தேசிய செய்திகள்

கால்நடை தீவன ஊழல் வழக்குலாலு பிரசாத்துக்கு ஜாமீன் கிடைக்குமா?சி.பி.ஐ. பதில் அளிக்க சுப்ரீம் கோர்ட்டு நோட்டீஸ் + "||" + Lalu Prasad gets bail?

கால்நடை தீவன ஊழல் வழக்குலாலு பிரசாத்துக்கு ஜாமீன் கிடைக்குமா?சி.பி.ஐ. பதில் அளிக்க சுப்ரீம் கோர்ட்டு நோட்டீஸ்

கால்நடை தீவன ஊழல் வழக்குலாலு பிரசாத்துக்கு ஜாமீன் கிடைக்குமா?சி.பி.ஐ. பதில் அளிக்க சுப்ரீம் கோர்ட்டு நோட்டீஸ்
லாலு பிரசாத் ஜாமீன் கேட்டு சுப்ரீம் கோர்ட்டில் மனு தாக்கல் செய்துள்ளார்.
புதுடெல்லி, 

பீகார், ஜார்கண்ட் மாநிலங்கள் பிரிக்கப்படாமல் ஒரே மாநிலமாக இருந்தபோது, 1990-களில் ராஷ்ட்ரீய ஜனதாதளம் கட்சித்தலைவர் லாலு பிரசாத் (வயது 71) அங்கு முதல்-மந்திரி பதவி வகித்தார். அப்போது அங்கு ரூ.900 கோடி மதிப்பிலான கால்நடைத்தீவன ஊழல் நடந்ததாக பெரும் பரபரப்பு ஏற்பட்டது.

இது தொடர்பான 3 வழக்குகளில் லாலு பிரசாத் தண்டிக்கப்பட்டு, 2017-ம் ஆண்டு, டிசம்பர் மாதம் முதல் ஜார்கண்ட் மாநிலம், ராஞ்சி பிர்சா முண்டா மத்திய சிறையில் அடைக்கப்பட்டுள்ளார். அவர் இந்த வழக்குகளில் ஜாமீன் கேட்டு ஜார்கண்ட் ஐகோர்ட்டில் தாக்கல் செய்த மனுவை அந்த கோர்ட்டு கடந்த ஜனவரி மாதம் 10-ந் தேதி தள்ளுபடி செய்து விட்டது.

இந்தநிலையில் அவர் ஜாமீன் கேட்டு சுப்ரீம் கோர்ட்டில் மனு தாக்கல் செய்துள்ளார். இந்த மனு தலைமை நீதிபதி ரஞ்சன் கோகாய் தலைமையிலான அமர்வு முன்பாக நேற்று விசாரணைக்கு வந்தது. அப்போது இது தொடர்பாக சி.பி.ஐ. 2 வாரங்களில் பதில் மனு தாக்கல் செய்யத்தக்கதாக நோட்டீஸ் அனுப்புமாறு நீதிபதிகள் உத்தரவிட்டனர்.

சி.பி.ஐ. பதில் மனு தாக்கல் செய்த பின்னர் லாலு பிரசாத்துக்கு ஜாமீன் கிடைக்குமா என்பது தெரிய வரும்.