<
3 மாதங்களுக்குள் ஜம்மு காஷ்மீரில் நிர்வாகம் சீராகும்; யூனியன் பிரதேசம் என்பது தற்காலிக ஏற்பாடு தான் - பிரதமர் மோடி
3 மாதங்களுக்குள் ஜம்மு காஷ்மீரில் நிர்வாகம் சீராகும்; யூனியன் பிரதேசம் என்பது தற்காலிக ஏற்பாடு தான் என்று பிரதமர் மோடி தெரிவித்துள்ளார்.
புதுடெல்லி,
காஷ்மீர் மாநிலத்துக்கு சிறப்பு அந்தஸ்து வழங்கும் 370 வது சட்டப்பிரிவு ரத்து செய்யப்பட்டு, மாநிலம் 2 யூனியன் பிரதேசங்களாக பிரிக்கப்படும் என மத்திய அரசு திங்கட்கிழமை அறிவித்தது. ஜம்மு காஷ்மீர் பற்றிய அறிவிப்பு வெளியானநிலையில், பிரதமர் மோடி நாட்டு மக்களுக்கு உரையாற்றினார். அப்போது மோடி கூறியதன் முக்கிய அம்சங்கள் பின் வருமாறு:
* தற்போது மத்திய அரசின் நேரடி கட்டுப்பாட்டில் காஷ்மீர், லடாக் உள்ளது.
* உங்கள் தலைவரை நீங்களே தேர்ந்தெடுக்கும் உரிமையை உங்களுக்கு அளிப்போம்.
*காஷ்மீரில் முதலீட்டை ஊக்குவித்து இளைஞர்களுக்கு வேலைவாய்ப்பை உருவாக்குவோம்
* காஷ்மீர் மக்களுக்கு பிரதமர் பெயரிலான நிதி உதவி திட்டங்கள் அமலாகும்
* ஜம்மு காஷ்மீர் யூனியன் பிரதேசமாக மாற்றப்பட்டது தற்காலிகமானதே. மீண்டும் மாநில அந்தஸ்து வழங்கப்படும்.
* உங்கள் தலைவரை நீங்களே தேர்ந்தெடுக்கும் உரிமையை உங்களுக்கு அளிப்போம்.
* ஐஐடி, எய்ம்ஸ் போன்ற கல்வி நிறுவனங்கள் காஷ்மீரில் தொடங்கப்படும்.
*காஷ்மீர் மக்களின் உரிமை நிலை நாட்டப்படும்: அது என்றும் அவர்களுக்கு நிலைத்திருக்கும்.
*ஜம்மு காஷ்மீரில் விரைவில் தேர்தல் நடத்தப்படும்.
*விமான நிலைய உருவாக்கம், தரமான சாலை வசதி உள்ளிட்டவை அடுத்தடுத்து தரப்படும்.
பாதுகாப்பு படைகளில் ஆள்சேர்ப்புக்காக பெருமளவில் வேலைவாய்ப்பு முகாம்கள் நடத்தப்படும்.
*ஆளுநர் ஆட்சியால் காஷ்மீரில் சிறப்பான வளர்ச்சி பணிகள் மேற்கொள்ளப்பட்டு வருகின்றன.
*1947-க்கு பிறகு மற்ற மாநிலங்களுக்கு உரிமைகள் கிடைத்தன. இங்கு மட்டும் கிடைக்கவில்லை
*காஷ்மீரில் முதலீட்டை ஊக்குவித்து இளைஞர்களுக்கு வேலை வாய்ப்பை வழங்குவோம்.
*காஷ்மீர் மக்களுக்கு இனி வேலை வாய்ப்புகள் எளிதில் கிடைக்கும்.
*குழந்தைகள், பெண்களுக்கு மருத்துவ வசதிகள் எளிதில் கிடைக்கும்
*370-வது சட்டப்பிரிவு ரத்து செய்யப்பட்டதால் பட்டியல், பழங்குடியின மக்களின் உரிமைகள் நிலை நாட்டப்படும்.
*ஜம்மு காஷ்மீரில் விரைவில் தேர்தல் நடத்தப்படும்.
* காஷ்மீர் மக்கள் பிரிவினைவாதத்தை தோற்கடிப்பார்கள்.
* மிக விரைவாக லடாக்கில் வளர்ச்சி ஏற்படும்.
இவ்வாறு அவர் பேசி வருகிறார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
