமர் மோடி கடுமையாக விமர்சனம் செய்தார்.

ஆந்திராவுக்கு சிறப்பு அந்தஸ்து வழங்கப்படாத விவகாரத்தில் பா.ஜனதா கூட்டணியில் இருந்து விலகிய ஆந்திர முதல்வர் சந்திரபாபு நாயுடு, எதிர்க்கட்சிகளை ஒன்றாக இணைக்கும் பணியை மேற்கொண்டு வருகிறார். பா.ஜனதா கூட்டணியில் இருந்து தெலுங்குதேசம் கட்சி விலகிய பின்னர் பிரதமர் மோடி முதல் முறையாக இன்று ஆந்திர பிரதேசம் சென்றார். அங்கு அவருக்கு எதிராக போராட்டங்கள் நடத்தப்பட்டது. கருப்பு பலூன்கள் பறக்கவிடப்பட்டது, கருப்புக்கொடி காட்டப்பட்டது.
 
போராட்டங்களுக்கு மத்தியில் குண்டூர் நகரில் பா.ஜனதா சார்பில் ஏற்பாடு செய்யப்பட்டு இருந்த பொதுக்கூட்டத்தில் பிரதமர் மோடி பங்கேற்றார். அப்போது பேசுகையில் சந்திரபாபு நாயுடுவை கடுமையாக விமர்சனம் செய்து பேசினார். 

காங்கிரஸ் இல்லாத ஆந்திரா என்று மாற்றத்தான் என்.டி. ராமாராவ் கட்சி தொடங்கினார்.  மாநிலங்களை உதாசினப்படுத்திய மத்தியில் ஆட்சியிலிருந்த காங்கிரசின் அகங்காரத்தையும் அடக்கினார். ஆனால், அவரை பின்பற்றி கட்சிக்கு வந்ததாகக் கூறும் சந்திரபாபு நாயுடு காங்கிரஸ் கட்சியுடன் கூட்டணி அமைத்துள்ளார். என்னைப் பொறுத்தவரை அரசியலில் மூத்தவர் சந்திரபாபு நாயுடுதான். எப்படி என்றால், தேர்தலில் தோல்வி அடைவது, கூட்டணி மாறுவது, மாமனாரை முதுகில் குத்துவது போன்றவற்றில் என்னைக் காட்டிலும் சந்திரபாபு நாயுடு சீனியர். 

இதில் அவர் சீனியர் என்பதில் எந்தவிதமான சந்தேகமும் இல்லை. சந்திரபாபு நாயுடு  சீனியர் என்பதால், ஒருபோதும் நான் மரியாதைக் குறைவாக நடந்தது இல்லை என்றார் பிரதமர் மோடி.

நாங்கள் ஆந்திராவுக்கு சிறப்பு அந்தஸ்து அளித்த வாக்குறுதியைக் காட்டிலும் அதிகமான நல்ல விஷங்களும், நிதியும் அளித்துவிட்டோம். ஆந்திராவை மேம்படுத்துவேன் என்ற  சந்திரபாபு நாயுடு இப்போது தன்னுடை மகன் என்.லோகேஷ் வளர்ச்சிக்கு ஆந்திராவைக் கொள்ளையடிக்கிறார் எனவும் விமர்சனம் செய்துள்ளார் பிரதமர் மோடி. 

தொடர்புடைய செய்திகள்

1. ‘ஒரே தேசம், ஒரே தேர்தல்’ டெல்லியில் 19-ந் தேதி அனைத்துக்கட்சி தலைவர்கள் கூட்டத்துக்கு மோடி அழைப்பு
நாடாளுமன்றம், சட்டசபைகளுக்கு ஒரே நேரத்தில் தேர்தல் நடத்துவது பற்றி விவாதிக்க டெல்லியில் 19-ந் தேதி அனைத்துக்கட்சி தலைவர்கள் கூட்டத்துக்கு பிரதமர் மோடி அழைப்பு விடுத்துள்ளார்.
2. குடிக்க தண்ணீரில்லை, 3 மகள்களுடன் தற்கொலை செய்கிறேன் பிரதமர் மோடிக்கு விவசாயி கடிதம்
குடிப்பதற்கு நல்ல தண்ணீர் இல்லாத நிலையில் 3 மகள்களுடன் தற்கொலை செய்ய உள்ளேன், அனுமதியுங்கள் என விவசாயி ஒருவர் பிரதமர் மோடிக்கு கடிதம் எழுதியுள்ளார்.
3. ஏற்றுமதியை அதிகரிப்பதில் மாநில அரசுகள் கவனம் செலுத்த வேண்டும் -பிரதமர் மோடி
ஏற்றுமதியை அதிகரிப்பதில் மாநில அரசுகள் கவனம் செலுத்த வேண்டும் என நிதி ஆயோக் கூட்டத்தில் பிரதமர் மோடி பேசினார்.
4. பிரதமர் மோடியுடன் தமிழக முதல்வர் பழனிசாமி சந்திப்பு
பிரதமர் மோடியை தமிழக முதல்வர் பழனிசாமி டெல்லியில் சந்தித்து பேசினார்.
5. பயங்கரவாதத்துக்கு எதிராக ஒன்று சேர்ந்து போரிடுவோம் : ஷாங்காய் மாநாட்டில் பிரதமர் மோடி அழைப்பு
பயங்கரவாதத்துக்கு எதிராக அனைவரும் ஒன்று சேர்ந்து போரிடுவோம் என்று ஷாங்காய் மாநாட்டில் பிரதமர் மோடி அழைப்பு விடுத்தார்.