தேசிய செய்திகள்

உ.பி. தேர்தலில் பிரியங்காவை முதல்வர் வேட்பாளராக்க வேண்டும் காங்கிரஸ் தொண்டர்கள் கோரிக்கை + "||" + Make Priyanka Gandhi CM candidate for 2022 UP polls Congress workers tell party

உ.பி. தேர்தலில் பிரியங்காவை முதல்வர் வேட்பாளராக்க வேண்டும் காங்கிரஸ் தொண்டர்கள் கோரிக்கை

உ.பி. தேர்தலில் பிரியங்காவை முதல்வர் வேட்பாளராக்க வேண்டும் காங்கிரஸ் தொண்டர்கள் கோரிக்கை
2022–ம் ஆண்டு நடக்கும் உத்தரபிரதேச சட்டசபை தேர்தலில் பிரியங்காவை முதல்வர் வேட்பாளராக அறிவிக்க வேண்டும் என்று காங்கிரஸ் தொண்டர்கள் கோரிக்கை விடுத்துள்ளனர்.
2019 தேர்தலில் சோனியா காந்தியின் மகள் பிரியங்கா காந்தி நேரடி அரசியலில் களம் இறக்கப்பட்டார். காங்கிரஸ் பொதுச்செயலாளராக நியமிக்கப்பட்டார். கிழக்கு உத்தரபிரதேசத்தில் அவர் தீவிர பிரசாரத்தில் ஈடுபட்டார். ஆனால்  சோனியா காந்தி போட்டியிட்ட ரேபரேலி தொகுதியில் மட்டுமே காங்கிரஸ் வெற்றி பெற்றது. காங்கிரஸ் தலைவர் ராகுல் காந்தி கூட அமேதியில் தோல்வி அடைந்தார். ரேபரேலி தொகுதியில் வெற்றிப்பெற்ற சோனியா காந்தி மக்களுக்கு நன்றி தெரிவிக்க அங்கு சென்றார். 

அப்போது ரேபரேலியில் காங்கிரஸ் தலைவர்களுக்கும், ஊழியர்களுக்கும் சோனியா காந்தி விருந்து அளித்தார். அவர்களுடன் ஆலோசனை கூட்டமும் நடத்தினார். அதில், பிரியங்கா உள்ளிட்ட மூத்த தலைவர்களும் கலந்து கொண்டனர். இந்த கூட்டத்தில், காங்கிரஸ் ஊழியர்கள் ஏராளமான யோசனைகளை தெரிவித்தனர்.  2022–ம் ஆண்டு நடக்கும் உத்தரபிரதேச சட்டசபை தேர்தலில் பிரியங்காவை முதல்–மந்திரி வேட்பாளராக அறிவிக்க வேண்டும் எனவும் கேட்டுக்கொண்டனர். 

பிரியங்கா காந்தியை முதல்வர் வேட்பாளராக அறிவித்தால், காங்கிரஸ் மீண்டு எழும் என்று வாரணாசி முன்னாள் எம்.பி ராஜேஷ் குமார் மிஸ்ரா தெரிவித்தார். அதற்கு பிரியங்கா எந்த கருத்தும் தெரிவிக்கவில்லை. இந்த கூட்டத்தில் பிரியங்கா பேசும்போது, கட்சி ஊழியர்கள் முழு அர்ப்பணிப்புடன் பணியாற்றாததால்தான், தேர்தலில் தோல்வி ஏற்பட்டது என்று குற்றம் சாட்டினார்.

தொடர்புடைய செய்திகள்

1. பொருளாதாரத்தை மேம்படுத்த வேண்டும் ‘காமெடி சர்க்கஸ் நடத்தக்கூடாது’ - மத்திய அரசுக்கு பிரியங்கா கடும் தாக்கு
மத்திய அரசைக் கடுமையாக விமர்சித்து காங்கிரஸ் பொதுச்செயலாளர் பிரியங்கா காந்தி டுவிட்டரி்ல் கருத்து தெரிவித்துள்ளார்.
2. கா‌‌ஷ்மீர் விவகாரத்தில் காங்கிரசின் கருத்து பாகிஸ்தானுக்கு உதவுகிறது - பிரதமர் மோடி பேச்சு
கா‌‌ஷ்மீர் விவகாரத்தில் காங்கிரஸ் தலைவர்களின் கருத்துகள், பாகிஸ்தானுக்கு உதவுகின்றன என்று பிரதமர் மோடி கூறினார்.
3. மு.க.ஸ்டாலின் பிரசாரத்துக்குப் பின் காங்கிரஸ் வேட்பாளர் வெற்றி உறுதி செய்யப்பட்டு விட்டது - நாராயணசாமி நம்பிக்கை
மு.க.ஸ்டாலின் பிரசாரத்துக்குப் பின் காங்கிரஸ் வேட்பாளரின் வெற்றி உறுதி செய்யப்பட்டு விட்டது என்று முதல்-அமைச்சர் நாராயணசாமி கூறினார்.
4. காங்கிரஸ் மிகப்பெரிய நெருக்கடியை சந்தித்து வருகிறது மூத்த தலைவர் சல்மான் குர்ஷித் வேதனை
கட்சித் தலைவர் பதவியை ராகுல் காந்தி ராஜினாமா செய்ததால், காங்கிரஸ் மிகப்பெரிய நெருக்கடியை சந்தித்து வருவதாக காங்கிரஸ் மூத்த தலைவர் சல்மான் குர்ஷித் கூறி உள்ளார்.
5. மராட்டியத்தில் காங்கிரஸ் தோல்வியடையும், ராகுல் காந்தியின் விசுவாசிகள் இழிவுப்படுத்தப்படுகிறார்கள் - மூத்த காங்கிரஸ் தலைவர்
மராட்டியத்தில் காங்கிரஸ் தோல்வியடையும் என்றும் ராகுல் காந்தியின் விசுவாசிகள் கட்சியில் இழிவுப்படுத்தப்படுவதாக சஞ்சய் நிருபம் குற்றஞ்சாட்டி உள்ளார்.