பாஜக நட்சத்திர பிரசாரகர்கள் பட்டியலில் அத்வானி, முரளி மனோகர் ஜோஷிக்கும் இடம் இல்லை


பாஜக நட்சத்திர பிரசாரகர்கள் பட்டியலில் அத்வானி, முரளி மனோகர் ஜோஷிக்கும் இடம் இல்லை
x
தினத்தந்தி 26 March 2019 3:44 AM GMT (Updated: 26 March 2019 3:45 AM GMT)

உத்தர பிரதேச மாநிலத்துக்கான பாஜக நட்சத்திர பிரசாரகர்கள் பட்டியலில் அத்வானி, முரளி மனோகர் ஜோஷிக்கும் பெயர் இடம் பெறவில்லை.

லக்னோ,

உத்தர பிரதேச மாநிலத்துக்கான பாஜக நட்சத்திர பிரசாரகர்கள் பட்டியலை அக்கட்சி வெளியிட்டுள்ளது. 40 பேர் கொண்ட இந்த பட்டியலில், பிரதமர் மோடி, அமித்ஷா, ராஜ்நாத்சிங், நிதின் கட்காரி, அருண் ஜெட்லி, சுஷ்மா சுவராஜ், உமாபாரதி ஆகியோர் இடம் பெற்றுள்ளனர். 

வியப்பூட்டும் வகையில், இந்த பட்டியலில், பாஜகவின் மிக மூத்த தலைவர்களான அத்வானி, முரளி மனோகர் ஜோஷி ஆகியோரின் பெயர்  இடம் பெறவில்லை.  ஏற்கனவே, காந்திநகர் தொகுதியில் அத்வானிக்கு போட்டியிட வாய்ப்பு மறுக்கப்பட்டு அமித்ஷா பெயர் வேட்பாளராக அறிவிக்கப்பட்டது நினைவிருக்கலாம். 

அத்வானியும் தனக்கு காந்தி நகர் தொகுதியில், சீட் மறுக்கப்பட்டதால்,கடும் அதிருப்தியில் இருப்பதாக ஊடகங்களில் செய்தி வெளியாகி இருந்தன. இந்த நிலையில், நட்சத்திர பிரசாரகர்கள் பட்டியலிலும் அத்வானி பெயர் இடம் பெறாதது அக்கட்சி வட்டாரத்தில் பரபரப்பை ஏற்படுத்தியுள்ளது.

Next Story