தேசிய செய்திகள்

போபர்ஸ் வழக்கில் மேற்கொண்டு விசாரணையை மேற்கொள்ள அனுமதி கோரிய மனுவை திரும்ப பெற்றது சிபிஐ + "||" + CBI withdraws plea seeking further probe into Bofors case

போபர்ஸ் வழக்கில் மேற்கொண்டு விசாரணையை மேற்கொள்ள அனுமதி கோரிய மனுவை திரும்ப பெற்றது சிபிஐ

போபர்ஸ் வழக்கில் மேற்கொண்டு விசாரணையை மேற்கொள்ள அனுமதி கோரிய மனுவை திரும்ப பெற்றது சிபிஐ
போபர்ஸ் வழக்கில் மேற்கொண்டு விசாரணையை மேற்கொள்ள அனுமதி கோரிய டெல்லி கோர்ட்டில் தாக்கல் செய்த மனுவை சிபிஐ திரும்ப பெற்றது.
கடந்த 1986-ம் ஆண்டில் அப்போதைய பிரதமர் ராஜீவ் காந்தி ஆட்சிக் காலத்தில் இந்திய ராணுவத்துக்கு ஸ்வீடனின் போபர்ஸ் நிறுவனத்திடம் இருந்து பீரங்கிகள் வாங்கப்பட்டன. பீரங்கிகள் கொள்முதல் செய்யப்பட்டதில் அரசியல் தலைவர்கள், பாதுகாப்புத் துறை அதிகாரிகளுக்கு ரூ.64 கோடி லஞ்சம் கொடுக்கப்பட்டதாக புகார் எழுந்தது.

இதுதொடர்பாக சிபிஐ வழக்கு பதிவு செய்து விசாரணை நடத்தியது. டெல்லி உயர் நீதிமன்றத்தில் வழக்கு விசாரணை நடைபெற்றது. இந்த வழக்கில் குற்றம் சாட்டப்பட்ட போபர்ஸ் நிறுவனம், பிரிட்டனை சேர்ந்த இந்திய வம்சாவளி தொழிலதிபர்களான இந்துஜா சகோதரர்கள் கடந்த 2005-ம் ஆண்டில் விடுவிக்கப்பட்டனர். இந்த தீர்ப்பை எதிர்த்து சிபிஐ தரப்பில் மேல்முறையீடு செய்யப்படவில்லை. இந்நிலையில் போபர்ஸ் பீரங்கிகள் வாங்கியது தொடர்பாக தலைமை கணக்கு தணிக்கை அதிகாரி தாக்கல் செய்த அறிக்கைகளை நாடாளுமன்ற பொதுக் கணக்கு குழுவின் துணைக் குழு அண்மையில் ஆய்வு செய்தது. அப்போது போபர்ஸ் பீரங்கி பேர ஊழல் வழக்கை மீண்டும் விசாரிக்க விரும்புவதாக சிபிஐ தரப்பில் தெரிவிக்கப்பட்டது. 

இதற்கிடையே டெல்லி நீதிமன்றத்தில் போபர்ஸ் வழக்கில் மேற்கொண்டு விசாரணையை மேற்கொள்ள அனுமதி கோரி சிபிஐ தரப்பில் மனு தாக்கல் செய்யப்பட்டது. புதிய ஆவணங்கள் கிடைத்துள்ளதாக 2018 பிப்ரவரியில் சிபிஐ கோர்ட்டை நாடியது. 2018 டிசம்பர் 4-ம் தேதி, மேற்கொண்டு விசாரணையை மேற்கொள்ள எங்களுடைய அனுமதி ஏன்? என கேள்வியை எழுப்பியது நீதிமன்றம். இந்நிலையில் சிபிஐ மனுவை திரும்ப பெற்றது. மேற்கொண்டு என்ன நடவடிக்கை எடுக்கப்பட வேண்டும் என்பது தொடர்பாக வரும் நாட்களில் தெரிவிக்கப்படும் என குறிப்பிடப்பட்டது.

முன்னதாக இந்த வழக்கில் குற்றம் சாட்டப்பட்டவர்களை விடுதலை செய்ய எதிர்ப்பு தெரிவித்து சிபிஐ தரப்பில் தாக்கல் செய்யப்பட்ட மேல் முறையீட்டு மனுவை விசாரித்த சுப்ரீம் கோர்ட்டு அதனை தள்ளுபடி செய்தது என்பது குறிப்பிடத்தக்கது.

தொடர்புடைய செய்திகள்

1. ப.சிதம்பரத்தை சி.பி.ஐ. காவலுக்கு அனுப்பிய உத்தரவை எதிர்த்த மனுவுக்கு சி.பி.ஐ பதில் மனு
சிபிஐ காவலுக்கு அனுப்பியதை எதிர்த்து ப.சிதம்பரம் தொடர்ந்த வழக்கில் சிபிஐ தரப்பில் சுப்ரீம் கோர்ட்டில் பதில் மனு தாக்கல் செய்யப்பட்டது.
2. எதிர்க்கட்சி தலைவர்களை குறிவைத்து மத்திய அரசு சி.பி.ஐ.யை தவறாக பயன்படுத்துகிறது - அகிலேஷ் யாதவ்
எதிர்க்கட்சி தலைவர்களை குறிவைத்து மத்திய அரசு சி.பி.ஐ.யை தவறாக பயன்படுத்துகிறது என அகிலேஷ் யாதவ் குற்றம் சாட்டியுள்ளார்.
3. 12 வெளிநாடுகளில் ப.சிதம்பரத்துக்கு சொத்து? அமலாக்கத்துறை சுப்ரீம் கோர்ட்டில் பிரமாண பத்திரம்
மலேசியா, பிலிப்பைன்ஸ், சிங்கப்பூர் உள்பட 12 நாடுகளில் ப.சிதம்பரத்துக்கு சொத்து இருப்பதாக உச்சநீதிமன்றத்தில் அமலாக்கத்துறை தெரிவிக்க திட்டமிட்டு உள்ளது.
4. ப.சிதம்பரம் தொடர்ந்த மேல்முறையீட்டு மனுவை திங்கட்கிழமைக்கு ஒத்திவைத்தது உச்சநீதிமன்றம்
கைது செய்யப்பட்டதை எதிர்த்து ப.சிதம்பரம் தாக்கல் செய்த மனுவை உச்ச நீதிமன்றம் திங்கட்கிழமைக்கு ஒத்திவைத்தது.
5. சொன்ன பதிலையே திரும்ப திரும்ப சொல்கிறார்... ப.சிதம்பரத்தை காவலில் எடுத்து விசாரிக்க சி.பி.ஐ. தீவிரம்
சொன்ன பதிலையே திரும்ப திரும்ப சொல்கிறார்... ப.சிதம்பரத்தை காவலில் எடுத்து விசாரிக்க சி.பி.ஐ. தீவிரம் காட்டி வருகிறது.