ஓணத்தையொட்டி சபரிமலை அய்யப்பன் கோவில் 9-ந் தேதி நடை திறப்பு

சபரிமலை,

ஓணம் பண்டிகையை முன்னிட்டு சபரிமலை அய்யப்பன் கோவிலில் வருகிற 9-ந் தேதி மாலை 5.30 மணிக்கு நடை திறக்கப்படுகிறது. தந்திரி கண்டரரு மகேஷ் மோகனரு முன்னிலையில், தந்திரி வாசுதேவன் நம்பூதிரி நடையை திறந்துவைக்கிறார். திருவோண தினமான 11-ந் தேதி சிறப்பு பூஜைகள் நடக்கிறது. அன்று மதியம் அய்யப்ப பக்தர்களுக்கு ஓண விருந்து வழங்கப்படுகிறது.தொடர்ந்து 13-ந் தேதி வரை சிறப்பு பூஜைகள் நடக்கிறது. பின்னர் அன்று இரவு 10.30 மணிக்கு நடை அடைக்கப்படுகிறது. மீண்டும் புரட்டாசி மாத பூஜைக்காக செப்டம்பர் 16-ந் தேதி மாலையில் நடை திறக்கப்படும்.