தேசிய செய்திகள்

இந்திய விமானப்படையின் புதிய தளபதியாக ஆர்.கே.எஸ். பதாரியா பதவியேற்பு + "||" + Air Chief Marshal Bhadauria takes charge as new IAF chief

இந்திய விமானப்படையின் புதிய தளபதியாக ஆர்.கே.எஸ். பதாரியா பதவியேற்பு

இந்திய விமானப்படையின் புதிய தளபதியாக ஆர்.கே.எஸ். பதாரியா பதவியேற்பு
இந்திய விமானப்படையின் புதிய தளபதியாக ஆர்.கே.எஸ். பதாரியா இன்று பதவியேற்றுக்கொண்டார்.
புதுடெல்லி,         

இந்திய விமானப்படையின் தளபதியாக கடந்த நான்கு ஆண்டுகளாக பதவி வகித்து வந்த பி.எஸ்.தனோவா பணியில் இருந்து நேற்று ஓய்வு பெற்றார்.

இதையடுத்து,இந்திய விமானப்படையின் 26வது புதிய தளபதியாக ஆர்.கே.எஸ்.பதாரியா இன்று பதவியேற்றுக்கொண்டார். கடந்த சில தினங்களுக்கு முன்னதாகவே மத்திய அரசு இதுகுறித்த அறிவிப்பை வெளியிட்டிருந்தது.


1980ல், விமானப்படையில் சேர்ந்த பதாரியா, 'ஜாகுவார்' படைப்பிரிவில் பல ஆண்டுகள் பணியாற்றினார். இதுவரை, 4,250 மணி நேரம் விமானத்தில் பறந்த அனுபவம் உடைய பதாரியா, 26 வகையான போர் விமானங்களை இயக்கும் திறமை பெற்றவர். விமானங்களை இயக்குவதிலும், வழிகாட்டுவதிலும், எதிரி விமானங்களை தாக்குவதிலும் தகுதி பெற்றவர். 

கடந்த பிப்ரவரி மாதம் பாலகோட் அருகே பாகிஸ்தான் பயங்கரவாத முகாம்களை தாக்கும் திட்டத்தை வெற்றிகரமாக நிறைவேற்றியதில் பதாரியாவின் பங்கு முக்கியமானது.

இன்று பதவியேற்றுக் கொண்ட பதாரியா தேசிய போர் நினைவு சின்னத்தில் அஞ்சலி செலுத்தினார். பின்னர் செய்தியாளர்கள் சந்திப்பில், “இந்திய விமானப்படை, எந்த வகையான அச்சுறுத்தலையும் எதிர்கொண்டு முறியடிக்க தயாராக உள்ளது. பாலக்கோட்டில் நடத்தப்பட்ட தாக்குதல் போல், மீண்டும் ஒரு தாக்குதலை நடத்தவும், இந்திய விமானப்படையினர் தயாராக உள்ளனர். ரபேல் போர் விமானங்களின் வருகையால், இந்திய விமானப்படை மேலும் பலம் அடையும். விமானப் படையை நவீன மயமாக்குவதற்கு முன்னுரிமை அளிப்பேன்” என்று கூறினார்.


தொடர்புடைய செய்திகள்

1. இந்திய விமானப்படைக்கு 200 போர் விமானங்கள் கொள்முதல்
இந்திய விமானப்படைக்கு 200 போர் விமானங்கள் வாங்கப்படுவதாக பாதுகாப்பு துறை செயலாளர் அஜய்குமார் தெரிவித்தார்.
2. பாலகோட் போன்று மற்றொரு தாக்குதலை நடத்த தயாராவோம்; விமான படை புதிய தளபதி பேட்டி
இந்திய விமான படை தளபதியாக ஆர்.கே. சிங் பதவுரியா இன்று பொறுப்பேற்று கொண்டார்.
3. விண்ணுக்கு மனிதர்களை அனுப்பும் இந்திய வீரர்களுக்கான முதற்கட்ட பரிசோதனை முடிவடைந்தது
விண்ணுக்கு மனிதர்களை அனுப்பும் வீரர்களுக்கான முதற்கட்ட பரிசோதனை முடிந்து இருப்பதாக இந்திய விமானப்படை தரப்பில் தெரிவிக்கப்பட்டு உள்ளது.
4. அமெரிக்காவின் 8 அப்பாச்சி போர் ஹெலிகாப்டர்கள் இந்திய விமானப்படையில் சேர்ப்பு
அமெரிக்காவின் போயிங் நிறுவனம் தயாரித்த 8 அப்பாச்சி போர் ஹெலிகாப்டர்கள் இந்திய விமானப்படையில் சேர்க்கப்பட்டது.
5. இந்திய விமானப்படை வலிமையாக உள்ளது - பாதுகாப்பு அமைச்சர் ராஜ்நாத் சிங்
இந்திய விமானப்படை வலிமையாக உள்ளது என பாதுகாப்பு அமைச்சர் ராஜ்நாத் சிங் கூறினார்.