தேசிய செய்திகள்

ஜம்முவில் 144 தடை உத்தரவு விலக்கப்பட்டது, இன்டர்நெட் சேவை தொடர்ந்து துண்டிப்பு + "||" + Section 144 withdrawn in Jammu, internet services remain suspended

ஜம்முவில் 144 தடை உத்தரவு விலக்கப்பட்டது, இன்டர்நெட் சேவை தொடர்ந்து துண்டிப்பு

ஜம்முவில் 144 தடை உத்தரவு விலக்கப்பட்டது, இன்டர்நெட் சேவை தொடர்ந்து துண்டிப்பு
ஜம்முவில் 144 தடை உத்தரவு விலக்கப்பட்டுள்ளது, இன்டர்நெட் சேவை தொடர்ந்து துண்டிக்கப்பட்டுள்ளது.

காஷ்மீர் மாநிலத்துக்கு சிறப்பு அந்தஸ்து வழங்கும் 370-வது பிரிவை ரத்து செய்யும் தீர்மானம் மற்றும் அந்த மாநிலத்தை ஜம்மு-காஷ்மீர், லடாக் என 2 யூனியன் பிரதேசங்களாக பிரிக்க வகை செய்யும் காஷ்மீர் மறுசீரமைப்பு மசோதா ஆகியவை நாடாளுமன்றத்தின் இரு அவைகளிலும் நிறைவேற்றப்பட்டது.  மத்திய அரசின் இந்த நடவடிக்கையால் காஷ்மீரில் பதற்றம் நிலவுகிறது. இணைய-தொலைபேசி சேவைகள் முடக்கப்பட்டு உள்ளன. ராணுவத்தினரின் பாதுகாப்பு வளையத்தில் ஜம்மு-காஷ்மீர் கொண்டுவரப்பட்டு இருக்கிறது. ஊரடங்கு உத்தரவு அமல்படுத்தப்பட்டது. 

காஷ்மீர் பகுதி இஸ்லாமியர்கள் அதிகம் நிறைந்திருக்கும் பகுதி என்பதால் தீவிர கண்காணிப்பு வளையத்தில் வைக்கப்பட்டு இருக்கிறது. 
ஆனால் ஜம்மு பகுதியானது, இந்துக்கள் அதிகம் வாழும் இடமாகும். எனவே காஷ்மீருக்கான சிறப்பு அந்தஸ்து ரத்து நடவடிக்கை இப்பகுதியினருக்கு மகிழ்ச்சியையே அளித்துள்ளது. ஜம்முவிலும் பாதுகாப்பு ஏற்பாடுகள் தீவிரமாக்கப்பட்டுள்ளது. கடந்த 5 நாட்களாக அப்பகுதில் வன்முறை சம்பவங்கள் எதுவும் பதிவாகவில்லை. இந்நிலையில் அங்கு 144 தடை உத்தரவு திரும்ப பெறப்பட்டுள்ளது. ஜம்மு மாவட்ட ஆணையர் சுஷ்மா சவுகான் பிறப்பித்த உத்தரவில் மாவட்டத்தில் இணைய சேவைகள் துண்டிப்பு தொடரும் என தெரிவிக்கப்பட்டுள்ளது.  

ஜம்முவில் உள்ள பள்ளிகள் மற்றும் கல்லூரிகள் நாளை மீண்டும் திறக்கப்படும் என்று அந்த உத்தரவில் கூறப்பட்டுள்ளது. உதம்பூர் மாவட்டத்தில் ஏற்கனவே பள்ளிகள் மற்றும் கல்லூரிகள் திறக்கப்பட்டுள்ளன. இருப்பினும் 144 தடை உத்தரவு சில இடங்களில் அமலில் உள்ளது. 144 தடை உத்தரவு கத்துவா மற்றும் சம்பா மாவட்டங்களிலிருந்தும் திரும்பப் பெறப்பட்டுள்ளது. ஜம்மு பிராந்தியத்தின்கீழ் வரும் அனைத்து 10 மாவட்டங்களிலும் நிலைமை அமைதியாக உள்ளது என தெரிவிக்கப்பட்டுள்ளது.

தொடர்புடைய செய்திகள்

1. ஜம்மு காஷ்மீர் இந்தியாவின் முடிவுக்கு பதிலளிக்க பாகிஸ்தான் விருப்பம் - அமெரிக்க சிஆர்எஸ் அறிக்கை
ஜம்மு காஷ்மீர் தொடர்பான இந்தியாவின் முடிவுக்கு பதிலளிக்க பாகிஸ்தானுக்கு விருப்பம் உள்ளது என அமெரிக்க பாராளுமன்றத்தின் ஆராய்ச்சி அறிக்கை கூறுகிறது.
2. சுப்ரீம் கோர்ட்டு உத்தரவு எதிரொலி: காஷ்மீரில் செல்போன் சேவை முற்றிலும் சீரடைந்தது
சுப்ரீம் கோர்ட்டு உத்தரவை தொடர்ந்து காஷ்மீரில் செல்போன் சேவை முழுவதும் வழங்கப்பட்டு உள்ளது. மேலும் 2 மாவட்டங்களில் இணையதள வசதியும் கொடுக்கப்பட்டதால் மக்கள் மகிழ்ச்சி அடைந்துள்ளனர்.
3. காஷ்மீரில் 370 பிரிவு ரத்து செய்யப்பட்டதால் பாகிஸ்தானின் பினாமி போர் முடிவுக்கு வந்து உள்ளது- இந்திய ராணுவ தளபதி
காஷ்மீரில் 370 பிரிவு ரத்து செய்யப்பட்டதால் பாகிஸ்தானின் பினாமி போர் முடிவுக்கு வந்து உள்ளது என ராணுவ தளபதி மனோஜ் முகுந்த் நரவானே கூறினார்
4. பயங்கரவாதிகளுக்கு உதவிய டி.எஸ்.பி.யிடம் பயங்கரவாதியாகவே விசாரணை நடத்தப்படும் -ஜம்மு காஷ்மீர் போலீஸ்
பயங்கரவாதிகளுக்கு உதவியதாக கைதான டி.எஸ்.பி.யிடம் பயங்கரவாதிகளுக்கு இணையான முறையிலேயே விசாரணை நடத்தப்படும் என்று ஜம்மு காஷ்மீர் போலீஸ் அறிவித்து உள்ளது.
5. ஜம்மு காஷ்மீரில் கட்டுப்பாடுகளுக்கு எதிரான மனுக்கள் ; உச்ச நீதிமன்றம் இன்று தீர்ப்பு
ஜம்மு காஷ்மீரில் விதிக்கப்பட்டுள்ள கட்டுப்பாடுகளுக்கு எதிராக தாக்கல் செய்யப்பட்ட மனுக்கள் மீது உச்ச நீதிமன்றம் இன்று தீர்ப்பளிக்கிறது.