தேசிய செய்திகள்

கேரளாவில் மோட்டார் வாகன சட்டத்துக்கு காங்கிரஸ், மார்க்சிஸ்ட் எதிர்ப்பு + "||" + For Motor Vehicle Act In Kerala, Congress, Marxist anti

கேரளாவில் மோட்டார் வாகன சட்டத்துக்கு காங்கிரஸ், மார்க்சிஸ்ட் எதிர்ப்பு

கேரளாவில் மோட்டார் வாகன சட்டத்துக்கு காங்கிரஸ், மார்க்சிஸ்ட் எதிர்ப்பு
கேரளாவில் மோட்டார் வாகன சட்டத்துக்கு காங்கிரஸ் மற்றும் மார்க்சிஸ்ட் கட்சிகள் எதிர்ப்பு தெரிவித்தன.
திருவனந்தபுரம்,

சாலை விதிகளை மீறுவோருக்கு அதிக அபராதம் விதிக்க வகை செய்யும் மோட்டார் வாகன திருத்த சட்டத்தை பெரும்பாலான மாநிலங்கள் அமல்படுத்தி உள்ளன. அதேநேரம் இந்த சட்டத்துக்கு சில மாநிலங்கள் எதிர்ப்பும் தெரிவித்து உள்ளன. அந்தவகையில் கேரளாவும் இந்த சட்டத்துக்கு கடும் எதிர்ப்பு தெரிவித்து உள்ளது.


அங்கு ஆளும் மார்க்சிஸ்ட் கம்யூனிஸ்டு கட்சி மற்றும் எதிர்க்கட்சியான காங்கிரஸ் ஆகியவை மோட்டார் வாகன திருத்த சட்டத்துக்கு எதிர்ப்பு தெரிவித்து உள்ளன. இது குறித்து மார்க்சிஸ்ட் கம்யூனிஸ்டு மாநில செயலாளர் கொடியேறி பாலகிருஷ்ணன் கூறுகையில், ‘சாலை விபத்துகளை நிச்சயம் குறைக்க வேண்டும். அதற்கு ஏற்கனவே இருக்கும் சட்டங்களை தீவிரமாக அமல்படுத்தினாலே போதும். அதிக அபராதங்கள் விதிப்பது ஊழலுக்கு வழிவகுக்கும். எனவே இந்த காரணிகளை பரிசீலித்து மோட்டார் வாகன சட்டத்தில் தேவையான திருத்தங்களை மேற்கொள்ள வேண்டும்’ என்று கேட்டுக்கொண்டார்.

இதே கருத்தை வலியுறுத்திய மாநில காங்கிரஸ் மூத்த தலைவர் ரமேஷ் சென்னிதலா, புதிய சட்டப்படி அதிக அபராதம் விதிக்கக்கூடாது என முதல்-மந்திரி பினராயி விஜயனை கேட்டுக்கொண்டார். மத்திய பிரதேசம், தமிழ்நாடு, ராஜஸ்தான் போன்ற மாநிலங்கள் இந்த சட்டத்தை அமல்படுத்தமாட்டோம் என கூறியிருப்பது போல கேரளாவும் இந்த சட்டத்தை அமல்படுத்தக்கூடாது என வலியுறுத்தினார்.

தொடர்புடைய செய்திகள்

1. கேரளாவில் சட்டசபை இடைத்தேர்தல்: ஆளும் இடதுசாரி கூட்டணி வெற்றி
கேரளாவில் நடைபெற்ற சட்டசபை இடைத்தேர்தலில், ஆளும் இடதுசாரி கூட்டணி வெற்றிபெற்றது.
2. கேரளாவில் ஓணம் பண்டிகையையொட்டி ரூ.487 கோடிக்கு மது விற்பனை
கேரளாவில் ஓணம் பண்டிகையையொட்டி ரூ.487 கோடிக்கு மது விற்பனை நடந்துள்ளது.
3. கேரளாவுக்கு காரில் கடத்த முயன்ற 600 கிலோ ரேஷன் அரிசி பறிமுதல் - 2 பேர் கைது
கேரளாவுக்கு காரில் கடத்த முயன்ற 600 கிலோ ரேஷன் அரிசியை போலீசார் பறிமுதல் செய்தனர். மேலும் இதுதொடர்பாக 2 பேர் கைது செய்யப்பட்டனர்.
4. பயங்கரவாத இயக்கத்துடன் தொடர்புடையவர்கள் என்ற சந்தேகத்தின் பேரில் கேரளாவில் 2 பேர் கைது
பயங்கரவாத இயக்கத்துடன் தொடர்புடையவர்கள் என்ற சந்தேகத்தின் பேரில் கேரளாவில் பெண் உள்பட 2 பேர் கைது செய்யப்பட்டுள்ளனர்.
5. கேரளாவில் வெள்ளம்: பலி எண்ணிக்கை 111 ஆக உயர்வு - 31 பேரை காணவில்லை
கேரளாவில் கனமழை காரணமாக ஏற்பட்ட வெள்ளத்தில் சிக்கி பலியானோர் எண்ணிக்கை 111 ஆக உயர்ந்தது. மேலும் 31 பேரை காணவில்லை என்றும் தெரிவிக்கப்பட்டுள்ளது.

ஆசிரியரின் தேர்வுகள்...