தேசிய செய்திகள்

360 கோடி டுவிட்டுகள்: மோடியின் சாகச வீடியோ டிரெண்டிங்கில் உலக சாதனை + "||" + 360 crore tweets is world record in Modi's adventure video trending

360 கோடி டுவிட்டுகள்: மோடியின் சாகச வீடியோ டிரெண்டிங்கில் உலக சாதனை

360 கோடி டுவிட்டுகள்: மோடியின் சாகச வீடியோ டிரெண்டிங்கில் உலக சாதனை
மோடியின் சாகச வீடியோ 360 கோடி டுவிட்டுகளை பதிவு செய்து டிரெண்டிங்கில் உலக சாதனை படைத்துள்ளது.
புதுடெல்லி,

அமெரிக்காவை சேர்ந்த டிஸ்கவரி தொலைக்காட்சி சேனலின், ‘மேன் வெர்சஸ் வைல்டு’ நிகழ்ச்சி உலக புகழ் பெற்றதாகும். இதில் நிகழ்ச்சியை நடத்தும் பியர் கிரில்ஸ், அடர்ந்த வனப்பகுதியில் ஆபத்தான சூழ்நிலைகளில் எவ்வாறு உயிர் பிழைத்திருப்பது, அங்கிருந்து எப்படி தப்பி வருவது என்பது குறித்து மக்களுக்கு கற்றுத் தருகிறார். இதில் அவ்வப்போது பிரபலங்கள் பங்கேற்கும் சிறப்பு நிகழ்ச்சிகளும் ஒளிபரப்பாகும்.


பியர் கிரில்சும், இந்திய பிரதமர் நரேந்திர மோடியும் உத்தரகாண்ட் மாநிலம், ஜிம் கார்பெட் தேசிய வனவிலங்கு பூங்காவில் சாகச காட்டுப்பயணம் மேற்கொண்ட சிறப்பு நிகழ்ச்சி சமீபத்தில் ஒளிபரப்பானது. ஆங்கிலம், இந்தி, வங்கம், தமிழ், தெலுங்கு என 5 மொழிகளில் 180 நாடுகளில் இந்த நிகழ்ச்சி ஒளிபரப்பானது.

இந்த சாகச நிகழ்ச்சியில் மோடி கலந்து கொண்டதற்கு நாடு முழுவதும் ஆதரவும், எதிர்ப்பும் எழுந்தன. இவை ஒருபுறம் இருக்க, இது தொலைக்காட்சி நிகழ்ச்சிக்கான சர்வதேச சாதனைகளை உடைத்துள்ளது.

இதுகுறித்து பியர் கிரில்ஸ் தனது டுவிட்டர் பக்கத்தில், “உலகில் அதிக டிரெண்ட் ஆன ஒரு டி.வி. நிகழ்வு இதுதான் என்றும், உலகம் முழுவதும் 360 கோடி முறை இந்த எபிசோடு குறித்த டுவிட்டுகள் பதிவு செய்யப்பட்டுள்ளது’ என்றும் தெரிவித்து உள்ளார்.

இந்த சாதனையை இதற்கு முன்பு 53-வது சூப்பர் பவுல் நிகழ்ச்சி வைத்திருந்தது. அமெரிக்க கால்பந்து போட்டி குறித்து 340 கோடி டுவிட்டுகள் பதிவானது குறிப்பிடத்தக்கது.


தொடர்புடைய செய்திகள்

1. "டெல்லி தேர்தலுக்கு முன் பேச வேண்டிய 3 விஷயங்கள்" -மோடிக்கு ப.சிதம்பரத்தின் ஆலோசனை
பிரதமர் மோடி டெல்லி தேர்தல் பிரசாரத்தில் மூன்று விஷயங்கள் குறித்து பேச வேண்டும் என்று ப.சிதம்பரம் கூறியுள்ளார்.
2. அமைதியான நாடு என்ற இந்தியாவின் பெருமையை மோடி அழித்துவிட்டார்: ராகுல் காந்தி குற்றச்சாட்டு
அமைதி மற்றும் நல்லிணக்க நாடு என்ற இந்தியாவின் பெருமையை மோடி அழித்துவிட்டார் என்று ராகுல் காந்தி குற்றம்சாட்டினார்.
3. மொரீசியஸ் பிரதமருடன் மோடி பேச்சுவார்த்தை
மொரீசியஸ் பிரதமருடன், நரேந்திர மோடி பேச்சுவார்த்தை நடத்தினார்.
4. சூடான் தீவிபத்தில் பலியானவர்களுக்கு பிரதமர் மோடி இரங்கல்
சூடான் தீவிபத்தில் பலியானவர்களுக்கு பிரதமர் மோடி இரங்கல் தெரிவித்துள்ளார்.
5. பொருளாதார வளர்ச்சிக்கு மேலும் பல நடவடிக்கைகள் எடுக்கப்படும்; பிரதமர் மோடி தகவல்
பா.ஜனதா தலைமையிலான 2-வது அரசு அமைந்து 6 மாதம் நிறைவடைந்துள்ளது. இதையொட்டி பிரதமர் நரேந்திர மோடி, பொருளாதார வளர்ச்சிக்கு மேலும் பல நடவடிக்கைகள் எடுக்கப்படும் என்று கூறியுள்ளார்.