தெலுங்கானாவில் கோவில் தூணில் முதல்-மந்திரி உருவம்: பா.ஜ.கவினர் போராட்டம்

ஐதராபாத்,

தெலுங்கானா மாநிலம் யாதகிரிகுட்டா பகுதியில் உள்ள புகழ்பெற்ற  லட்சுமி நரசிம்ம கோவில் தூணில், அரசின் அடையாளங்களான மாநில முதல்-மந்திரி சந்திரசேகர ராவின் உருவம், தெலுங்கானா மாநில அரசின் பல்வேறு திட்டங்களுக்கான அடையாளங்கள், ஐதராபாத் நகரின் அடையாளமாக திகழும் சார்மினார் கட்டிடம்  போன்ற அத்துமீறல்களுடன் கூடிய சிற்பங்கள் செதுக்கப்பட்ட கல் தூண்கள் கோவில் வளாகத்தில் நிறுத்தி வைக்கப்பட்டுள்ளன. 

முதல்-மந்திரியின் உருவம் செதுக்கப்பட்டதைக் கண்டித்து, பா.ஜ.க.வினர் போராட்டத்தில் ஈடுபட்டனர். திடீரென கோபுரத்தின் மீது ஏறி போராட முயன்றவர்களை, தடுத்து நிறுத்திய சிறப்பு அதிரடிப்படை, அங்கிருந்து அவர்களை விரட்டியடித்தனர். இதன் காரணமாக இரு தரப்பு இடையே மோதல் ஏற்பட்டதால், அங்கு பரபரப்பு ஏற்பட்டது.