தேசிய செய்திகள்

வீட்டுக்கு நேரில் சென்று அருண் ஜெட்லி குடும்பத்தினருக்கு பிரதமர் மோடி ஆறுதல் + "||" + Delhi: Prime Minister Narendra Modi meets the family of late former Union Finance Minister #ArunJaitley at his residence.

வீட்டுக்கு நேரில் சென்று அருண் ஜெட்லி குடும்பத்தினருக்கு பிரதமர் மோடி ஆறுதல்

வீட்டுக்கு நேரில் சென்று அருண் ஜெட்லி குடும்பத்தினருக்கு பிரதமர் மோடி ஆறுதல்
அருண் ஜெட்லி வீட்டுக்கு நேரில் சென்ற பிரதமர் மோடி, அவருடைய குடும்பத்தினருக்கு ஆறுதல் கூறினார்.
புதுடெல்லி,

முன்னாள் மத்திய நிதி மந்திரியும், பா.ஜனதா மூத்த தலைவருமான அருண் ஜெட்லி, கடந்த சனிக்கிழமை காலமானார். ‘எய்ம்ஸ்‘ ஆஸ்பத்திரியில் சிகிச்சை பெற்று வந்த அவர், சிகிச்சை பலனின்றி உயிரிழந்தார். அவரது உடல், முழு அரசு மரியாதையுடன் தகனம் செய்யப்பட்டது.


அருண் ஜெட்லி மறைந்தபோது, பிரதமர் நரேந்திர மோடி 3 நாடுகள் சுற்றுப்பயணத்தில் இருந்தார். அங்கிருந்தபடி, அருண் ஜெட்லி மறைவுக்கு ‘டுவிட்டர்‘ பக்கத்தில் இரங்கல் தெரிவித்தார். அருண் ஜெட்லி குடும்பத்தினருடன் தொலைபேசியில் பேசி ஆறுதல் கூறினார்.

பஹ்ரைன் நாட்டில் ஒரு நிகழ்ச்சியில் பேசுகையில், “என் இனிய நண்பர் அருண் ஜெட்லி மறைந்தநிலையில், நான் இங்கு இருப்பதை என்னால் கற்பனை செய்துகூட பார்க்க முடியவில்லை“ என்று கூறினார்.

இந்நிலையில், 3 நாடுகள் சுற்றுப்பயணத்தை முடித்துக்கொண்டு, பிரதமர் மோடி நேற்று அதிகாலை டெல்லி வந்து சேர்ந்தார். காலையில் அவர் டெல்லியில் உள்ள அருண் ஜெட்லி வீட்டுக்கு சென்றார்.

அவருக்கு முன்பாக அங்கு சென்ற மத்திய உள்துறை மந்திரி அமித் ஷா, மோடியை வரவேற்றார். அருண் ஜெட்லியின் மகன் ரோஹனும் வரவேற்றார்.

வீட்டுக்குள், அருண் ஜெட்லி மனைவி, மகள் உள்ளிட்ட குடும்ப உறுப்பினர்கள் இருந்தனர். உள்ளே சென்ற பிரதமர், அருண் ஜெட்லி படத்துக்கு மலர் அஞ்சலி செலுத்தினார். அருண் ஜெட்லி குடும்பத்தினருக்கு ஆறுதல் கூறினார். சுமார் 25 நிமிடங்கள் அவர் அங்கு இருந்தார்.


தொடர்புடைய செய்திகள்

1. எதிரிகள் உங்கள் ஆற்றலையும் ,கோபத்தையும் கண்டிருக்கிறார்கள்- ராணுவ வீரர்களிடையே பிரதமர் மோடி பேசும் போது சீனாவுக்கு எச்சரிக்கை
எதிரிகள் உங்கள் ஆற்றலையும் ,கோபத்தையும் கண்டிருக்கிறார்கள்- லடாக்கில் ராணுவ வீரர்களிடையே பிரதமர் மோடி பேசும் போது சீனாவுக்கு எச்சரிக்கை விடுத்தார்.
2. பிரதமர் மோடி லடாக்கில் திடீர் ஆய்வு: சீனா சொல்வது என்ன?
கல்வான் பள்ளத்தாக்கு மோதலால் பதற்றம் அதிகரித்துள்ள நிலையில், லடாக் எல்லையில் பிரதமர் மோடி இன்று திடீர் ஆய்வு மேற்கொண்டார்.
3. முக்கியத்துவம் வாய்ந்ததாக மாறும் பிரதமர் மோடியின் திடீர் எல்லை ஆய்வு ; உற்று நோக்கும் உலக நாடுகள்
எல்லையில் இருநாடுகளுக்கும் இடையில் மோதல் நிலவிவரும் நேரத்தில், பிரதமர் நரேந்திர மோடி அங்கு பயணம் செய்திருப்பது முக்கியத்துவம் வாய்ந்ததாக உள்ளது . இதை உலக நாடுகள் உன்னிப்பாக கவனித்து வருகிறது.
4. சீனாவுடன் மோதல் வலுத்து வரும் நிலையில் லடாக் எல்லையில் பிரதமர் மோடி திடீர் ஆய்வு
சீனாவுடன் மோதல் வலுத்து வரும் நிலையில், லடாக் எல்லையில் பிரதமர் மோடி தீடீர் ஆய்வை மேற்கொண்டுள்ளார்.
5. நாட்டின் பாதுகாப்பு குறித்து எப்போது பேசுவீர்கள்? - பிரதமர் மோடிக்கு ராகுல் காந்தி கேள்வி
நாட்டின் பாதுகாப்பு குறித்து எப்போது பேசுவீர்கள்? என்று பிரதமர் மோடிக்கு ராகுல் காந்தி கேள்வி எழுப்பியுள்ளார்.