தேசிய செய்திகள்

இந்தியா, பாகிஸ்தான் பிரதமர்களை விரைவில் சந்திப்பேன்: அமெரிக்க அதிபர் டிரம்ப் + "||" + "Lot Of Progress Made": Donald Trump Says Will Meet PM Modi, Imran Khan

இந்தியா, பாகிஸ்தான் பிரதமர்களை விரைவில் சந்திப்பேன்: அமெரிக்க அதிபர் டிரம்ப்

இந்தியா, பாகிஸ்தான் பிரதமர்களை விரைவில் சந்திப்பேன்: அமெரிக்க அதிபர் டிரம்ப்
இந்தியா , பாகிஸ்தான் பிரதமர்களை விரைவில் சந்திப்பேன் என்று அமெரிக்க அதிபர் டிரம்ப் தெரிவித்துள்ளார்.
வாஷிங்டன்,

இந்திய பிரதமர் மோடி மற்றும் பாகிஸ்தான் பிரதமர் இம்ரான் கான் ஆகியோரை விரைவில் சந்தித்து பேச இருப்பதாக அமெரிக்க அதிபர் டொனால்டு டிரம்ப் தெரிவித்தார்.  மேலும், இந்தியா - பாகிஸ்தான் இடையிலிருந்த பதற்ற சூழ்நிலை தணிந்துள்ளதாக கூறியுள்ளார். 

வரும் ஞாயிற்றுக் கிழமை, அமெரிக்காவின் டெக்சாஸுக்குச் செல்லும் பிரதமர் நரேந்திர மோடி, ‘ஹவுடி, மோடி' என்னும் நிகழ்ச்சியில் கலந்து கொள்கிறார். இந்த நிகழ்ச்சியில் அமெரிக்க அதிபர் டிரம்பும் கலந்து கொள்கிறார்.  இந்த சூழலில், டிரம்ப் இரு நாட்டு தலைவர்களையும் சந்திக்க உள்ளார்.  இம்ரான் கானை எங்கு சந்திப்பார் என்ற தகவலை டிரம்ப் வெளியிடவில்லை.

வெள்ளை மாளிகையில் செய்தியாளர்களுக்கு பேட்டி அளித்த டிரம்ப் கூறியதாவது:- “பாகிஸ்தான் பிரதமர் இம்ரான் கானை நான் விரைவில் சந்திக்க உள்ளேன். அதேபோல இந்திய பிரதமரையும் பார்ப்பேன். இரு நாட்டுக்கும் இடையில் தற்போது சூழல் நன்றாக முன்னேறியுள்ளது”  என்றார். 

இந்த மாத இறுதியில் நியூயார்க் நகரில், ஐ.நா சபைக் கூட்டம் நடக்க உள்ளது. அப்போது இம்ரான் கானை, ட்ரம்ப் சந்திக்க வாய்ப்புள்ளதாக தெரிகிறது.  ஹவுடி மோடி நிகழ்ச்சி வரும் 22 ஆம் தேதி ஹூஸ்டன் நகரில் நடைபெறுகிறது. இதில் பிரதமர் மோடியுடன் டிரம்பும் கலந்து கொள்கிறார். இந்திய வம்சாவளியினர் 50 ஆயிரம் பேர் இந்த நிகழ்ச்சியில் கலந்து கொள்ள உள்ளனர். 

தொடர்புடைய செய்திகள்

1. பாகிஸ்தானில் பத்திரிகையாளர்களுக்கு கட்டுப்பாடு: அமெரிக்கா கவலை
பாகிஸ்தானில் பத்திரிகையாளர்களுக்கு கட்டுப்பாடுகள் விதிக்கப்படுவது கவலை அளிப்பதாக அமெரிக்கா தெரிவித்துள்ளது.
2. இந்தியாவும் பாகிஸ்தானும் நல்லுறவுடன் செயல்பட வேண்டும்: சீனா விருப்பம்
இந்தியாவும் பாகிஸ்தானும் நல்லுறவுடன் செயல்பட வேண்டும் என்று சீனா விருப்பம் தெரிவித்துள்ளது.
3. யாராவது பாலகோட் என்று சொன்னால் காங்கிரஸ் வலியால் குதிக்கிறது -பிரதமர் மோடி கிண்டல்
தற்செயலாக யாராவது பாலகோட் என்று சொன்னால் காங்கிரஸ் வலியால் குதிக்கிறது என பிரதமர் மோடி கூறினார்.
4. ‘மக்கள் பணத்தை கொள்ளை அடித்தால் சிறை’ பிரதமர் மோடி எச்சரிக்கை
மக்கள் பணத்தை கொள்ளை அடித்தால் சிறை உறுதி என பிரதமர் மோடி எச்சரிக்கை விடுத்தார்.
5. துருக்கி 'ஒருபோதும் போர் நிறுத்தத்தை அறிவிக்காது' -அதிபர் எர்டோகன்
துருக்கி 'ஒருபோதும் போர்நிறுத்தத்தை அறிவிக்காது' என்று அதிபர் எர்டோகன் கூறி உள்ளார்.