தேசிய செய்திகள்

விஜயசாந்தி பாஜகவில் இணைய உள்ளதாக தகவல் + "||" + Vijayashanti set to join BJP, star in Maharashtra campaign

விஜயசாந்தி பாஜகவில் இணைய உள்ளதாக தகவல்

விஜயசாந்தி பாஜகவில் இணைய உள்ளதாக தகவல்
பிரபல நடிகை விஜயசாந்தி பாஜகவில் இணைய உள்ளதாக தகவல்கள் வெளியாகியுள்ளது.
ஐதராபாத்,

தெலுங்கானா காங்கிரசில் முக்கிய தலைவர்களில் ஒருவராக விளங்கிய பிரபல நடிகை விஜயசாந்தி மீண்டும் பாஜகவில் இணைய உள்ளதாக தகவல்கள் வெளியாகியுள்ளது. தசரா பண்டிகைக்கு முன்பாக விஜயசாந்தி பாஜகவில் இணைவார் என்றும் மராட்டிய சட்டமன்ற தேர்தலில் நட்சத்திர பிரமுகராக பிரசாரத்தில் ஈடுபடுவார் என்று பாஜக வட்டாரங்கள் தெரிவிக்கின்றன.

விஜயசாந்தி தென் மாநிலங்களில் மிகவும் பிரபலமானவர் என்பதால், பாஜகவில் அவர் இணைவது அக்கட்சிக்கு வலுசேர்க்கும் என்று பாஜக தலைவர்கள் நம்புகின்றனர்.  மராட்டிய மாநிலத்தில் 15 முதல் 20 தொகுதிகளில் விஜயசாந்தியை பிரசாரத்தில் ஈடுபடுத்த பாஜக டெல்லி தலைமை திட்டமிட்டுள்ளது. ஏனெனில், தெலுங்கானா மாநில எல்லையை ஒட்டியுள்ள பகுதிகளில் விஜயசாந்திக்கு என தனி செல்வாக்கு உள்ளதாக கூறப்படுகிறது. 

விஜயசாந்தியை பிரம்மாண்ட பொதுக்கூட்டம் நடத்தி  கட்சியில் இணைக்க தெலுங்கானா மாநில பாஜக தலைவர்கள் திட்டமிட்டுள்ளனர். ஆனால், டெல்லியில் பாஜக தலைமையை சந்தித்து விஜயசாந்தி கட்சியில் இணைவரா? அல்லது தெலுங்கானாவில் பிரம்மாண்ட பொதுக்கூட்டம் நடத்தி  கட்சியில் இணைவாரா? என்பது பற்றி இன்னும் முடிவு செய்யப்படவில்லை என்று கூறப்படுகிறது. பாஜக தேசிய பொதுச்செயலாளர் முரளிதர்ராவ் மற்றும் ஆர்.எஸ்.எஸ் தலைவர்கள் விஜயசாந்தியுடன் கடந்த  15 நாட்களாக கட்சியில் இணைவது பற்றி ஆலோசித்து முடிவு செய்துவிட்டதாகவும் கூறப்படுகிறது.  

1998 ஆம் ஆண்டு பாஜகவில் இணைந்த விஜயசாந்தி, அக்கட்சிக்காக தீவிர பிரச்சாரத்தில் ஈடுபட்டு வந்தார். பாஜக மகளிர் பிரிவு செயலாளராக இருந்த விஜயசாந்தி 1999 ஆம் ஆண்டு பொதுத்தேர்தலில் கடப்பா மக்களவை தொகுதியில் சோனியா காந்திக்கு எதிராக பாஜக சார்பில் வேட்பாளராக நிறுத்தப்பட்டார்.  எனினும், சோனியா காந்தி பெல்லாரி தொகுதிக்கு மாறியதால், விஜயசாந்தியும் போட்டியில் இருந்து விலகினார். பின்னர், தள்ளி தெலுங்கானா என்ற  தனிக்கட்சி ஆரம்பித்த விஜயசாந்தி, 2009 ஆம் ஆண்டு ராஷ்டிரிய ஜனதா கட்சியுடன் தனது கட்சியை இணைத்துக்கொண்டார். நாடாளுமன்ற உறுப்பினராகவும் இருந்த விஜயசந்தி, 2014 ஆம் ஆண்டு காங்கிரஸ் கட்சியில் இணைந்தார்.

தொடர்புடைய செய்திகள்

1. பால் தாக்கரேதான் மோடியை காப்பாற்றினார்; பாஜகவினர் நன்றி கெட்டவர்கள்- சிவசேனா ஆவேசம்
பால் தாக்கரேதான் மோடியை காப்பாற்றினார். அதை அவர்கள் மறந்து விட்டனர். பாஜகவினர் நன்றி கெட்டு சுற்றுகிறார்கள் என சிவசேனா பாஜகவை விமர்சித்து உள்ளது.
2. மராட்டியத்தில் சிவசேனாவுக்கான கூட்டணி கதவு இன்னும் திறந்தே உள்ளது - பாஜக
மராட்டியத்தில் சிவசேனாவுக்கான கூட்டணி கதவு இன்னும் திறந்தே உள்ளது என பாரதீய ஜனதா கூறி உள்ளது.
3. பாஜகவின் மூத்த தலைவர் அத்வானிக்கு 92-வது பிறந்தநாள்: பிரதமர் நேரில் வாழ்த்து
பா.ஜனதா மூத்த தலைவர் அத்வானி 92-வது பிறந்தநாள் கொண்டாடினார். அவருக்கு பிரதமர் மோடி நேரில் வாழ்த்து தெரிவித்தார்.
4. ஜனாதிபதி ஆட்சி ஏற்படும் சூழலை பாஜக உருவாக்குகிறது: சிவசேனா விமர்சனம்
ஜனாதிபதி ஆட்சி ஏற்படும் சூழலை பாஜக உருவாக்குகிறது என்று சிவசேனா விமர்சித்துள்ளது.
5. மேலும் ஒரு திருவள்ளுவர் சிலை அவமதிப்பு ; பாஜகவினர் சுத்தம் செய்து பூஜை செய்தனர்
தேனி மாவட்டம் பெரியகுளத்தில் மேலும் ஒரு திருவள்ளுவர் சிலை அவமதிக்கப்பட்டது. பாஜகவினர் சுத்தம் செய்து பூஜை செய்தனர்.