<
காங்கிரஸ் தலைவர்களை புகழ்ந்த ஹபீஸ் சயீது, புதிய வீடியோவை பா.ஜனதா வெளியிட்டது
காங்கிரஸ் தலைவர்களை புகழ்ந்த ஹபீஸ் சயீது புதிய வீடியோவை பா.ஜனதா வெளியிட்டு காங்கிரசுக்கு பதிலடி கொடுத்துள்ளது.
புதுடெல்லி,
ஜெய்ஷ் இ முகமது பயங்கரவாத இயக்க தலைவர் மசூத் அசாரை ‘மசூத் அசார்ஜி’ என்று காங்கிரஸ் தலைவர் ராகுல் காந்தி கூறியதாகவும், மும்பை தாக்குதலுக்கு மூளையாக செயல்பட்ட ஜமாத் உத் தவா தலைவர் ஹபீஸ் சயீதை ‘ஹபீஸ்ஜி’ என்று மத்திய மந்திரி ரவிசங்கர் பிரசாத் கூறியதாகவும் இரு கட்சிகளும் மாறி, மாறி குற்றம் சாட்டி வருகின்றன.
இந்நிலையில், இதற்கு பா.ஜனதா தனது ‘டுவிட்டர்’ பக்கத்தில், ஹபீஸ் சயீதின் வீடியோ ஒன்றை வெளியிட்டு விளக்கம் அளித்துள்ளது.
அதில், ‘‘காங்கிரஸ் தலைவர்கள் சிலர் அறிவுடன் பேசுகிறார்கள். எல்லாவற்றுக்கும் பாகிஸ்தானை குறை கூறுவதை நிறுத்துங்கள் என்று பா.ஜனதாவிடம் காங்கிரஸ் தலைவர்கள் கூறியுள்ளனர். முதலில் உங்களை பாருங்கள். காஷ்மீரில் பா.ஜனதா என்ன செய்திருக்கிறது என்று பாருங்கள்’’ என்று ஹபீஸ் சயீது பேசியுள்ளார்.
இந்த வீடியோவை குறிப்பிட்டுத்தான் ரவிசங்கர் பிரசாத் பேசியதாகவும், ஹபீஸ் சயீதுடனான காங்கிரசின் உறவு குறித்து காங்கிரஸ் தலைவர்கள்தான் பதில் கூற வேண்டும் என்றும் பா.ஜனதா கூறியுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
