பஞ்சாப்: மேலும் ஒரு ஆம் ஆத்மி எம்.எல்.ஏ. காங்கிரசில் இணைந்தார்

பஞ்சாப்,

பஞ்சாப் மாநிலத்தில் உள்ள 13 மக்களவைத் தொகுதியில் மே 19-ந் தேதி தேர்தல் நடைபெறுகிறது.

இந்நிலையில் ஆம் ஆத்மி கட்சியில் இருந்து ரூப்நகர் சட்டப்பேரவை உறுப்பினர் அமர்ஜித் சிங், பஞ்சாப் முதல்மந்திரி அமரீந்தர் சிங் முன்னிலையில் இன்று காங்கிரஸ் கட்சியில் இணைந்தார்.

முன்னதாக, கடந்த மாதம் 29-ம் தேதி மான்ஸா சட்டப்பேரவை உறுப்பினர் நாஸர் சிங் ஆம் ஆத்மி கட்சியில் இருந்து காங்கிரசில் இணைந்தார். மக்களவைத் தேர்தல் வர உள்ள நிலையில் ஆம் ஆத்மி கட்சியில் இருந்து இரண்டு எம்.எல்.ஏ.-க்கள் காங்கிரசில் இணைந்திருப்பது அக்கட்சிக்கு பெரும் பின்னடைவை ஏற்படுத்தி உள்ளது.

அமர்ஜித் சிங்கின் வருகையை வரவேற்றுள்ள அம்மாநில முதல்மந்திரி அமரீந்தர் சிங் காங்கிரஸ் கட்சியின் பலம் மேலும் வலுவடைந்துள்ளது என கூறினார்.