பாகிஸ்தான் எடுத்துள்ள அவசர நடவடிக்கைகளை மாற்றிக்கொள்ள வேண்டும் - இந்திய வெளியுறவுத்துறை

புதுடெல்லி

காஷ்மீருக்கு வழங்கப்பட்டு இருந்த சிறப்பு அந்தஸ்தை ரத்து செய்த மத்திய அரசு, அந்த மாநிலத்தை 2 யூனியன் பிரதேசங்களாகவும் பிரிக்கிறது. இதற்கு பாகிஸ்தான் ஏற்கனவே கண்டனமும், எதிர்ப்பும் தெரிவித்தது. பாகிஸ்தான் பிரதமர் இம்ரான்கான் நாடாளுமன்ற கூட்டுக்கூட்டத்தில் பேசும்போது, இதுகுறித்து ஐ.நா. பாதுகாப்பு கவுன்சில் மூலம் பொதுச்சபையில் எழுப்புவோம் என்று தெரிவித்தார்.

இந்த நிலையில் பாகிஸ்தான் தேசிய பாதுகாப்பு கவுன்சில்  கூட்டத்தில், இந்தியாவுடன் தூதரக உறவுகளை துண்டித்துக்கொள்வது என்றும், இரு நாடுகள் இடையேயான வர்த்தகத்தை தற்காலிகமாக நிறுத்திவைப்பது என்றும் முடிவு செய்யப்பட்டது.

பாகிஸ்தான் நேற்று அறிவித்த நடவடிக்கைகளுக்கு இந்திய அரசு வருத்தம் தெரிவித்துள்ளது. தூதரக உறவுகளை துண்டித்துக்கொள்வது  குறித்து  பாகிஸ்தான் மறுபரிசீலனை செய்ய வேண்டும். பாகிஸ்தான் எடுத்துள்ள அவசர நடவடிக்கைகளை மாற்றிக்கொள்ள வேண்டும். இது இரு நாட்டு நல்லூறவுகளையும் பாதிக்கும்  என இந்திய வெளிவிவகார துறை வலியுறுத்தி உள்ளது.

வெளிவிவகார துறை மேலும் கூறி இருப்பதாவது : 

ஜம்மு-காஷ்மீரில் எந்தவொரு அதிருப்தியையும் தீர்க்கக்கூடிய இத்தகைய வளர்ச்சி முயற்சிகள் பாகிஸ்தானில் எதிர்மறையாக உணரப்படும் என்பதில் ஆச்சரியமில்லை, இதுபோன்ற விவகாரங்களை  அதன் எல்லை தாண்டிய பயங்கரவாதத்தை நியாயப்படுத்த பயன்படுத்தியுள்ளது.

இந்தியாவுடனான இருதரப்பு உறவுகள் தொடர்பாக  ஒரு தலைப்பட்ச நடவடிக்கைகளை எடுக்க பாகிஸ்தான் முடிவு செய்துள்ளதாக நாங்கள் எதிர்பார்த்தோம்  இதில் நமது தூதரக  உறவுகள் ரத்து செய்யப்படுவதும்  அடங்கும்.

370 வது பிரிவு தொடர்பான சமீபத்திய முன்னேற்றங்கள் முற்றிலும் இந்தியாவின் உள் விவகாரம். இந்திய அரசியலமைப்பு எப்போதுமே ஒரு இறையாண்மை விஷயமாக இருக்கும். பிராந்தியத்தின் எச்சரிக்கை பார்வையைத் தூண்டுவதன் மூலம் அந்த அதிகார வரம்பில் தலையிட முற்படுவது ஒருபோதும் வெற்றிபெறாது என அதில் கூறப்பட்டு உள்ளது.