காஷ்மீர் பிரிவினைவாத இயக்க தலைவர் கைது

ஸ்ரீநகர்,

காஷ்மீர் புலவாமாவில் ஜெய்ஷ் இ முகமது பயங்கரவாத இயக்கத்தினர் நடத்திய தாக்குதலில் 40 மத்திய ஆயுதப்படை வீரர்கள் கொல்லப்பட்டனர். இதைத்தொடர்ந்து மத்திய உள்துறை உத்தரவின்பேரில் காஷ்மீரில் உள்ள பிரிவினைவாத இயக்க தலைவர்கள் வீடுகளுக்கு வழங்கப்பட்டுவந்த போலீஸ் பாதுகாப்பை மாநில அரசு விலக்கிக்கொண்டது. காஷ்மீர் மாநிலத்துக்கு சிறப்பு அந்தஸ்து வழங்கும் 35-ஏ சட்டப்பிரிவுக்கு எதிர்ப்பு கிளம்பியதால் இதுதொடர்பாக சுப்ரீம் கோர்ட்டில் வழக்கு தொடரப்பட்டுள்ளது. இந்த வழக்கு நாளை (திங்கட்கிழமை) விசாரணைக்கு வரும் என்று எதிர்பார்க்கப்படுகிறது.

மாநிலத்தில் ஏற்பட்டுள்ள பதற்றமான சூழ்நிலை காரணமாக கூடுதலாக 100 கம்பெனி (10 ஆயிரம் பேர்) துணை ராணுவ படையினர் காஷ்மீருக்கு அனுப்பிவைக்கப்பட்டுள்ளனர்.