தேசிய செய்திகள்

கேரளாவில் பருவமழை தீவிரம்: 4 மாவட்டங்களுக்கு வெள்ள அபாய எச்சரிக்கை + "||" + Monsoon intensity in Kerala: Flood warning for 4 districts

கேரளாவில் பருவமழை தீவிரம்: 4 மாவட்டங்களுக்கு வெள்ள அபாய எச்சரிக்கை

கேரளாவில் பருவமழை தீவிரம்: 4 மாவட்டங்களுக்கு வெள்ள அபாய எச்சரிக்கை
கேரளாவில் பருவமழை தொடர்ந்து தீவிரமாக பெய்துவருகிறது. இதனால் 4 மாவட்டங்களுக்கு நாளை வரை வெள்ள அபாய எச்சரிக்கை விடுக்கப்பட்டுள்ளது.
திருவனந்தபுரம்,

கேரளாவில் தென்மேற்கு பருவமழை தீவிரம் அடைந்துள்ளது. இதன் காரணமாக கடல் சீற்றத்துடன் காணப்படுகிறது. இந்திய வானிலை ஆய்வு மையம் காசர்கோடு, இடுக்கி, கோழிக்கோடு, கண்ணூர் ஆகிய மாவட்டங்களுக்கு நாளை (செவ்வாய்க்கிழமை) வரை வெள்ள அபாய எச்சரிக்கை (ரெட் அலர்ட்) விடுத்துள்ளது.


திருவனந்தபுரம் சங்குமுகம் கடற்கரைக்கு அருகில் சுற்றுலா பயணிகள் செல்ல வேண்டாம் என கேரள அரசு எச்சரித்துள்ளது. அதேபோல இடுக்கியில் கடந்த சனிக்கிழமை லேசான நிலச்சரிவு ஏற்பட்டதால், மலைப்பகுதிகளுக்கு மக்கள் யாரும் செல்ல வேண்டாம் எனவும் அறிவுறுத்தப்பட்டுள்ளனர்.

தாழ்வான பகுதிகளில் இதுவரை 12 நிவாரண முகாம்கள் தொடங்கப்பட்டுள்ளன. வெள்ளத்தால் 13 வீடுகள் முழுமையாக பாதிக்கப்பட்டுள்ளதாகவும், 71 வீடுகள் பகுதியாக பாதிக்கப்பட்டுள்ளதாகவும் பேரிடர் மேலாண்மை அதிகாரிகள் தெரிவித்துள்ளனர். பாதிக்கப்பட்ட வீடுகளில் வசித்துவந்த பலர் நிவாரண முகாம்களுக்கு மாற்றப்பட்டனர். பலர் தங்கள் உறவினர் வீடுகளுக்கு குடிபெயர்ந்தனர்.

பெரியாறு, பம்பா, சாலியாறு ஆகிய ஆறுகளில் வெள்ளப்பெருக்கு ஏற்பட்டுள்ளது. கரியங்கோடு ஆற்றில் வெள்ளப்பெருக்கு ஏற்பட்டுள்ளதால் அதன் அருகில் உள்ள 50 வீடுகளை சேர்ந்தவர்கள் நிவாரண முகாம்களுக்கு மாற்றப்பட்டுள்ளனர். காசர்கோடு மாவட்டத்தில் 9 சென்டி மீட்டரும், கண்ணூர் மாவட்டத்தில் 9.7 சென்டி மீட்டரும் மழை பெய்துள்ளது.

விழிஞ்ஞம் பகுதியில் கடலில் மீன்பிடிக்க சென்ற 4 மீனவர்கள் படகில் ஏற்பட்ட கோளாறால் காணாமல்போனார்கள். அவர்கள் பாதுகாப்பாக திரும்பினார்கள். போதிய உணவு கொண்டுசெல்லாததால் பாதிக்கப்பட்டிருந்த 4 பேரும் ஆஸ்பத்திரியில் அனுமதிக்கப்பட்டனர்.

இதுவரை மழை மற்றும் கடல் சீற்றத்துக்கு 2 தமிழக மீனவர்கள் உள்பட 4 பேர் பலியாகி உள்ளனர். தமிழகத்தின் குமரி மாவட்டத்தை சேர்ந்த சகாயராஜ் (வயது 55) என்பவரின் உடல் நேற்று கொல்லம் மாவட்டத்தில் கரை ஒதுங்கியது. 2 மீனவர்கள் பாதுகாப்பாக நீந்தி கரைசேர்ந்தனர். மேலும் மாயமான 2 மீனவர்களை தேடும் பணி தொடர்ந்து நடைபெறுகிறது.


தொடர்புடைய செய்திகள்

1. கேரளாவை சேர்ந்த கவிஞர் அக்கிதமுக்கு ஞானபீட விருது
கேரளாவை சேர்ந்த கவிஞர் அக்கிதமுக்கு ஞானபீட விருது அறிவிக்கப்பட்டுள்ளது.
2. கேரளாவில் சாலை விபத்தில் 3 பேர் பலி
கேரளாவில் நிகழ்ந்த சாலை விபத்தில் 3 பேர் பலியாகினர்.
3. கேரளாவில் கார் மீது அரசு பஸ் மோதல்; தம்பதி பலி
கேரளாவில் கார் மீது அரசு பஸ் மோதியதில் தம்பதி பலியாகினர்.
4. கேரளா: 5 தொகுதி இடைத்தேர்தல் முடிவுகள்: காங்கிரஸ் அணி-3 இடதுசாரி கூட்டணி-2
கேரளாவில் 5 தொகுதி இடைத்தேர்தல் முடிவுகள் வெளியானது. அதில் காங்கிரஸ் அணிக்கு 3 இடங்களும், இடதுசாரி கூட்டணிக்கு 2 இடங்களும் கிடைத்துள்ளன.
5. கேரளாவில் கனமழையால் இயல்பு வாழ்க்கை முடங்கியது - 5 தொகுதி இடைத்தேர்தல் பாதிப்பு
கேரளாவில் பெய்து வரும் கனமழையால் மக்களின் இயல்பு வாழ்க்கை முடங்கியது. இதனால் 5 தொகுதிகளுக்கு நடந்த இடைத்தேர்தலும் பாதிக்கப்பட்டது.