தேசிய செய்திகள்

டெல்லியில் கிலோ ரூ.24-க்கு வெங்காயம் விற்பனை - ரேஷன் கடைகள் மூலம் வினியோகம் + "||" + Onion sells for Rs 24 per kg in Delhi - Distribution by ration shops

டெல்லியில் கிலோ ரூ.24-க்கு வெங்காயம் விற்பனை - ரேஷன் கடைகள் மூலம் வினியோகம்

டெல்லியில் கிலோ ரூ.24-க்கு வெங்காயம் விற்பனை - ரேஷன் கடைகள் மூலம் வினியோகம்
நாட்டின் பிற பகுதிகளில் வெங்காயம் கிலோ ரூ.80-ஐ கடந்திருக்கும் நிலையில், டெல்லியில் மாநில அரசு சார்பில் ரூ.23.90-க்கு விற்கப்படுகிறது. இந்த விற்பனையை முதல்-மந்திரி கெஜ்ரிவால் நேற்று தொடங்கிவைத்தார்.
புதுடெல்லி,

இந்திய மக்களின் சமையலறையில் முக்கிய இடம்பிடித்து வரும் வெங்காயத்தின் விலை கடந்த சில நாட்களாக வேகமாக அதிகரித்து வருகிறது. நாட்டின் பல பகுதிகளில் வெங்காயம் கிலோ ரூ.80-க்கு மேல் விற்பனையாகிறது. தலைநகர் டெல்லியிலும் ரூ.60 முதல் ரூ.80 வரை விற்கப்படுகிறது.


இந்த விலையேற்றத்தை கட்டுப்படுத்தி பொதுமக்களை பாதுகாக்கும் வகையில் டெல்லியின் 70 சட்டசபை தொகுதிகளிலும் நியாயமான விலையில் வேன்கள் மூலம் 100 மெட்ரிக் டன் வெங்காயம் விற்பனை செய்யப்படும் என முதல்-மந்திரி கெஜ்ரிவால் சமீபத்தில் அறிவித்தார்.

அதன்படி இந்த விற்பனையை நேற்று அவர் தொடங்கி வைத்தார். இதற்காக மாநில தலைமை செயலகத்தின் முன் 70 லாரிகளில் வெங்காயம் கொண்டு வரப்பட்டு இருந்தன. அவற்றை கொடியசைத்து கெஜ்ரிவால் தொடங்கி வைத்தார்.

இந்த வெங்காயம் ரேஷன் கடைகள் மூலமும், வேன்கள் மூலமும் பொதுமக்களுக்கு கிலோ ரூ.23.90-க்கு வழங்கப்படும். இந்த திட்டத்தில் ஒவ்வொருவருக்கும் அதிகபட்சமாக 5 கிலோ வெங்காயம் கிடைக்கும். இந்த வெங்காய விற்பனை மையங்கள் காலை 10 மணி முதல் மாலை 5 மணி வரை இயங்கும்.

இந்த வெங்காயம் பெறுவதற்கு அடையாள அட்டை எதுவும் தேவை இல்லை எனக்கூறிய கெஜ்ரிவால், மக்கள் தங்கள் குடும்ப தேவைக்கு மட்டுமே நேர்மையாக வாங்கி செல்லுமாறும் கேட்டுக்கொண்டார். இந்த திட்டத்துக்காக நாளொன்றுக்கு 1 லட்சம் கிலோ வெங்காயம், முதல் 5 நாட்களுக்கு மத்திய அரசிடம் இருந்து வாங்கப்படும் எனவும், பின்னர் தேவையின் அடிப்படையில் முடிவு செய்யப்படும் எனவும் கெஜ்ரிவால் தெரிவித்தார்.

வெங்காயம் விலை குறையும் வரை டெல்லி அரசின் இந்த நியாயவிலை நடவடிக்கை தொடரும் எனவும் அவர் உறுதி தெரிவித்தார்.


தொடர்புடைய செய்திகள்

1. டெல்லியில் ஜனாதிபதியுடன் இளவரசர் சார்லஸ் சந்திப்பு
டெல்லியில் ஜனாதிபதி ராம்நாத் கோவிந்தை இளவரசர் சார்லஸ் சந்தித்தார்.
2. டெல்லியில் காற்று மாசு : பள்ளிகளை மூட மாசு கட்டுப்பாட்டு வாரியம் பரிந்துரை
டெல்லியில் காற்று மாசு காரணமாக மேலும் இரண்டு நாட்களுக்கு பள்ளிகளை மூட டெல்லி அரசாங்கத்திற்கு மாசு கட்டுப்பாட்டு வாரியம் பரிந்துரை செய்துள்ளது.
3. டெல்லி, கர்நாடகா, காஷ்மீரில் பள்ளி-கல்லூரிகளுக்கு விடுமுறை
டெல்லி, கர்நாடகா, காஷ்மீரில் பள்ளி-கல்லூரிகளுக்கு விடுமுறை அளிக்கப்பட்டது.
4. டெல்லியின் காற்று மாசு பிரச்சினை: பஞ்சாப், அரியானா அரசுகளுக்கு சுப்ரீம் கோர்ட்டு கடும் கண்டனம்
டெல்லியில் அதிகரித்து வரும் காற்று மாசு தொடர்பாக பஞ்சாப், அரியானா, டெல்லி மாநில அரசுகளுக்கு சுப்ரீம் கோர்ட்டு கடும் கண்டனம் தெரிவித்தது.
5. டெல்லியில் போலீசார் ‘திடீர்’ போராட்டம் - ஆயிரக்கணக்கானோர் திரண்டதால் பரபரப்பு
தாக்குதல் நடத்திய வக்கீல்கள் மீது நடவடிக்கை எடுக்க கோரி டெல்லி போலீஸ் கமிஷனர் அலுவலகம் முன்பு ஆயிரக்கணக்கான போலீசார் திடீரென திரண்டு வந்து போராட்டம் நடத்தியதால் பெரும் பரபரப்பு ஏற்பட்டது.