தேசிய செய்திகள்

போபர்ஸ் வழக்கில் விசாரணையை தொடர்ந்து மேற்கொள்வோம் - சிபிஐ + "||" + Investigation In Bofors Case To Continue, Says CBI

போபர்ஸ் வழக்கில் விசாரணையை தொடர்ந்து மேற்கொள்வோம் - சிபிஐ

போபர்ஸ் வழக்கில் விசாரணையை தொடர்ந்து மேற்கொள்வோம் - சிபிஐ
போபர்ஸ் வழக்கில் விசாரணையை தொடர்ந்து மேற்கொள்வோம் என சிபிஐ தெரிவித்துள்ளது.

1986-ல் மத்தியில் காங்கிரஸ் ஆட்சியில் இருந்த போது சுவீடன் நாட்டில் உள்ள போபர்ஸ் நிறுவனத்திடம் இருந்து ரூ.1,437 கோடிக்கு 400 ஹோவிட்சர் ரக பீரங்கிகளை வாங்க ஒப்பந்தம் மேற்கொள்ளப்பட்டது. இதற்காக இந்திய அரசியல்வாதிகள் உள்ளிட்டோருக்கு ரூ.64 கோடி லஞ்சம் கொடுக்கப்பட்டதாக தகவல் வெளியாகி சிபிஐ விசாரணையும் மேற்கொள்ளப்பட்டது. இதுதொடர்பான வழக்கை விசாரித்த ஐகோர்ட்டு குற்றம்சாட்டப்பட்டு இருந்த அனைவரையும் விடுதலை செய்து 2005–ம் ஆண்டு மே மாதம் தீர்ப்பு கூறியது.

இதை எதிர்த்து சுப்ரீம் கோர்ட்டில்  சி.பி.ஐ. மேல்முறையீடு செய்தது. 13 ஆண்டுகள் தாமதமாக மேல்முறையீடு செய்து இருப்பதாக கூறி சி.பி.ஐ.யின் மேல்முறையீட்டு மனுவை கடந்த ஆண்டு பிப்ரவரி மாதம் சுப்ரீம் கோர்ட்டு தள்ளுபடி செய்தது.  இந்த நிலையில், போபர்ஸ் ஆயுத பேரம் தொடர்பாக புதிய ஆதாரங்கள் கிடைத்து இருப்பதாகவும், எனவே இந்த வழக்கை மீண்டும் விசாரிக்க அனுமதி வழங்க வேண்டும் என்றும் கோரி டெல்லி கோர்ட்டில் சி.பி.ஐ. சார்பில் மனு தாக்கல் செய்யப்பட்டது.  

இதுதொடர்பான மனு கடந்த டிசம்பர் 4–ந் தேதி விசாரணைக்கு வந்த போது, இந்த வழக்கை மீண்டும் விசாரிக்க சி.பி.ஐ. அனுமதி கோருவது ஏன்? என்று நீதிமன்றம் கேள்வியை எழுப்பியது. இந்நிலையில் போபர்ஸ் வழக்கை மீண்டும் விசாரிக்க அனுமதி வழங்க கோரி டெல்லி கோர்ட்டில் தாக்கல் செய்த மனுவை சி.பி.ஐ. வாபஸ் பெற்றுக் கொண்டது. ஆனால் போபர்ஸ் வழக்கில் விசாரணையை தொடர்ந்து மேற்கொள்வோம் என சிபிஐ தெரிவித்துள்ளது.
 
 சி.பி.ஐ. செய்தித் தொடர்பாளர் நிதின் வகாங்கர் செய்தியாளர்களிடம் பேசுகையில்,  மைக்கேல் ஹெர்ஷ்மேன் என்பவர் வெளியிட்ட சில தகவல்களின் அடிப்படையில், போபர்ஸ் பீரங்கி பேர வழக்கை மீண்டும் விசாரிக்க அனுமதி கோரி சி.பி.ஐ. சார்பில் கோர்ட்டில் மனு தாக்கல் செய்யப்பட்டது. ஆனால் விசாரணையை தொடர்ந்து மேற்கொள்ள கோர்ட்டின் அனுமதி கட்டாயம் அல்ல என்பதால், கோர்ட்டில் தாக்கல் செய்யப்பட்ட மனுவை வாபஸ் பெற முடிவு செய்யப்பட்டது. எனவே போபர்ஸ் பீரங்கி பேர விவகாரம் குறித்து சி.பி.ஐ. விசாரணை தொடர்ந்து நடைபெறும் எனக் கூறினார். 

தொடர்புடைய செய்திகள்

1. ப.சிதம்பரத்தை சி.பி.ஐ. காவலுக்கு அனுப்பிய உத்தரவை எதிர்த்த மனுவுக்கு சி.பி.ஐ பதில் மனு
சிபிஐ காவலுக்கு அனுப்பியதை எதிர்த்து ப.சிதம்பரம் தொடர்ந்த வழக்கில் சிபிஐ தரப்பில் சுப்ரீம் கோர்ட்டில் பதில் மனு தாக்கல் செய்யப்பட்டது.
2. எதிர்க்கட்சி தலைவர்களை குறிவைத்து மத்திய அரசு சி.பி.ஐ.யை தவறாக பயன்படுத்துகிறது - அகிலேஷ் யாதவ்
எதிர்க்கட்சி தலைவர்களை குறிவைத்து மத்திய அரசு சி.பி.ஐ.யை தவறாக பயன்படுத்துகிறது என அகிலேஷ் யாதவ் குற்றம் சாட்டியுள்ளார்.
3. 12 வெளிநாடுகளில் ப.சிதம்பரத்துக்கு சொத்து? அமலாக்கத்துறை சுப்ரீம் கோர்ட்டில் பிரமாண பத்திரம்
மலேசியா, பிலிப்பைன்ஸ், சிங்கப்பூர் உள்பட 12 நாடுகளில் ப.சிதம்பரத்துக்கு சொத்து இருப்பதாக உச்சநீதிமன்றத்தில் அமலாக்கத்துறை தெரிவிக்க திட்டமிட்டு உள்ளது.
4. ப.சிதம்பரம் தொடர்ந்த மேல்முறையீட்டு மனுவை திங்கட்கிழமைக்கு ஒத்திவைத்தது உச்சநீதிமன்றம்
கைது செய்யப்பட்டதை எதிர்த்து ப.சிதம்பரம் தாக்கல் செய்த மனுவை உச்ச நீதிமன்றம் திங்கட்கிழமைக்கு ஒத்திவைத்தது.
5. சொன்ன பதிலையே திரும்ப திரும்ப சொல்கிறார்... ப.சிதம்பரத்தை காவலில் எடுத்து விசாரிக்க சி.பி.ஐ. தீவிரம்
சொன்ன பதிலையே திரும்ப திரும்ப சொல்கிறார்... ப.சிதம்பரத்தை காவலில் எடுத்து விசாரிக்க சி.பி.ஐ. தீவிரம் காட்டி வருகிறது.